Upplýsingar um flugáætlun og flugtímabil
Á árinu 2024 höfum við bætt við nýjum áfangastöðum í Evrópu við leiðakerfið okkar, Lissabon og Færeyjar. Nú fljúgum við líka til Barcelona og Rómar allt árið um kring og árið 2025 hefjum við flug til Gautaborgar svo sumarið lítur vel út! Yfir veturinn sækja mörg í sólríkar strendur Tenerife, Alicante og Gran Canaria og í skíðabrekkurnar kringum Salzburg, Verona og München.
Í Norður-Ameríku verður Orlando heils árs áfangastaður og sumarið 2025 bjóðum við svo Nashville velkomna inn í leiðakerfið. Við leiðakerfið okkar hafa líka nýlega bæst við Detroit, Pittsburgh og Halifax en stórborgir eins og New York, Boston, Toronto, Seattle og Chicago eru alltaf heilsársáfangastaðir.
Fyrir ævintýraþyrsta ferðalanga fljúgum við til fjögurra áfangastaða á Grænlandi yfir sumartímann.
Þar að auki bjóðum við upp á regluleg flug milli Reykjavíkur og Akureyrar, Egilsstaða og Ísafjarðar.
Áætlun fyrir áfangastaði 2025
Í flettigluggunum hér fyrir neðan finnur þú alla áfangastaði okkar og hversu oft í viku við fljúgum til hvers þeirra.
Ef áfangastaðurinn er einungis í boði yfir sumartímann, gefum við upp ferðatímabilið.
Ef þú hefur augastað á einhverjum tilteknum áfangastað, getur þú skoðað flugáætlunina okkar og fengið nánari upplýsingar um það flugtímabil sem þú hefur í huga.
