Nafnið Genf er orðið að samheiti fyrir glæsileika og stíl. Borgin er heimastaður alþjóðastofnanna og lúxusvörumerkja – þetta er borg með fáguðu andrúmslofti en hún veit einnig hvernig á að skemmta sér. Komdu og sjáðu hvernig stíllinn og heimsborgarbragurinn sameinast með góðum skammti af náttúrufegurð.
Icelandair býður ódýr flug reglulega til Genfar þar sem hægt er að gæða sér á súkkulaði og ostum, njóta fallega fjallaútsýnisins og sund- eða gönguferða við vatnið.
Margar stórar alþjóðlegar stofnanir og fyrirtæki eiga höfuðstöðvar sínar í Genf (Sameinuðu þjóðirnar og Rauði krossinn svo dæmi séu tekin) og hafa gert það að verkum að Genf er ein alþjóðlegasta borg Evrópu. Fólk frá 190 löndum kallar þessa góðu borg sinn heimastað.
Meðal þess sem borgin nýtur góðs af er fallegt fjalllendi, garðar við vötnin og göngusvæði. Genfarvatn (sem á frönsku kallast Lac Léman) er stærsta vatn Sviss og á sumrin synda heimamenn í vatninu við fallegar strendurnar og garðskálana. Í borginni eru fjölmörg söfn á heimsmælikvarða sem tileinkuð eru sögu, listum og svæðisbundnum hefðum eins og úrsmíði. Að auki er hægt að heimsækja merkar stofnanir sem staðsettar eru í Genf, eins og Palais des Nations (höfuðstöðvar SÞ) og CERN, Evrópsku rannsóknamiðstöðina í öreindafræði.
Það kemur ekki á óvart: alþjóðlegir íbúar borgarinnar borða vel. Þú getur leitað eftir flottum stöðum þar sem alþjóðlegar samningarviðræður fara fram, kaffihúsum við vatnsbakkann þar sem heimamenn safnast saman í góðu veðri og smakka á alþjóðlegu góðgæti. Ein besta (og ódýrasta) máltíðin gæti verið lautarferð með nesti í einum af gullfallegum görðum borgarinnar.
Smakkaðu eitthvað hefðbundið í gamla bænum á Place du Bourg-de-Four, elsta torgi Genfar. Klassísk og flott kaffihús og bístró eru fjölmörg í hinu fallega Carouge-hverfi (þekkt sem Greenwich Village í Genf) og í Pâquis er góður möguleiki á að smakka alþjóðlega matargerð og barir eru opnir langt frameftir. Ef þú ert í leit að svæðisbundnum sérréttum máttu ekki missa af ostafondú, eða reyktri pylsu sem þekkt er undir heitinu saucisson vaudois eða pönnusteiktum fiski úr vatninu. Að ógleymdu hinu heimsfræga svissneska súkkulaði.
Það eru auðvitað fjölmargar flottar verslanir í Genf sem eru með eitthvað fyrir alla, bæði vel stæða heimamenn og ferðafólk. Ekta svissneskir minjagripir geta verið allt frá dýrindis skartgripum og hágæða úrum yfir í fallega innpakkað súkkulaði. Glysgjarnasta verslunarsvæðið er meðfram strætum Rue du Rhône og Rue de Marché, þar sem verðmiðarnir eru háir en það er unun að fylgjast með mannlífinu og það kostar ekkert. Globus er betri stórverslun með sælkeramathöll sem einnig er vel þess virði að heimsækja.
Ef þú vilt jarðbundnari afþreyingu í fjarlægð frá öllum glamúrnum þá er hægt að kíkja á Plaine de Plainpalais. Þar er stór flóamarkaður haldinn tvisvar í viku utandyra og bændamarkaðir eru þrisvar í viku. Í gamla bænum eru listagallerí og hægt að fá fallega antíkmuni, sérstaklega við Grand Rue og í götunum þar í kring.
