Fluginneignir: Flugkappar og Flugfélagar | Icelandair
Pingdom Check

Flugkappar og Flugfélagar

Eftir samþættingu Air Iceland Connect og Icelandair hefur sölu á Flugfélögum og Flugköppum verið hætt, nema til þeirra sem þegar hafa keypt pakkana. Eigendur pakka geta enn nýtt fluginneignina sína. 

Nota Flugfélaga og Flugkappa

Fluginneignir

Þeir viðskiptavinir sem keyptu fluginneign fyrir 16. mars geta áfram bókað flug undir þeim skilmálum sem voru í gildi við kaupin. Þann 16. mars gengu nýir skilmálar um fluginneignir í gildi sem má finna hér fyrir neðan.

Því miður er ekki lengur hægt að nota fluginneign þegar bókað er á netinu. Til að nota fluginneign við bókun, þurfa viðskiptavinir að hafa samband við þjónustuver Icelandair

Breyttu fluginneign í gjafabréf hjá Icelandair

Handhöfum Flugkappa, Flugfélaga og Flugfrelsis býðst að breyta inneign sinni í gjafabréf hjá Icelandair. Virði gjafabréfsins miðast við virði flugleggjanna sem þú áttir inni.

Dæmi: Ef keyptur var Flugkappa pakki, en það eru 10 flugleggir á 62.300 kr., er virði hvers flugleggs 6.230 kr.

Icelandair mun svo gefa 2500 kr. aukalega fyrir hvern fluglegg sem þú átt inni. Ef þú átt t.a.m. þrjá flugleggi eftir í fluginneign, bætast 7500 kr. við inneignina þína hjá Icelandair.

Gjafabréfið gildir sem peningagreiðsla upp í öll flug sem hægt er að bóka á vefnum okkar, bæði í innanlands- og millilandaflug. Það gildir í 2 ár frá útgáfudegi og fæst ekki endurgreitt.

Auðvelt er að breyta inneign á Flugkappa/Flugfélaga/Flugfrelsi í gjafabréf hjá Icelandair. Þú þarft aðeins að skrá þig inn á fluginneignarsíðuna þína og smella á Breyta í Icelandair gjafabréf. Ef innskráning mistekst, er hægt að hafa samband við þjónustuverið okkar.