Pingdom Check

Beint flug til Dallas Fort Worth

Ekki eyða of miklum tíma í leita uppi fyndnar Texas steríótýpur – nokkrir óvæntir hlutir gætu farið framhjá þér fyrir vikið. Klisjurnar eru vissulega til staðar (kúrekar, grillveislur og fleira) en það eru líka stórborgarupplifanir eins og meiriháttar listahverfi, glitrandi borgarmyndin og magnaðar matur.

Icelandair býður beint flug til Dallas svo nú getur þú fengið svar við nokkrum mikilvægum spurningum. Er allt stærra í Texas? (Svarið er já.) Og hver skaut eiginlega JR?

Dallas-Fort Worth

Bandaríkin
Fólksfjöldi: 7,102 milljónir (2015)Svæði: 24050 km²Samgöngur: DART (Dallas Area Rapid Transit) sér um rekstur strætisvagna, lesta, hraðlesta og sporvagna. Með því að kaupa dagskort - sem gildir til klukkan 3 aðfararnott næsta dags - getur þú nýtt þér allar þessar leiðir. Þú getur einnig keypt þér sjö daga kort - sem kostar jafn mikið og fimm dagskort.Gjaldmiðill: BandaríkjadalurSpennandi hverfi: Bishop Arts District – Deep Ellum – Downtown – Fair Park – Greenville Avenue – Highland Park – Knox-Henderson

Forsetar, fagurhyrndir nautgripir og sitthvað fleira

Á meðal mest heimsóttu ferðamannastaða í Dallas eru þeir sem tengjast launmorðinu á John F. Kennedy, Bandaríkjaforseta, árið 1963. Af þeim stendur Sixth Floor Museum upp úr, í gömlu skólabókhlöðunni í Texas (þar sem Lee Harvey Oswald mundaði riffilinn þegar hann skaut – eða var það hann?). Safnið er virðingarvottur við JFK, líkt og Dealey Plaza í nágrenninu og hin örlagaríka grashæð.

Enn meira um Bandaríkjaforesta: George W Bush Presidential Library and Museum heiðrar annan þungavigtarmann í nútímasögu Bandaríkjanna. Svo er hægt að blanda geði við kúrekana í Forth Worth, taka því rólega með íþróttaáhugamönnum í Arlington, kynnast náttúruunnendunum í Botanical Gardens, eða setja undir sig betri fótinn og drekka í sig menningu á öllum söfnunum og almenningsgörðunum í Listahverfinu. Fyrir hina fullkomnu Texas-ljósmynd, skelltu þér á Pioneer Plaza, og stilltu þér upp með fagurhyrndum bronsslegnum nautgripum.

Grillveislur og einstakt bragð

Skelltu í þig eftirlætisrétti Texasbúa, djúpsteiktri kjúklinga-steik (Fried Chicken Steak). Rétturinn samanstendur af lungamjúkri sneið af nautakjöti sem er böðuð í deigi og því næst djúpsteikt, og að lokuð er henni drekkt í ljúffengri sósu. Ef þú færð ekki vatn í munninn við þessa lýsingu, hafðu þá engar áhyggur – það er af nógu að taka þegar kemur að mat í Texas. Það er tilvalið að gæða sér á rjúkandi Tex-Mex, ekta amerískri pyslu með sinnepi, hágæða steikum, passlegum skammti af pekanhnetuköku eða einfaldlega stolti Texas fylkis: Hinu eina sanna hægeldaða og reykta grillkjöti.

Hverfin sem matarunnandinn ætti ekki að láta fram hjá sér fara eru meðal annars Deep Ellum (já, rétt er getið, þetta er „Elm“ með þykkum Texas-hreim) og Lower Greenville. Dallas bíður þess utan upp á fjölmarga frábæra veitingastaði sem spanna ótrúlega breitt svið af mismunandi valkostum. Allir ættu því að finna eitthvað gott fyrir sitt hæfi, en fyrir eftirminnilegt Texas-kvöld mælum við með Sundance Square hjá Billy Bob's. Þar er honky-tonkið allsráðandi og nóg af krám, tónleikum, línudansi og nautgripum til að geðjast öllum.

Veglegar verslunarmiðstöðvar og magnaðir minjagripir

Í Dallas er ekki bara að finna nóg af búpening, heldur er þar sömuleiðis nóg af peningum sem og verslunarmiðstöðvum. Galleria Dallas hýsir glæsihótel, skautasvell, stórverslanir og hundruð tísku- og veitingahúsa. NorthPark Center er svo svipað að umfangi hvað varðar búðir og matsölustaði. Fyrir hátísku munaðarvörur og áhugaverðan byggingarstíl, þá er Highland Park Village rétti staðurinn.

Fjarri öllum verslunarmiðstöðvunum og öngþveitinu er svo að finna skemmtileg hverfi á borð við Deep Ellum, Design District og Bishop Arts hverfið, en þar leynast sjálfstæðar verslanir, listahús ásamt góðum matsölustöðum og krám. Aukinheldur er vart hægt að kveðja Texas án þess að hafa keypt þín eigin kúrekastígvél, sérsniðinn Stetson hatt og látlaust kúrekavesti? Wild Bill's Western Store er tilvalin verslun fyrir slík kaup.