09/16/2025 | 11:09 AM
Við kynnum Kjarr, nýjan ilm úr smiðju Fischersund í samstarfi við Icelandair og Epal. Samstarfsverkefnið styður Vildarbörn , framtak Icelandair sem á sér langa sögu um að veita langveikum börnum og börnum sem búa við sérstakar aðstæður tækifæri til ferðalaga.
Takmarkað upplag er af kertinu sem vekur upp væran og róandi furuilm, innblásinn af hinu smágerða en sterka kjarri sem hjúfrar sig saman og vex þétt líkt og það sé að vernda sig gegn óblíðum og ófyrirsjáanlegum náttúruöflum.
Umbúðir og kerti skarta teikningu eftir Ingibjörgu Birgisdóttur, liststjórnanda og einum stofnenda Fischersund. Teikningin fangar samstöðuna og skjólið sem þessar harðgerðu plöntur skapa. Ilmnótur eru meðal annars birki, fura, balsamþinur og bergamot. Hvert kerti er handgert á Íslandi úr hágæða ilmkjarnaolíum og endurunnu sojavaxi.
Kertin fást nú í forsölu í vefverslun Epal.
Með hverjum ilmi frá Fischersund fylgir tónlist, myndlist, og ljóð. Við mælum með að þú hallir þér aftur, kveikir á kertinu og lesir í gegnum þetta fallega ljóð um Kjarr:
Í skjólsælu mosarjóðri
runnar og ung barrtré
hönd í hönd, samanflækt
dansandi lauf birkis
vindar hvísla, nálægt en þó fjarri
hlýtt í miðjunni
Grenikönglar á víð og dreif
hvílast og bíða frjóvgunar
kalt súrefni fyllir heiðblámann
Blóðberg grætur daggardropum
furunálum kastað í varðeld
neistar, logar, reykur
Í stutta stund, allt er