Ráðstafanir vegna COVID-19
Bókaðu núna, breyttu síðar
Á óvissutímum geta ýmsar spurningar vaknað áður en til ferðalagsins kemur, en við viljum ekki að þú hættir að skipuleggja fram í tímann. Gott er að hafa í huga að við bjóðum upp á sveigjanleika varðandi breytingar á bókun.
Ef þú bókar núna getur þú breytt bókuninni án þess að greiða breytingagjald. Athugaðu að þú gætir þurft að greiða mismun á upphæð fargjalda.
Þessi regla gildir þar til annað verður ákveðið og á við um:
- allt millilandaflug
- innanlandsflug á ferðatímabilinu frá 24. júlí til og með 5. september 2021
Viðbótarvernd – verðu þig fyrir óvæntum útgjöldum
Auk þess sveigjanleika sem við bjóðum varðandi breytingar og afbókanir, býðst þér einnig að greiða forfallagjald og/eða að tryggja þig fyrir ófyrirséðum kostnaði, t.a.m. læknismeðferð (þar með talið vegna COVID-19) á meðan á ferðalaginu stendur.
Þú getur bætt við ferðasjúkratryggingu og/eða greitt forfallagjald í bókunarferlinu.
Áður en þú bætir ferðasjúkratryggingu við bókunina ættirðu að ganga úr skugga um að þú sért ekki þegar tryggð/ur fyrir þessum útgjöldum.
Auka sveigjanleiki fyrir farþega til Íslands
Við viljum vera sveigjanleg gagnvart viðskiptavinum okkar, sér í lagi þeim sem greinast með COVID-19 við komu til Íslands en eiga miða heim til annarra landa.
Ef farþegar greinast með COVID-19 við sýnatöku á Keflavíkurflugvelli, eða í seinni sýnatökunni 4-6 dögum eftir komu til landsins (þegar við á), munum við endurbóka ferð þeirra heim frá Íslandi, þeim að kostnaðarlausu eftir að einangrun líkur.
Nánari upplýsingar um sýnatöku á flugvellinum og viðbrögð ef prófið reynist jákvætt, má finna á covid.is.
Skilmálar:
- gildir einungis fyrir farþega sem eiga miða báðar leiðir með Icelandair.
- sýnataka fyrir COVID-19 verður að fara fram á Keflavíkurflugvelli.
- farþeginn þarf að skila til Icelandair vottorð, gefið út af íslenskum heilbrigðisyfirvöldum, um niðurstöður sýnatöku fyrir COVID-19.
- ef um er að ræða hópbókanir með fleiri en 9 farþegum, aðeins þeim farþegum sem greinast með COVID-19 og nánustu fjölskyldumeðlimum þeirra (börnum, foreldrum, mökum) stendur til boða að fá að endurbóka flugmiða að kostnaðarlausu.