Bókaðu flugið þitt til Rómar | Icelandair
Pingdom Check

Fljúgðu til Rómar með Icelandair

Róm er stundum kölluð borgin eilífa, enda hefur hún verið menningarleg miðstöð við Miðjarðarhafið frá örófi alda. Róm ber sína löngu sögu vel og ber vitni um ástríðu Rómverja fyrir la dolce vita, hinu ljúfa lífi.

Icelandar býður upp á flug til Rómar – ef þig langar að upplifa stórbrotna menningu, ljúffenga matargerð, tísku og öll þau afrek lista og menningar sem borgin er þekkt fyrir. Bara tækifærið til að ganga um þessi sögulegu stræti nægir til að réttlæta ferðalagið.

Icelandair flýgur til Rómar tvisvar í viku, frá 6. júlí til 30. október 2022.

Róm

Ítalía
Fólksfjöldi: 2,8 milljónirSvæði: 1.285 km²Samgöngur: Besta leiðin til að uppgötva Róm er að ferðast fótgangandi. Þrjár neðanjarðarlínur ganga um borgina, sem allar stoppa nálægt áhugaverðustu stöðunum (fylgdu línu B fyrir forn kennleiti Rómar). Þú gætir viljað kanna viðamikið strætókerfi Rómar, sérstaklega fyrir áfangastaði eins og Trastevere. Roma-passinn veitir ferðalöngum ótakmarkaðan aðgang að almenningssamgöngum í 2 eða 3 sólarhringa.Gjaldmiðill: EvraSpennandi hverfi: Centro Storico - Trastevere - Monti - Prati - Testaccio - Pigneto

Róm í aldanna rás

Róm hefur fyllt mannkynið andagift allt frá fornöld og Róm nútímans hefur enn upp á margt að bjóða. Hér mætast nýir og gamlir tímar – iðandi mannlíf hrærist um söguleg stræti og ummerki um 3000 ára veru vestrænnar siðmenningar eru allt um kring. 

Sagan umlykur sjö hæðir Rómar og glæðir hana lífi. Rómversk kennileiti telja meðal annars kristileg mannvirki og listmuni, þá sérstaklega undur Vatíkansins, Péturskirkjuna og sistínsku kapelluna. Hellulögð stræti liggja milli torga og markaða, og heimsókn í skrúðgarða og listagallerí Rómar bætir annarri vídd við upplifun þína á borginni.

Matarupplifun í borg matgæðinga

Ef einhvers staðar er hægt að borða vel, þá er það í höfuðborg þess lands sem þekkt er um heim allan fyrir sælkeramatseld.

Settu þessa rétti á óskalistann fyrir ekta „rómverska“ upplifun: cacio e pepe, einfalt og ljúffengt pasta með svörtum pipar og rómverskum pecorino osti, pizza al taglio seðjar hungrið hratt, porchetta (hægeldað svínakjöt) og supplí – gómsætar hrísgrjónakrókettur. 

Ekki má gleyma einum frægasta rétti Rómar, carbonara, pastarétti sem varð til í seinni heimstyrjöldinni, þegar matvæli voru af skornum skammti. Það allra mikilvægasta er þó að fá sér einn gelato í sumarblíðunni!

Það er auðvelt að aðlagast lífsstíl borgarinnar: Njóttu síðdegisins með apertitivo (drykkur og léttir réttir) og borðaðu kvöldverðinn aðeins seinna, um 8-9 leytið. Leitaðu að hefðbundnum trattoria eða osteria veitingastöðum. Óhætt er að mæla með kvöldstund í hverfunum Testaccio, Monti og Trastevere.

Verslaðu á rómverska vísu

Mannlífið í Róm er ekki lítið glæsilegt og því getur verið gaman að staldra við og fylgjast með fólkinu á götum borgarinnar. Tileinkaðu þér Rómartískuna og nældu þér í merkjavörur, t.d. Via Condotti, sem liggur frá Spænsku tröppunum og er fyrsta stopp fyrir ítölsk gæði, Gucci, Dolce & Gabbana og Armani. 

Á nærliggjandi verslunargötu, Via del Corso, er hægt að versla hjá algengari merkjum. Ef þú ert í leit að sjaldgæfari gersemum er tilvalið að kíkja í hverfið Monti. Ef þú vilt nálgast allt á einum stað er lúxus stórverslunin La Rinascente á sjö hæðum, í grennd við Trevi-gosbrunninum. Þar er að finna merkjavörur, góða matsölustaði, og bar á þakinu. Meðan þú ert hér má ekki láta fornu vatnsleiðsluna í kjallara byggingarinnar fram hjá þér fara.

Svo er tilvalið að fylla ferðatöskuna af ætum minjagripum – á Eataly er boðið upp á afbragðs vörur úr héraði - osta, pasta, skinkur, vín, olíur og fleira.

Aðrir áfangastaðir

Bókaðu ferðalagið í dag

Við hlökkum til að sjá þig um borð!