Spánn, Portúgal og Marokkó með Celebrity Equinox
19. maí - 29. maí, 10 nætur, 9 nætur á siglingu
Barcelona - Cadiz - Lissabon - Porto - Tangier Marokkó - Barcelona
Komdu með í einstaka siglingu um suðvesturhluta Evrópu og Norður-Afríku þar sem glæsileg borgarlíf, heillandi menning og afslappaðir dagar á hafi úti fara saman á besta mögulega hátt.
Ferðin hefst með flugi til Barcelona, þar sem gist verður í eina nótt á Hotel Acta Voraport, áður en farið er um borð í hið vinsæla skemmtiferðaskip Celebrity Equinox. Framundan er níu nátta sigling um nokkra af áhugaverðustu áfangastöðum Spánar, Portúgals og Marokkó.
Frá Barcelona liggur leiðin til Cádiz á suðurströnd Spánar, hinnar sögufrægu hafnarborgar sem er hlið að Andalúsíu og Sevilla. Þaðan er siglt til Lissabon, þar sem skipið dvelur í tvo daga og gefst því góður tími til að njóta þessarar fallegu og líflegu höfuðborgar Portúgals. Næst tekur við heimsókn til Porto, sem heillar gesti með litríkri miðborg, fallegum árbökkum og afslappaðri stemningu.
Eftir dag á sjó er komið til Tangier í Marokkó, þar sem framandi menning, iðandi markaðir og afrísk áhrif skapa einstaka upplifun. Síðustu dagarnir um borð gefa tækifæri til að njóta alls þess sem Celebrity Equinox hefur upp á að bjóða, allt frá glæsilegum veitingastöðum og sýningum til afslöppunar við sundlaugina. Siglingunni líkur í Barcelona og þaðan er flogið heim sama dag.
