Hekla Aurora kveðjuflug - Economy

Við kveðjum Heklu Aurora sunnudaginn 12. október eftir áralangt samstarf þar sem hún hefur heillað farþega okkar með töfrum norðurljósanna, fallega skreytt í litadýrð þeirra.

Þessi einstaka Boeing 757 flugvél var tekin í notkun árið 2015 sem Hekla Aurora og mun nú halda á vit nýrra ævintýra.

Sérstakt kveðjuflug vélarinnar er ógleymanlegt tækifæri fyrir flugáhugafólk til að fagna arfleifð einnar ástsælustu flugvélar Icelandair.

Gluggasæti eru í boði gegn aukagjaldi og veita besta mögulega útsýnið í fluginu.

Takmarkað magn sæta er í boði, svo ekki láta þetta tækifæri framhjá þér fara.

Þú getur einnig keypt Saga Premium sæti hér .

Útsýnisflugið

Við stefnum á að fljúga í lágflugi yfir nokkrar náttúruperlur Íslands. Við ákveðum endanlega þegar nær dregur hvert er best að fljúga með sveigjanleika og veðurspá í huga.

Mikilvægar upplýsingar

• Engin þjónusta verður um borð.
• Brottför: Sunnudagur 12. október kl. 12:00.
• Staðsetning: Reykjavíkurflugvöllur.
• Lengd flugs: U.þ.b. 1 klst og 30 mínútur.
• Innritun: Farþegar þurfa að mæta að minnsta kosti 1 klst fyrir brottför.
• Skilríki: Gilt vegabréf eða sambærilegt löglegt skilríki.
• Lágmarksfjöldi: 40 farþegar.
• Staðfesting á bókun: Tölvupóstur verður sendur á netfangið sem gefið er upp. Ef staðfesting berst ekki innan 48 klst, athugaðu möppuna sem geymir ruslpóst.