05/31/2019 | 3:33 PM
Flugsýning í tilefni af 100 ára afmæli flugs á Íslandi
Í tilefni þess að hundrað ár eru liðin frá því að fyrsta flugvélin tók á loft úr Vatnsmýrinni, verður efnt til sérstakrar flugsýningar þann 1. júní 2019. Dagskráin verður í gangi frá 12-16 á Reykjavíkurflugvelli. Meðal dagskrárliða eru listflug, drónaflug, „Þristurinn“ DC-3 og þyrlusýning á vegum Landhelgisgæslunnar.
Sýningarsvæðið opnar kl. 12 en flugsýningin byrjar kl. 13. Flugsýningin í Reykjavík er í eigu og rekin af Flugmálafélagi Íslands (FMÍ).
Aðgangur er ókeypis og tilvalið að mæta með alla fjölskylduna!