Þú getur auðveldlega rekist á ýmsar skemmtilegar erkitýpur Bæjaralands í þessari líflegu heimsborg (í bjórgörðum, í BMW, í lederhosen og víðar). Auðvelt er þó að hrekja alhæfingarnar um þýsku erkitýpurnar í München því borgin hefur svo margt annað að bjóða, allt frá hágæða bílum til heimsklassalistar.
Þú getur auðveldlega rekist á ýmsar skemmtilegar erkitýpur Bæjaralands í þessari líflegu heimsborg (í bjórgörðum, í BMW, í lederhosen og víðar). Auðvelt er þó að hrekja alhæfingarnar um þýsku erkitýpurnar í München því borgin hefur svo margt annað að bjóða, allt frá hágæða bílum til heimsklassalistar.
Icelandair býður ódýr flug daglega til München þar sem þú getur dregið djúpt andann í frískandi Alpafjallaloftinu. Mikið er um að vera í borginni í september og október (þú gætir hafa heyrt um lítið samkvæmi sem kallast Októberfest?) en í München er eitthvað um að vera allt árið um kring.
Pakkaðu niður einhverju sem lagar höfuðverkinn, þú átt eftir að vilja kanna borgina að degi til og áhugaverðir staðir í München gera listann langan. Uppgötvaðu Altstadt, hinn sögulega gamla borgarhluta, og teldu saman öll þau söfn sem á vegi þínum verða. Alte Pinatkothek er stútfullt af verkum gömlu evrópsku meistaranna. Safnið fær þó verðuga samkeppni frá vísindum, sagnaarfi og nútímalegri list.
Þú getur vottað mótorrisanum BMW virðingu þína á safninu eða í skoðunarferð um verksmiðjuna. Kíktu næst í Englischer Garten en sá garður er stærri en Central Park í New York. Það eru einstakir bjórgarðar í garðinum sjálfum, þar með talinn einn sá elsti í bænum sem gengur undir nafninu Chinesischer Turm. Hann er staðsettur við kínverska turninn og hefur verið starfræktur síðan 1791.
Ef þú ert að leita að nýjustu gerðinni af BMW þá ættir þú að geta gert góð kaup í sýningarmiðstöðinni BMW Welt. Ef þú ert á höttunum eftir annarri lúxusvöru getur þú haldið kreditkortinu í æfingu á Maximilianstrasse þar sem elítan verslar. Við hið erilsama og vinsæla Kaufingerstrasse er hægt að gera góð kaup og þar er að finna hversdagslegri stórverslanir og verslunarkeðjur. Það gæti verið erfitt að bera fram Glockenbachviertel en það er fallegt hverfi sem gaman er að skoða ef þú ert á höttunum eftir nýjustu straumum og stefnum, öðruvísi verslunum og flottum kaffihúsum.
Ef þú ætlar til München yfir vetrartímann er stórsniðugt að fara rétt fyrir jól en jólamarkaðir eru haldnir þegar síga fer á seinni hluta nóvember. Þýskaland er engu líkt þegar kemur að jólamörkuðum og upprunalegi jólamarkaður München er staðsettur á Marienplatz. Hann er sannkölluðu jólaævintýri líkastur þegar skyggja tekur og jólaljósin lifna við.
