Réttindi farþega

Þú gætir átt rétt á þjónustu ef fluginu þínu var aflýst. Undir þjónustu falla máltíðir og hressingar, gisting, samgöngur og aðgangur að samskiptamáta. Þetta á ekki við ef það orsakar frekari töf á ferðalaginu að veita þjónustuna.

Máltíðir og hressingar, í samræmi við biðtíma.

Gisting og samgöngur, ef ekki er hægt að endurbóka þig í flug samdægurs og þú getur ekki snúið aftur heim eða á tímabundinn dvalarstað.

Samskiptamáti, ef þú þarft stað til að hringja eða senda tölvupóst tengdan aflýsingunni.

Stundum getum við ekki gefið út inneignarnótur vegna fjölda farþega sem verða fyrir áhrifum. Í slíkum tilfellum biðjum við farþega að koma sjálfir í kring þjónustu og leggja inn upprunalegar kvittanir til endurgreiðslu við lok ferðarinnar í gegnum vefinn okkar.

Ef við getum ekki veitt þá þjónustu sem reglugerðin tiltekur geturðu skipulagt hana og fengið endurgreiðslu á kostnaði innan sanngirnismarka:

Máltíðir og hressing: Í samræmi við biðtíma. Athugaðu að við endurgreiðum ekki kaup á áfengi.

Gisting: Ef nauðsynlegt verður að bíða eina eða fleiri nætur eftir flugi eða lengur en farþegi hafði gert ráð fyrir. Sanngjarnt verð fyrir næturgistingu er mismunandi eftir staðsetningu:

• Norður Ameríka: 200 evrur
• Evrópa (Istanbúl þar með talin): 180 evrur
• Grænland: 250 evrur

Samgöngur: Almenningssamgöngur eða flugrúta milli gististaðar og flugvallar.

Samskiptamáti: Kostnaður vegna tveggja símtala, tölvupósta, faxa eða símskeyta.

Allur kostnaður verður að tengjast röskuninni beint, ekki er greitt fyrir þjónustu sem hafði áður verið skipulögð. 

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.

Þú gætir átt rétt á endurbókun eða endurgreiðslu ef fluginu þínu var aflýst.

Endurbókun

Þegar því verður við komið endurbókum við sjálfkrafa alla farþega sem verða fyrir röskun. Við sendum upplýsingar og uppfærða ferðaáætun á netfangið sem skráð er í bókunina svo mikilvægt er að ganga úr skugga um að það sé rétt skráð. Þú getur athugað það í Bókunin mín eða Icelandair appinu. Stundum sjáum við okkur ekki fært að endurbóka alla farþega sjálfkrafa vegna fjölda farþega sem verða fyrir áhrifum. Í slíkum tilfellum geta farþegar haft samband og óskað eftir endurbókun á loka áfangastað með næsta Icelandair flugi undir sæmbærilegum ferðaskilyrðum.

Endurgreiðsla

Þú getur valið að ferðast ekki og fá þá ónotaða hluta miðans endurgreidda fyrir alla farþega í bókuninni. Þú getur aflýst eða breytt bókuninni þinni í Bókunin mín og óskað eftir endurgreiðslu hér.

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.

Ef fluginu þínu er aflýst gætir þú átt rétt á bótum. Upphæð bótanna fer eftir fjarlægð flugsins og endurbókunarkostum.

Öll flug sem eru 1500 km eða styttri.

• 250 evrur ef þú komst á áfangastað meira en 2 klst eftir áætlaðan komutíma aflýsta flugsins.

Öll flug innan Bandalagsins* lengri en 1500 km og fyrir öll önnur flug á bilinu 1500 til 3500 km.

• 200 evrur ef þér var boðin endurbókun í flug sem kom á áfangastað innan 2 til 3 klst frá áætluðum komutíma aflýsta flugsins.
• 400 evrur ef þú komst á áfangastað meira en 3 klst eftir áætlaðan komutíma aflýsta flugsins.

Öll flug sem falla ekki undir ofangreint.

• 300 evrur ef þér var boðin endurbókun í flug sem kom á áfangastað innan 3 til 4 klst frá áætluðum komutíma aflýsta flugsins.
• 600 evrur ef þú komst á áfangastað meira en 4 klst eftir áætlaðan komutíma aflýsta flugsins.
  

Hvenær áttu ekki rétt á bótum?

Farþegar eiga ekki rétt á bótum :

• Ef látið var vita að fluginu væri aflýst 2 vikum eða meira fyrir áætlaða brottför.
• Ef látið var vita að fluginu væri aflýst 2 vikum til 7 dögum fyrir áætlaða brottför og boðin endurbókun á flug sem gerir þeim kleift að leggja af stað innan 2 klst. fyrir áætlaðan brottfarartíma og komast á áfangastað innan 4 klst. eftir áætlaðan komutíma.
• Ef látið var vita að fluginu væri aflýst 7 dögum fyrir áætlaða brottför og boðin endurbókun á flug sem gerir þeim kleift að leggja af stað innan 1 klst. fyrir áætlaðan brottfarartíma og komast á áfangastað innan 2 klst. eftir áætlaðan komutíma.
• Ef flugi er aflýst vegna óviðráðanlegra aðstæðna t.d. veðurofsa eða verkfalla eru flugfélög ekki bótaskyld, en farþegar gætu átt rétt á þjónustu.

_{*Innan Bandalagsins á við um flug innan Evrópusambandsins (ESB) og EFTA löndin (Ísland, Lichtenstein og Noreg). Flug frá þessum löndum eða milli þeirra falla undir evrópureglugerð 261/2004 sem og flug með flugrekanda sem er skráður innan þessara landa.}

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.