Pingdom Check

Flugfælninámskeið

Álfheiður Steinþórsdóttir sálfræðingur og Páll Stefánsson flugstjóri leiða námskeið fyrir fólk sem vill takast á við flugfælni. Lærðu að njóta þess að fljúga!

Skráðu þig á námskeið

Námskeiðin eru 14 tímar sem skiptast á fjögur kvöld og munu Álfheiður Steinþórsdóttir, sálfræðingur, og Páll Stefánsson, flugstjóri, leiða þau. 

Álfheiður kennir aðferðir til að vinna bug á kvíða og fælni og Páll fer í gegnum öll tæknileg atriði flugvélanna.

Námskeið í boði

Eins og stendur eru tvö námskeið framundan.

Námskeið 1 verður haldið dagana 5., 10., 16. og 23. septemberFlugferðin, fram og til baka til áfangastaðar í Evrópu, verður 26. september. Brottför snemma morguns og komið til baka seinni partinn sama dag.

Námskeið 2 verður haldið dagana 12., 17., 19. og 24. septemberFlugferðin, fram og til baka til áfangastaðar í Evrópu, verður 27. september. Brottför snemma morguns og komið til baka seinni partinn sama dag.

Bæði námskeiðin fara fram í fræðslusetri Icelandair að Flugvöllum í Hafnarfirði. 

Námskeiðsgjald er 65.000 kr.

Flughermir er skoðaður, við heimsækjum flugmálastjórn og síðan endum við námskeiðið á flugferð fram og til baka til eins af áfangastöðum Icelandair í Evrópu.

Allir þátttakendur verða að vera orðnir 20 ára og þurfa að mæta í stutt viðtal til Álfheiðar, áður en námskeiðið hefst, þar sem flugfælni viðkomanda er metin.
Viðtölin fara fram í Sálfræðistöðinni, Suðurlandsbraut 54 (bláu húsin).
Viðtöl fyrir námskeið 1 fara fram þann 4. september.
Viðtöl fyrir námskeið 2 fara fram þann 11. september.

Við staðfestingu á þátttöku verður þér gefinn tími í viðtal. Þau fyrstu hefjast klukkan 15:30 báða dagana.

​Árangur námskeiða

Yfir 80% þátttakenda ná marktækum árangri og losna undan flughræðslu og eftirfylgni eftir 6 mánuði segir sömu sögu. Námskeiðið er viðurkennt á Íslandi og hefur verið kynnt sérstaklega á Sálfræðingaþingi og á erlendum ráðstefnum um flughræðslu og fælni. 

Til að skrá þig á næsta námskeið eða fá nánari upplýsingar um það, sendu okkur tölvupóst á netfangið flug@icelandair.is með nafni, símanúmeri og kennitölu þátttakanda. Athugið, takmarkað sætaframboð.