Loftbrú

Áður en þú bókar flugið þarftu að sækja Loftbrúarkóða á vefinn www.loftbru.is.

Eftir að kóði hefur verið sóttur er farið inn á vef Icelandair.

1. Á forsíðu bókunarvélar eru valdir áfangastaðir. 
2. Í næsta skrefi er hakað við reit sem merktur er Loftbrú. Dagsetningar og fjöldi farþega er valinn. 
3. Því næst er valið tegund fargjalds, brottfarar- og komutími. Athugið að Loftbrúarverð eru ekki sýnd fyrr en kóðinn hefur verið sleginn inn seinna í ferlinu. 
4. Í næsta skrefi þar sem upplýsingar um farþega eru slegnar inn er kóðinn frá Loftbrú settur inn í reit sem er merktur Loftbrú, kóðinn er virkjaður, upplýsingar um farþega fyllast út sjálfkrafa í kjölfarið. 
5. Næst er aukaþjónustum bætt við ef farþegi ákveður að bæta þeim við (farangursheimildir o.fl.). 
6. Ef sæti fylgir völdu fargjaldi eru þau valin. 
7. Farið er yfir allar upplýsingar í bókun og hún staðfest.
8. Gengið er frá greiðslu og hægt er að greiða eftirstöðvar með korti, Netgíró eða gjafabréfi.

Bókanir

• Hægt er að nota kóða frá Loftbrú upp í greiðslu allra almennra flugfargjalda hjá Icelandair. 
• Eingöngu er hægt að nýta Loftbrú fyrir nýjar bókanir gerðar í gegnum bókunarvél á vef Icelandair. 
• Ekki er hægt að nýta niðurgreiðslu frá Loftbrú eftir að bókun hefur verið gerð. 
• Ekki er hægt að nýta Loftbrú til kaupa á hópafargjöldum, gjafabréfum, Flugfélögum, Flugköppum eða pakkaferðum. Eingöngu almennum fargjöldum (Economy Light, Economy Standard eða Economy Flex) í bókunarvél félagsins.

Breytingar og afbókanir

• Skilmálar um afbókanir og breytingar fylgja annars því fargjaldi sem bókað er á.
• Breytingargjald reiknast af fullu fargjaldi án afsláttar. 
• Nafnabreyting er ekki leyfð.
• Ef farþegi á rétt á endurgreiðslu fargjalds, vegna niðurfellingar flugs eða afbókunarskilmála fargjalds eru réttindin til að nota Loftbrú bakfærð inn á aðgang farþega. 
• Við afbókun á óbreytanlegu fargjaldi (Economy Light) eru réttindi til að nota Loftbrú ekki bakfærð inn á aðgang farþega.