Pingdom Check

Flug til Frankfurt

Það snýst ekki allt um fjármál og stórviðskipti í Frankfurt. Þessi borg er svo sannarlega miðstöð fjármála í Evrópu en hún er líka lífleg og alþjóðleg því “Mainhattan” kann sko algjörlega að sleppa af sér beislinu.

Icelandair býður ódýrt flug daglega til Frankfurt allt árið um kring. Hvort sem þú ert á leiðinni þangað vegna viðskipta eða vörusýninga eða vilt nota borgina sem miðpunkt fyrir skoðunarferðir um Rínardalinn að þá förum við með þig þangað.

Frankfurt

Þýskaland
Fólksfjöldi: 2,3 milljónir (2017)Svæði: 248,3 km²Samgöngur: Samgöngukerfi borgarinnar tilheyrir Rhein-Main-Verkehrsverbund (RVM) og þú kemst svo að segja allra þinna leiða um borgina í því.Gjaldmiðill: EvraSpennandi hverfi: Altstadt - Innenstadt - Bahnhofsviertel - Sachsenhausen - Westend

Skýjakljúfar og kirkjuturnar

Útsýnið frá hinum 200 metra háa Main Tower veitir þér annað sjónarhorn á borgina en þaðan er borgarlandslagið bæði ótrúlegt og nútímalegt. Ekki gleyma að kanna gamlan sjarma borgarinnar líka frá jörðinni. Sjónarhornið er einnig stórkostlegt frá skemmtisiglingu á ánni Main.

Þú getur upplifað dæmigerðan þýskan karakter við aðaltorg Frankfurt, Römerburg. Við torgið eru falleg og myndræn Fachwerkhäuser (hefðbundar hálfviðarklæddar byggingar) í návist við heillandi rauðan sandstein dómkirkjunnar, Frankfurter Dom. Þetta er söguleg borg þar sem krýningar fóru eitt sinn fram og er fæðingarstaður Goethe, föður þýskra bókmennta. Af þeirri ofgnótt safna sem eru staðsett við árbakka Frankfurt, eða Museumsufer, fær Städel-safnið sérstök meðmæli en listaverkin þar ná upp í þaksperrur safnsins!

Eplavín og hefðbundið góðgæti

Í Kleinmarkthalle slær hjarta matarmenningar borgarinnar – kíktu við í smakk og smá mannlífsskoðun. Til að bragða á því allra besta skaltu kíkja á hinar einstöku eplavínskrár Frankfurt – eplavín (ebbelwei samkvæmt talaðri mállýsku) er ævarandi stolt borgarinnar og er úrvalsdrykkur. Drykkurinn er tegund af síder sem er framreiddur á hljóðlátum og notalegum gömlum krám. Leitaðu að þeim í hverfinu Sachsenhausen. Hefðbundnir sérréttir til að smakka á er meðal annars hið vel nefnda Handkäse mit Musik (hand-ostur með tónlist);  mjúkur ostur sem hefur verið maríneraður í olíu og ediki, framreiddur með hráum lauk. „Hvaðan kemur samt tónlistin? “, gæti einhver spurt. „Hún kemur síðar“, mun heimamaður líklega svara með glotti.

Farðu úr bænum!

Ef þú ert ekki í Frankfurt vegna viðskiptaerinda eða á vörusýningu eru líkur á því að þú sért að nota erilsaman flugvöll borgarinnar sem stoppistöð fyrir skoðunarferðir um sveitir Þýskalands. Wunderbar! Nóg er að sjá í nágrenni Frankfurt: Kastalar grafnir í fallegum hlíðum, skemmtileg lítil þorp og brattir stallar sem mynda vínekrur svo langt sem augað eygir í Rínardalnum og hæg bátsferð frá Mainz til Koblenz er stórkostlegt ævintýri vottað af Unesco.

Hoppaðu upp í næstu lest og innan klukkustundar verður þú í hinu fallega, græna og gamla spa-þorpi Wiesbaden eða að njóta sagnaarfs hinnar töfrandi borgar Mainz. Ef þú ferð aðeins lengra mætir þér hin óviðjafnanlega Heidelberg sem er heimastaður eins elsta og mikilsvirta háskóla Þýskalands.