Boeing 737 MAX vélarnar aftur teknar í notkun | Icelandair
Pingdom Check
Icelandair logo

Endurkoma Boeing 737 MAX vélanna

Öryggi þitt er alltaf í fyrirrúmi

Icelandair leggur ávallt höfuðáherslu á öryggi farþega og starfsfólks.

Að loknu yfirgripsmiklu ferli sem fól í sér samstarf fjölda aðila um allan heim, staðfestu flugmálayfirvöld í Bandaríkjunum, Kanada og Evrópu flughæfi Boeing 737 MAX vélanna.

Ferlið tók 20 mánuði og að því komu verkfræðingar, vísindamenn, greiningaraðilar, flugvirkjar og flugmenn hvaðanæva að úr heiminum, auk óháðra sérfræðinga frá NASA og bandaríska flughernum.

Eftir umfangsmestu rannsókn sem um getur í flugsögunni, fengu vélarnar vottun frá flugmálayfirvöldum beggja vegna Atlantshafsins:

Endurbætur hjá Boeing sem stuðluðu að vottun

Boeing hefur gert margvíslegar endurbætur á MAX vélunum, svo sem á hinu svokallaða MCAS kerfi.

Á meðan á ferlinu stóð flaug Boeing fleiri en 1350 reynsluflug, auk þess sem allir flugmenn og flugvirkjar sem koma að MAX vélunum fá viðbótar þjálfun.

MCAS-kerfi vélarinnar ber nú saman gögn frá tveimur skynjurum, í stað þess að nota einn. Kerfið bregst aðeins við ef báðir skynjararnir virkjast og aðeins einu sinni við hverju atviki. Flugmenn geta þó alltaf aftengt umrætt kerfi og tekið stjórn á vélinni.

Á vef okkar finnur þú ítarlegri útlistun á eiginleikum MAX vélanna og annarra véla í flota Icelandair.

Endurbætur Boeing

Í þessum myndskeiði frá Boeing má fræðast um endurbætur á MCAS-kerfi vélarinnar (e. Maneuvering Characteristics Augmentation System)

Undirbúningurinn fyrir endurkomu vélanna

Þegar flughæfi vélanna hafði verið staðfest, hófst undirbúningur fyrir endurkomu þeirra í flotann. Eftirfarandi skref voru tekin áður en MAX vélarnar voru teknar aftur í notkun í mars árið 2021.

Viðhald

  • MAX vélarnar okkar voru í geymslu á Spáni, þar sem loftslag er sérlega hagstætt. Þeim var flogið til Keflavíkur, þar sem sérþjálfaðir flugvirkjar Icelandair framkvæmdu ítarlega yfirferð á vélunum.
  • Flugvirkjar okkar gerðu kerfisuppfærslur á flugstjórnartölvu (e. flight control computer) og skjám í flugstjórnarklefa.

Þjálfun flugmanna

  • Icelandair er eitt af fáum flugfélögum í Evrópu sem hafa yfir að ráða Boeing 737 MAX flughermi. Flugmennirnir okkar fengu því fyrsta flokks þjálfun í þjálfunarsetri Icelandair.
  • Í þjálfuninni öðluðust flugmennirnir dýpri skilning á stjórnkerfi vélanna, þar á meðal á MCAS og tengdum hugbúnaðaruppfærslum.

Prófanir

  • Gerðar voru ítarlegar prófanir á öllum kerfum vélanna.
  • Hver og ein vél var prófuð í reynsluflugi án farþega.

Skýrleiki og gagnsæi

Boeing 737 MAX vélarnar eru öruggar eins og allar vélar í okkar flota.

Nauðsynlegar úrbætur hafa verið gerðar á hugbúnaði vélanna. Icelandair fylgdi í hvívetna kröfum yfirvalda um hvernig skyldi undirbúa vélarnar fyrir flug og okkar reynslumiklu flugmenn fengu bestu þjálfun sem völ er á í þjálfunarsetri Icelandair.

Við leggjum okkur fram við góða upplýsingagjöf til viðskiptavina og gagnsæi í bókunarferlinu þar sem gerð vélarinnar sem flogið er með kemur fram. Allir þeir sem eiga bókun geta fundið þessar upplýsingar á síðunni Ferðin mín.

Algengar spurningar