Pingdom Check

Flug til Osló

Osló er höfuðborg Noregs og tilvalið að hefja ferðalag um Noreg í borginni. Hún stendur við Oslófjörð, umkringd ótrúlegri náttúrufegurð. 

Icelandair býður ódýr flug daglega til Osló þar sem njóta má lífsins allt árið um kring. Falleg hverfi, framúrskarandi matargerð og einstök náttúrufegurð í næsta nágrenni gleðja bæði augu, bragðlauka og sálartetrið.

Osló

Noregur
Fólksfjöldi: 1,7 milljónir (2016)Svæði: 454 km²Samgöngur: Rútur, strætó, metró, tram, neðanjarðarlestir og ferjur.Gjaldmiðill: Norskar krónurSpennandi hverfi: Grünerløkka - Stortingsgaten - Karl Johans Gate - Tryvannstårnet - Aker Brygge

Noregur er meira en bara Osló

Þótt auðvelt sé að slaka á í Osló á hvaða tíma árs sem er eru vorin og sumrin þegar allt er í blóma sérstaklega indæl. Norðmenn jafnt sem ferðamenn hópast í almenningsgarða og á útikaffihús til að njóta lífsins og sólarinnar. Það er tilvalið að fara í dagsferð og aka norður á bóginn og þræða bláa og nánast endalausa firði, aka um skógivaxnar fjallshlíðar og yfir straumharðar ár, sem flestar eru iðandi af laxi og silungi. Heimsæktu Noreg í hjarta Skandinavíu.

Fallegur sumardagur í Osló

Ættirðu að bóka flug til Osló? Já. Án þess að hika. Fallegur sumardagur í Osló er hrein unun. Sólin er björt. Allskyns kaffi- og veitingahús. Frábær verslunarsvæði, skemmtigarðar og söfn. Það er enn hægt að upplifa náttúruna í Noregi í sinni tærustu mynd. Loft og vatn er eins tær og heiðblár himinninn. Osló kemur skemmtilega á óvart, svo mikið er víst.

Verslun og veitingar

Dreymir þig góðan mat? Prófaðu Consenzo við Solliplass og Lapsetorvet til að upplifa franska matargerð. Druen er frábær veitingastaður og bar, Standen 1 Akerbrygge, með útsýni yfir Oslófjörð. Lofoten Fiskerestaurant, Standen 75 Akerbrygge býður frábært sjávarfang úr tærum sjó Noregs. Bagatelle, Bygdöv allé 3, er svo einn af bestu veitingastöðum í Osló, með tvær Michelin-stjörnur.

Prófaðu Karl Johans Gate til að komast í verslanir og verslunarmiðstöðvar. Bogstadveien og Hegdahaugsveien hýsa jafnt fræg hátískumerki sem og H&M, Vero Moda o.fl. Við Torvald Mayrs Gate má finna fatnað og listmuni. Loks er Oslo City stór verslunarmiðstöð nálægt aðalbrautarstöðinni.