Nýja jólaauglýsingin okkar fagnar hugmyndaauðgi íslensku þjóðarinnar | Icelandair
Pingdom Check
12/15/2021 | 9:00 AM

Jólaauglýsing Icelandair 2021

Nýlega frumsýndum við jólaauglýsinguna okkar. Auglýsingin var birt hér heima þann 10. desember og á heimsvísu þann 13. desember. Sagan byggir á sönnum atburðum, og við fylgjumst með tveimur æviskeiðum manns, fyrst sem úrræðagóðum dreng og seinna á fullorðinsaldri sem flugstjóri.

Íslenski andinn býr í okkur öllum og sýnir í verki vilja þjóðar til að hugsa út fyrir rammann til að hlutirnir gangi upp við krefjandi aðstæður hér á norðurhveli jarðar.

Við segjum þessa sögu fyrirtækisins með stolti, sögu sem lýsir vel hvað við getum. 

Sagan

Jólaauglýsingin hefst á aðfangadag jóla, þar sem ungur drengur fær skauta í jólagjöf. Við fylgjum drengnum nýta hugaraflið til að ná ætlunarverki sínu  – mokar snjó til að komast út úr húsi, og til að hreinsa skautasvellið af snjó svo hann geti skautað með vinum á jóladag.  

Næst er stokkið fram í tímann og ungi drengurinn er nú flugstjóri. Það eru nokkrir dagar til jóla og hann er að undirbúa flugtak frá Amsterdam Schiphol flugvelli. Innanborðs eru farþegar sem bíða með óþreyju eftir að hitta vini og fjölskyldu. Veðrið er þó búið að vera slæmt og flugi almennt aflýst. 

Flugstjórinn tekur málin því í sínar hendur og grípur aftur í skófluna – og mokar flugvél Icelandair lausa. Með útsjónarseminni að vopni getur flugvél Icelandair tekið á loft og kemur farþegum heim fyrir jól. 

Óður til þjóðar

Auglýsingin fangar anda íslensku þjóðarinnar og sýnir seiglu, styrk og hugvitssemi okkar í erfiðum aðstæðum.  

Með auglýsingunni viljum við óska ykkur gleðilegra jóla, með von um að hátíðirnar færi ykkur gleði og góðar samverustundir með ykkar nánustu.