Umhverfismál

Þessi stefna tekur til allra starfsmanna Icelandair, á öllum starfsstigum og starfssviðum (hvort sem er í föstu starfi eða með tímabundna ráðningu) og allra starfsstöðva og dótturfélaga. Stefnan er aðgengileg á vefsvæði fyrirtækisins og á innra neti þess.

Við leggjum ríka áherslu á að draga hlutfallslega úr losun gróðurhúsalofttegunda. Í því skyni grípum við m.a. til aðgerða til að auka vitund um loftslagsmál og tökum virkan þátt í alþjóðasamstarfi í fluggeiranum á sviði sjálfbærnimála, í þróun tæknilausna og öðrum mótvægisaðgerðum vegna losunar frá flugi. Skuldbindingar okkar eru þessar:

• Að lágmarka kolefnislosun fyrir hvern tonnkílómetra í flugi, með því að bæta orkunýtingu og innleiða nýja valkosti um orkugjafa. Við stefnum að því að taka í notkun flugflota með bættri orkunýtingu, vinna að úrbótum í rekstri og leita leiða til að nota aðra eldsneytisgjafa en jarðefnaeldsneyti.
• Að þróa og innleiða aðferðir til að ná kolefnishlutleysi og stefnu um notkun á öðrum eldsneytisgjöfum en jarðefnaeldsneyti.
• Að hámarka skilvirkni við rekstur á jörðu niðri, með það fyrir augum að minnka eldsneytisnotkun og útblástur.
• Að taka þátt í samstarfsverkefnum í fluggeiranum sem ætlað er að vinna gegn loftslagsbreytingum og hvetja til sjálfbærra starfsvenja í öllum þáttum flugrekstrar.
• Að lágmarka áhrif af loftslagsáhættu á rekstur og tryggja viðnám rekstrarþátta gagnvart áhrifum loftslagsbreytinga með því að greina veikleika í rekstri og fjárfesta í tæknilausnum og innviðum sem auðvelda okkur að aðlagast breyttum aðstæðum.

Icelandair er meðvitað um að flugrekstur hefur í för með sér brennslu jarðefnaeldsneytis sem losar mengunarefni og hefur áhrif á náttúrulegt umhverfi og lýðheilsu. Að auki hefur hljóðmengun frá flugvélum áhrif á samfélög og íbúa í grennd við flugvelli, sem og á starfsfólkið sem vinnur á og við flugvellina. Skuldbindingar okkar eru þessar:

• Að lágmarka neikvæð áhrif af mengun og hávaðamengun, með því að taka í notkun flugflota með bættri orkunýtingu, vinna að úrbótum í rekstri og leita leiða til að nota aðra orkugjafa en jarðefnaeldsneyti. Við munum leitast við að forðast skaðleg atvik og neyðaraðstæður, svo sem eldsneytisleka, og þegar slík atvik koma upp vinnum við að því að ná stjórn á og takmarka áhrif þeirra á fólk og umhverfi, sem og notkun okkar á varasömum efnum.
• Öll atvik skulu tilkynnt í öryggisstjórnunarkerfi okkar.
• Að fylgja bestu starfsvenjum til að draga úr hljóðmengun og hvetja til ráðstafana í því skyni, til að lágmarka áhrif okkar á nærsamfélög.

Icelandair er meðvitað um að starfsemi flugfélaga krefst nýtingar auðlinda sem mynda úrgang. Við eigum í samstarfi við önnur fyrirtæki og ýmis samtök um að hvetja til aukinnar notkunar á umhverfisvænni vörum og þjónustu, sem og samstarf við viðskiptafélaga okkar um að auka hringrásarnýtingu og draga úr úrgangi. Skuldbindingar okkar eru þessar:

• Að innleiða hugsun um hringrásarhagkerfi og leggja áherslu á úrgangsmetakerfi – minnka, endurnýta, endurvinna, endurheimta, farga.
• Að hvetja til ábyrgrar nýtingar auðlinda.
• Að minnka notkun á einnota plasti og hámarka nýtingu rekstrarvara inni í farþegarýminu.
• Að innleiða ábyrgar starfsvenjur við innkaup til að draga úr neikvæðum áhrifum í allri aðfangakeðjunni og eiga samtal við birgja okkar í því skyni að bæta frammistöðu í sjálfbærnimálum.

Icelandair er með vottað umhverfisstjórnunarkerfi, IEnvA, sem er sambærilegt við ISO14001. Þetta kerfi gerir okkur kleift að meta og hafa umsjón með umhverfisáhrifum af rekstri okkar jafnt og þétt og við erum stöðugt að gera úrbætur á kerfinu, með því að setja mælanleg markmið og meta árangurinn af kerfinu. Umfang umhverfisstjórnunarkerfisins tekur til flugreksturs, umsjón fasteigna og innkaupa, flugvallarstarfsemi, og viðhalds, viðgerða og þjónustuskoðana.

Við erum meðvituð um það veigamikla hlutverk sem við gegnum varðandi örugga og mannúðlega flutninga á dýrum. Skuldbindingar okkar taka til baráttu gegn ólöglegum flutningum á villtum dýrum, en það er alþjóðlegt vandamál sem ógnar líffræðilegri fjölbreytni og velferð dýra. Skuldbindingar okkar eru þessar:

• Að líða ekki, undir neinum kringumstæðum, ólögleg viðskipti eða flutninga á villtum dýrum og styðja við aðgerðir í fluggeiranum í því skyni að vinna gegn slíku athæfi.
• Að stuðla að öruggum og mannúðlegum flutningum dýra hjá Icelandair og fylgja í hvívetna viðmiðunarreglum um velferð dýra.

Ef þú telur að eða grunar að brot gegn þessari stefnu Icelandair hafi verið framin biðjum við þig að tilkynna það sem fyrst með því að nota einhverja eftirfarandi samskiptaleiða:

• Starfsfólk okkar getur tilkynnt um tilvik

1. Í gegnum öryggisstjórnunarkerfi Icelandair
2. Í gegnum Icelandair.tilkynna.is
3. Til næsta yfirmanns

• Hver sem er getur tilkynnt um tilvik

1. Til reglufulltrúa ([email protected])
2. Í gegnum Icelandairexternal.tilkynna.is

Við beitum engum refsiaðgerðum vegna tilkynninga um brot gegn stefnu okkar eða gildandi lögum sem gerðar eru í góðri trú, í samræmi við íslensk lög um vernd uppljóstrara nr. 40/2020, og í samræmi við verklagsreglur okkar um uppljóstrara.

• Siðareglur fyrir birgja
• Verklagsreglur um uppljóstrara
• Öryggisstefna