Farangur

Hvaða snjallmerki styður Icelandair?

Sem stendur styðjum við snjallmerki frá BAGTAG

Get ég notað snjallmerkið í öllum flugum?

Sem stendur er aðeins hægt að nota snjallmerkið fyrir flug með Icelandair, þar með talin tengiflug í gegnum Keflavík.

Hvar kaupi ég snjallmerki?

Þú getur keypt snjallmerki beint af vefsíðu BAGTAG.

Hvernig virkja ég snjallmerkið?

Þú halar niður BAGTAG appinu í Google Play Store eða App store og fylgir skrefunum sem gefin eru upp þar. Vertu viss um að það sé kveikt á bluetooth í símanum og nettengingin sé góð.

Hvenær get ég uppfært snjallmerkið?

Þú getur innritað farangurinn þinn í BAGTAG appinu eftir að þú hefur innritað þig. Við mælum með vefinnritun.

Hvernig verður farangurinn vigtaður?

Farangurinn verður vigtaður við drop-off borðið. Þar er líka rukkað fyrir of þungan farangur sé það tilfellið.

Hvað þarf ég til þess að geta notað snjallmerkið frá BAGTAG?

Hvaða snjallsími sem er með Android 5.0 stýrikerfi eða iOS 11.0 eða nýrra styður við BAGTAG appið svo fremi sem hann sé með NFC til þess að uppfæra snjallmerkið rétt.

Hvernig festi ég snjallmerkið á töskuna?

BAGTAG Fix: Það eru tvær leiðir til þess að festa BAGTAG Fix merki á töskuna. Fyrri leiðin er með ólinni sem fylgir með snjallmerkinu (sjá myndband). Seinni leiðin er að festa snjallmerkið beint á töskuna (sjá myndband).

BAGTAG Flex: Vefðu BAGTAG ólinni um farangurinn og í gegnum raufina aftan á snjallmerkinu. Vertu viss um að snjallmerkið sé tryggilega fest á með því að herða ólina (sjá myndband).

Get ég notað snjallmerkið á margar töskur?

BAGTAG Flex snjallmerkið er hægt að nota á margar töskur með því að nota öryggispinnann sem fylgir með merkinu. Það er hægt að aflæsa tækinu og færa á milli taska.

Hvernig losa ég BAGTAG Flex af töskunni?

Þú aflæsir BAGTAG Flex með því að setja öryggispinnann í stæðið hægra megin á tækinu. Með því þrýsta pinnanum inn aflæsir þú snjallmerkinu og ólin losnar (sjá myndband).

Get ég deilt snjallmerkinu með öðrum?

Já, snjallmerkið er ekki bundið við einn notanda. Af öryggisástæðum er snjallmerkið læst í tvo tíma eftir komu úr fyrra flugi. Að tveimur tímum liðnum má nota snjallmerkið aftur.

Hvernig færi ég upplýsingar í snjallmerkið?

Töskumerkingin er færð í snjallmerkið í gegnum BAGTAG appið. Þú getur innritað töskuna í gegnum appið eftir að þú hefur lokið vefinnritun eða innritun í Icelandair appinu.

Hvar finn ég staðsetninguna á NFC á síma?

NFC flagan er staðsett á mismunandi stöðum eftir tækjum. Hér að neðan má sjá dæmi um hvar NFC flöguna er að finna í Apple og Android tækjum.

Hvernig get ég fjarlægt flugupplýsingarnar úr snjallmerkinu þegar ég er ekki að ferðast?

Þú getur hreinsað skjáinn á snjallmerkinu eftir ferðina eða ef þú ætlar þér ekki að nota það í komandi ferðalagi.

BAGTAG Fix: Ýttu á hnappinn á tækinu þrisvar í röð, þá hverfa flugupplýsingarnar og stilluskjár birtist. Með því að ýta aftur þrisvar á hnappinn birtast flugupplýsingarnar aftur.

BAGTAG Flex: Til að fjarlægja flugupplýsingarnar af BAGTAG Flex tækinu þarftu að velja tækið í BAGTAG appinu og velja "try out this tag". Skrunaðu niður þar til þú finnur "clear BAGTAG". Veldu þann kost og fylgdu skrefunum í BAGTAG appinu til þess að hreinsa skjáinn (það virkar eins og að uppfæra snjallmerkið).

Er mögulegt að uppfæra snjallmerki í innritun í gegnum tölvu?

Nei, það er aðeins hægt að uppfæra snjallmerki í gegnum BAGTAG appið í snjalltæki.

Snjallmerkið mitt virkar ekki, hvað á ég að gera?

Ef vandamálið snýr að tækinu sjálfu eða BAGTAG appinu þá mælum við með því að heyra í BAGTAG. Ef tækið virkar rétt og þú ert að lenda í annarskonar vandræðum getur stafræni þjónustufulltrúinn okkar, Saga, neðst í hægra horninu glöð aðstoðað þig eða gefið þér samband við mennskan samstarfsfélaga.

Í Android símanum mínum er ég alltaf að fá upp villuboð þegar ég er að reyna að tengjast snjallmerkinu. Hvernig er hægt að leysa þetta?

Android símar notast við mismunandi Bluetooth samskiptareglur. Í sumum sínum þarftu að heinsa Bluetooth minnið áður en þú tengir símann við snjallmerkið. Almennt er það gert í eftirfarandi skrefum: farðu í Settings > Appa, opnaðu System Apps og leitaðu að Bluetooth share (gæti heitið öðru nafni eftir tækjum). Veldu storage undir Bluetooth share information og veldu clear data valmöguleikann. Endurræstu svo símann.

Ég hef innritað mig en valmöguleikinn um snjallmerki kemur ekki upp í BAGTAG appinu. Hvað á ég að gera?

Það gæti verið að þú hafir innritað þig í flug sem býður ekki upp á notkun snjallmerkja. Skoðaðu vef BAGTAG til þess að kanna samstarfsflugfélög. Ef þú ert að fljúga með flugfélagi sem er ekki á listanum þarftu að hafa samband við þau og óska eftir aðstoð. Snjallmerki eru studd í öllum flugum Icelandair.

BAGTAG appið virkar ekki, hvað geri ég?

Heyrðu í þeim hjá BAGTAG.

Töskurnar mínar komu ekki, hvað geri ég?

Sama ferli á við og vanalega þegar það kemur að týndum, seinum eða skemmdum farangri þegar hann er merktur með snjallmerki. Frekari upplýsingar er að finna hér.

Snjallmerkið er "læst", hvað geri ég?

Þegar snjallmerki er uppfært læsist það. Læsingin er bundin við nafn og netfang farþegans og er virk í tvo sólarhringa fyrir brottför og sólarhring eftir brottför. Notandinn fær staðfestingarpóst í tölvupósti með upplýsingum um uppfærsluna og aflæsingarhlekk. Á meðan snjallmerkið er læst getur aðeins einhver með sama nafn og netfang og farþeginn uppfært snjallmerkið. Enginn annar getur notað merkið á meðan það er læst.