Icelandair hefur að nýju flug til Stokkhólms
Ferðalög eru okkur hjartans mál - flugleiðir okkar mynda tengingar milli fólks og staða og nú opnast aftur fyrir tengslin við Stokkhólm.
Stokkhólmur
Stokkhólmur er sannkallað augnayndi, með sín hellulögðu stræti, blómlegu grænu svæði og íðilfögru eyjar.
Hér er allt sem þú þarft að vita ef þú vilt ferðast með okkur til Stokkhólms.
Frá 15. til 30. júní, býður Icelandair upp á 3 flug í viku milli Keflavíkur og Stokkhólms (ARN) (mánudaga, föstudaga, sunnudaga).
Hjá Icelandair er öryggi farþega og starfsfólks ávallt í forgangi. Kynntu þér þær ráðstafanir sem við höfum gripið til – bæði á flugvellinum og um borð í vélinni.
Ríkisstjórn Svíþjóðar hefur á undanförnum vikum ráðist í margvíslegar aðgerðir til að stemma stigu við útbreiðslu veirunnar.
Við skiljum vel að farþegar vilji gaumgæfa málið sjálfir og hvetjum alla til að kynna sér nánar stöðuna í Svíþjóð með því að heimsækja helstu upplýsingasíður á vegum sænskra yfirvalda:
Viðbrögð við COVID-19 í Svíþjóð
Ferðatakmarkanir breytast hratt nú þegar mörg lönd eru að opna fyrir landamæri sín í skrefum. Ferðamenn ættu að kynna sér þær reglur sem gilda í augnablikinu um ferðalag þeirra til tiltekins áfangastaðar (t.d. kröfur um COVID skimun og sóttkví, og hvaða gögn þarf að hafa undir höndum) og sömuleiðis þær reglur sem gilda við heimkomu (t.d. reglur um sóttkví).
Arlanda-flugvöllur í Stokkhólmi
Ferðalög til Svíþjóðar frá löndum utan Evrópusambandsins á tímum COVID-19
Þeim sem ferðast til Svíþjóðar ber ekki skylda til þess að fara í sóttkví. Frekari upplýsingar má finna á upplýsingasíðu sænskra yfirvalda.
Nú þegar mörg lönd eru smám saman að opna landamæri sín, breytast takmarkanirnar ört. Í hlekknum hér fyrir neðan má nálgast nýjustu upplýsingar um atriði á borð við andlitsgrímur, samskiptafjarlægð og samkomubönn.
Reglur um samskiptafjarlægð eru í gildi og allir vinnustaðir þurfa að gæta að sóttvörnum til þess að lágmarka smit.
Nánari upplýsingar um hvað felst í samskiptafjarlægð og öðrum ráðstöfunum stjórnvalda má finna á COVID-19 upplýsingasíðu Lýðheilsustofnunar Svíþjóðar.
Ekki þarf að nota andlitgrímur í daglegu lífi. Samkvæmt ráðleggingum sænskra stjórnvalda, eru mikilvægastu leiðirnar fyrir einstaklinga til að verja sig gegn smiti, að halda fjarlægð frá öðrum og að gæta vel að hreinlæti handa.
Upplýsingar frá sænskum stjórnvöldum fyrir þá sem stefna á ferðalög til Svíþjóðar í sumar.
Sænskt samfélag hefur að mörgu leyti búið við minni takmarkanir en önnur lönd. Veitingastöðum, börum og kaffihúsum hefur t.a.m. verið leyft að taka móti viðskiptavinum, svo lengi sem þeir fylgja nýrri löggjöf um sóttvarnir. Þar að auki eru þjóðgarðar Svíþjóðar opnir ferðamönnum (frekari upplýsingar má finna á opinberri vefsíðu sænsku þjóðgarðanna).
Ísland
Upplýsingar um reglur varðandi komu til Íslands má finna í algengum spurningum.
Bandaríkin
Heilbrigðisyfirvöld í Bandaríkjunum (nánar tiltekið, the Centers for Disease Control and Prevention) mæla með því að allir þeir sem koma til Bandaríkjanna frá landi innan Schengen, þar á meðal Íslandi og Svíþjóð, haldi sig heima við og fylgist vel með heilsu sinni í 14 daga. Nánari upplýsingar um hvað skal gera þegar komið er til Bandaríkjanna má finna hér: Returning from International Travel webpage.