Ferðast með gæludýr

• Farþegar sem hyggjast ferðast með dýr verða að láta Icelandair vita í það minnsta tveimur virkum dögum fyrir brottför til að geta bókað pláss fyrir dýrið. 
• Farþegar með hjálparhund, sem millilenda á Keflavíkurflugvelli, mega að hámarki stoppa þar í þrjár klukkustundir.
• Farþegum með hjálparhund er ekki leyfilegt að nýta sér „Icelandair Stopover“ þar sem öll dýr sem eru flutt lifandi til Íslands þurfa að vera í sóttkví í fjórar vikur.
• Heimilt er að flytja að hámarki fjögur dýr í hverri vél, en tvö dýr geta þó deilt búri séu þau lítil og af sömu tegund.
• Icelandair leyfir aðeins eitt hjálpardýr (hjálparhund) í hverju flugi. Vinsamlegast hafið í huga að dýr í farþegarýminu verður að vera bókað báðar leiðir ef eigandinn er með miða báðar leiðir.
• Icelandair leyfir ekki dýr í farangursrýminu eða í farþegarýminu ef hluti af áætlunarleið er á vegum annars flugfélags.
• Einu aðstoðardýrin (þar með talið dýr sem veita andlegan stuðning) sem eru leyfð í farþegarými hjá Icelandair eru hundar.
• Einungis hundar og kettir eru leyfðir í farangursrými vélarinnar.
• Eftirtaldar hundategundir er ekki leyfilegt að taka með um borð í flugvélar Icelandair vegna vandamála við öndun: Pit Bull Terrier, Staffordshire Bull Terrier, Tosa Inu og Dogo Argentino.

Gjald fyrir flutning á gæludýrum er skv. eftirfarandi töflu:

Til að bóka flutning á gæludýrum í farangursrými þarf að hafa samband við næstu söluskrifstofu og gefa upp nákvæm mál og þyngd búrsins, að dýrinu meðtöldu.

Hámarksstærð búrs er 92 cm (lengd) x 64 cm (breidd) x 71 cm (hæð). Samanlögð vigt gæludýrsins og búrsins má ekki fara yfir 40 kg.

Hjálpardýr er hundur sem hefur verið þjálfaður sérstaklega til að aðstoða manneskju með sérstakar þarfir og hefur verið vottaður af góðgerðarsamtökum sem eru fullgildur meðlimur í Assistance Dogs International (ADI) eða International Guide Dog Federation (IGDF) (þessi samtök eru faggildingaraðilar fyrir hjálparhundasamtök á heimsvísu). Icelandair heimilar einungis sérþjálfaða og vottaða hjálparhunda í farþegarýminu. Ekki má hafa hjálparhund meðferðis nema að hann sé ætlaður fyrir farþegann sem ferðast með hundinn. Skjölin mega ekki vera eldri en sex mánaða.

• Einu hjálpardýrin sem leyfð eru í farþegarýminu flugvéla Icelandair eru hundar.
• Farþegar með hjálparhund, sem millilenda á Keflavíkurflugvelli, mega að hámarki stoppa þar í þrjár klukkustundir.
• Farþegum með hjálparhund er ekki leyfilegt að nýta sér „Icelandair Stopover“ þar sem öll dýr sem eru flutt lifandi til Íslands þurfa að vera í sóttkví í fjórar vikur.
• Icelandair leyfir aðeins eitt hjálpardýr í hverju flugi. Farþegar sem hyggjast ferðast með hjálpardýr verða að hafa samband við þjónustuver Icelandair, og afhenda öll nauðsynleg skjöl og útfyllt eyðublöð, í það minnsta tveimur virkum dögum fyrir brottför. 
• Farþegi þarf ekki að greiða neitt aukalega fyrir að ferðast með viðurkenndan og sérþjálfaðan hjálparhund í flugi hjá Icelandair.
• Nauðsynlegt er að hafa samþykki Matvælastofnunar fyrir millilendingu á Keflavíkurflugvelli.
• Dýr sem notuð eru í samhengi meðferðar, og hafa verið sérþjálfuð til að heimsækja hjúkrunarheimili, skóla eða aðrar stofnanir, og fengið vottun frá viðeigandi stofnun, teljast ekki til leiðsögu- eða hjálpardýra.
• Ekki má hafa lifandi dýr meðferðis í farþegarými nema um sé að ræða sérþjálfað og vottað hjálpardýr.
• Icelandair leyfir ekki flutning á dýri, ef hluti af áætlunarleið er á vegum annars flugfélags.

Heimilt er að hafa dýr sem eru sérþjálfuð til að veita andlegan og tilfinningalegan stuðning með í farþegarými, ef fylgdarmaður dýrsins hefur orðið sér úti um skjöl sem staðfesta að ákveðnum skilyrðum sé framfylgt. Því miður getum við ekki leyft nein dýr í farþegarýminu (sama hversu lítil þau eru) nema að um sé að ræða sérþjálfuð og vottuð hjálpardýr.

• Einu hjálpardýrin sem leyfð eru til að veita tilfinningalegan stuðning í farþegarými í flugi með Icelandair, eru hundar.
• Vinsamlegast biðjið viðurkenndan sérfræðing á sviði geðheilbrigðis (lækni) að fylla út þetta eyðublað og sendið okkur ljósrit af eyðublaðinu gegnum þessa síðu, ásamt læknisvottorði með rökstuðningi fyrir því að hundurinn þurfi að fara með í farþegarými. Einnig ber að framvísa þjálfunarvottorði sem staðfestir að hundurinn hafi holtið þjálfun til að veita andlegan stuðning.
• Eyðublaðið sem skilað er inn má ekki vera eldra en sex mánaða.
• Nauðsynlegt er að hafa samþykki Matvælastofnunar fyrir millilendingu á Keflavíkurflugvelli.
• Við innritun í flugið, þarf farþeginn að sýna öll skjöl sem varða hundinn og vottorð læknis til að staðfesta að hann eða hún þurfi að ferðast með hjálparhund.
• Farþegar með hjálparhund sem millilenda á Keflavíkurflugvelli, mega að hámarki stoppa þar í þrjár klukkustundir.
• Farþegum með hjálparhund er ekki leyfilegt að nýta sér „Icelandair Stopover“ þar sem öll dýr sem eru flutt lifandi til Íslands þurfa að vera í sóttkví í fjórar vikur.
• Icelandair leyfir aðeins eitt hjálpardýr sem veitir tilfinningalegan stuðning í hverju flugi. Farþegar sem hyggjast ferðast með hjálpardýr sem veitir tilfinningalegan stuðning, verða að hafa samband við þjónustuver Icelandair og afhenda öll nauðsynleg skjöl og útfyllt eyðublöð, í það minnsta tveimur virkum dögum fyrir brottför. 
• Icelandair leyfir ekki flutning á hjálpardýri sem veitir tilfinningalegan stuðning, ef hluti af áætlunarleið er á vegum annars flugfélags.

Vegna reglugerða frá Umhverfis- og auðlindaráðuneytinu, mega dýr sem millilenda á flugvellinum ekki komast í snertingu hvert við annað.

Farþegum með hjálparhunda er fylgt af starfsmanni á afmarkað svæði þar sem þeir geta beðið eftir tengifluginu. Þegar vélin er tilbúin til brottfarar, kemur starfsmaður og fylgir farþeganum að hliðinu.

Á flugvellinum er aðstaða þar sem dýrin geta gert þarfir sínar á meðan á millilendingu stendur, þar sem þau mega ekki fara út af flugvellinum.