Flug til Gran Canaria, á Kanaríeyjum. Skelltu þér í sólina | Icelandair
Pingdom Check

Fljúgðu beint til Gran Canaria með Icelandair

Gran Canaria er sannkölluð paradís fyrir fríið þitt. Hún er þriðja stærsta eyja Kanaríeyjaklasans og býður upp á flest allt sem hugurinn girnist þegar kemur að afþreyingu.
Langar þig að eiga rólega daga á fallegri strönd, upplifa stórbrotna náttúru á hjóli eða tveimur jafnfljótum eða njóta lífsins lystisemda í mat og drykk? Þá er Gran Canaria fyrir þig, hún er nefnilega meira en þú heldur!

Við erum afar glöð að bæta Gran Canaria við úrval áfangastaða okkar. Flogið verður í morgunflugi á þriðjudögum í vetur. Frá nóvember og út janúar verður flogið aðra hverja viku, en síðan vikulega fram til 11. apríl. Bókaðu flugið þitt og leyfðu sólinni að leika við þig.

Gran Canaria

Fólksfjöldi: 870.595Svæði: 1,560.11 km²Höfuðborg: Las PalmasStaðreyndir: Oft kölluð litla heimsálfan, vegna fjölbreytts landslags, veðráttu og náttúru. Hér eru eldfjöll, gljúfur, sandöldur, strendur, skógar og vínhéruð!

Eyja allsnægta

Það er gild ástæða fyrir því að Gran Canaria er oft líkt við litla heimsálfu. Við strandlengjuna standa lítil falleg þorp sem gaman er að kanna. Inn á milli þeirra og allt um kring eru furuskógar,  laufgrænar lautir, fjallatindar, fallegir fossar og ár, vínrækt og strendur umkringdar pálmatrjám.  

Í austri er flatlendi og fjölbreyttur landbúnaður. Flugvöllurinn er staðsettur mitt á milli höfuðborgarinnar Las Palmas í norðri og vinsæla ferðamannastaðarins á suðurströndinni, Maspalomas. Í suðri eru hinar stórkostlegu sandöldur og vinsælar strendur. Hinn afslappaði lífsstíll er þar í hávegum hafður. Á vesturhluta eyjunnar er landslagið stórbrotið, þar sem Mirador de Balcón áningarstaðurinn stendur upp úr. Fyrir miðju er eyjan hálend- og frá hæsta tindinum, Pico de las Nieves, er stórkostlegt útsýni í allar áttir. 

Ljúffeng og alþjóðleg matseld

Matarhefðir á Gran Canaria eru einnig vel þess virði að kynna sér. Smakkaðu á glænýjum fiski eða kjöti sem borið er fram ‘a la plancha’, eða „af grillinu“. Það fer vel með papas arrrugadas con mojo, sem er einn þekktasti réttur Kanaríeyja. Þessi einfaldi og bragðgóði réttur samanstendur af kartöflum soðnum í mjög söltu vatni, þar til allt vatn hefur gufað upp. Kartöflurnar verða þannig saltlegnar og krumpaðar, og eru bornar fram með rauðri eða grænni mojo sósu. ¡Buen provecho!

Mikill ferðamannastraumur til Gran Canaria í gegnum árin hefur einnig gert það að verkum að hér fást réttir frá öllum heimshornum, svo ferðalangar geta auðveldlega fundið það sem þeir vilja.

Skemmtilegheit fyrir alla

Á Gran Canaria er alls konar afþreying sem ætti að höfða til flestra. Ef þig langar að slaka á við sjávarnið eru óteljandi strendur sem bíða þín. Viltu fara í fjallgöngu? Það eru fjölmargar gönguleiðir um eyjuna sem eru vinsælar meðal göngugarpa og náttúruunnenda. Einnig er stórkostlegt að ferðast um á hjóli og er eyjan mjög vinsæl meðal hjólreiðafólks. Golf er einnig vinsælt og margir golfvellir eru staðsettir nálægt Las Palmas og Maspalomas. 

Fjölskyldur geta líka skemmt sér vel saman enda nóg af skemmtigörðum og afþreyingu við ströndina. Í Maspalomas er vinsæli vatnagarðurinn Aqualand, sem og aðrir þemagarðar.  Ef börn eru ekki með í för, er líflegt næturlíf og notaleg kvöldstemning í boði um alla eyju, að ógleymdum vínræktendum sem bíða þess að fá þig í vínsmökkun. 

Aðrir áfangastaðir

Bókaðu ferðalagið í dag

Við hlökkum til að sjá þig um borð!