Njóttu enn meiri fríðinda

Saga Gold félagar

Icelandair býður mökum Saga Gold félaga upp á makakort þeim að kostnaðarlausu. Gildistími makakortsins er sá sami og gildistími aðalkorts. 

Saga Gold makakortinu fylgja ýmis fríðindi svo sem aðgangur að betri stofum, forgangsinnritun, farangursfríðindi og endurgjaldslaus uppfærsla þegar því verður við komið.

Hægt er að sækja um makakort með því að hafa samband við okkur.

Athugið að það tekur að jafnaði 7-10 virka daga fyrir kort að berast innan Íslands en gera má ráð fyrir að það taki 10 - 21 virka daga að berast utan Íslands. 

Saga Silver félagar

Icelandair býður mökum Saga Silver félaga upp á að kaupa makakort.  Makakortinu fylgja sömu fríðindin og hjá aðalkorthafa fyrir utan að uppfærsla er ekki í boði á makakorti. Makakortið kostar 13.900 kr og hægt er að sækja um það með því að hringja í síma 5050-100. Gildistími kortsins er sá sami og gildistími aðalkorts.

Athugið að það tekur að jafnaði 7-10 virka daga fyrir kort að berast innan Íslands en gera má ráð fyrir að það taki 10 - 21 virka daga að berast utan Íslands. 

Saga Gold og Saga Silver félagar

Ef fullbókað er í flug, getur korthafi óskað eftir því að verða settur á forgangsbiðlista með því að framvísa Saga Gold eða Saga Silver kortinu sínu hjá söluaðilum Icelandair. Það er einnig hægt að gefa upp kortanúmerið í síma.

Athugið að ekki er hægt að tryggja að korthafi komist með þó hann sé kominn á biðlista.

Saga Gold félagar

Saga Gold félagar hafa aðgang að Icelandair Saga Lounge fyrir brottför. Þeir geta haft börnin sín upp að 18 ára aldri með sér í Saga Lounge og auk þess boðið einum gesti með sér. Saga Gold félagar geta einnig boðið með sér einn gest til viðbótar gegn greiðslu og hér eru frekari upplýsingar. Saga Gold félagar eru einnig með aðgang að öllum Betri stofum sem Icelandair er í samstarfi við og geta boðið einum gesti með sér.

Félagar þurfa að framvísa Saga Gold kortinu ásamt brottfararspjaldi til þess að fá aðgang að betri stofum. 

Farþegar sem eru að ferðast frá Bandaríkjunum og innrita sig í gegnum internetið verða jafnframt að innrita sig á flugvellinum til þess að fá gilt brottfararspjald. Til þess að fá aðgang að Betri Stofum í New York (JFK), Orlando, Denver, San Francisco og París (CDG) er nauðsynlegt að framvísa boðskorti sem þú færð við innritun á flugvellinum. 

Vinsamlegast athugið að Saga Gold fríðindin eiga einungis við þegar ferðast er með áætlunarflugi Icelandair eða leiguflugi á FI flugnúmeri, ekki ef ferðast er á SK, AY eða B6 flugnúmerum í áætlunarflugi Icelandair. Ekki er hægt að fá aðgang að Betri stofum SAS ef flogið er innanlands á Norðurlöndunum.

Saga Silver félagar

Saga Silver félagar geta nýtt sér Icelandair Saga Lounge fyrir brottför og geta boðið með sér einum gesti. Einnig geta Saga Silver félagar keypt aðgang fyrir einn gest til viðbótar, hér eru frekar upplýsingar.  Einnig eru Saga Silver félagar með aðgang að öllum Betri Stofum sem Icelandair er í samstarfi við, nema Betri Stofum SAS á Norðurlöndunum en Saga Silver félagar geta heimsótt Betri Stofur SAS þegar þeir ferðast á Saga Premium. Saga Silver félagar geta ekki tekið með sér gesti í Betri Stofur á flugvöllum erlendis. 

Farþegar sem eru að ferðast frá Bandaríkjunum og innrita sig í gegnum internetið verða jafnframt að innrita sig á flugvellinum til þess að fá gilt brottfararspjald. Til þess að fá aðgang að Betri Stofum í New York (JFK), Orlando, Denver, San Francisco og París (CDG) er nauðsynlegt að framvísa boðskorti sem þú færð við innritun á flugvellinum. 

Vinsamlegast athugið að Saga Silver fríðindin eiga einungis við þegar ferðast er með áætlunarflugi Icelandair eða leiguflugi á FI flugnúmeri, ekki ef ferðast er á SK, AY eða B6 flugnúmerum í áætlunarflugi Icelandair.

Saga Gold og Saga Silver félagar

Saga Gold og Saga Silver félögum er heimilt að innrita sig á Saga Premium innritunarborðum óháð farrými þegar ferðast er með Icelandair hvort sem er á áætlunarflug eða leiguflugi á FI númerum. Ef Saga Gold og Saga Silver félagar ferðast með fjölskyldu sína, er þeim heimilt að innrita fjölskylduna á sama innritunarborði.

Korthafar skulu framvísa korti við innritun.

Saga Gold félagar

Gegn framvísun Saga Gold kortsins geta Saga Gold félagar beðið um uppfærslu á sæti og þjónustu frá Economy Standard og Flex yfir á Saga Premium í áætlunarflugi Icelandair þegar því verður komið við. Maki Saga Gold félaga nýtur einnig uppfærslufríðinda. Saga Gold uppfærsla af Economy Light á Saga Premium verður ekki í boði frá og með 1. febrúar 2020. 

Mikilvægt að hafa í huga

• Í Keflavík eiga uppfærslur sér stað í Saga Lounge.
• Á flugvöllum utan Íslands er hægt að óska eftir uppfærslu við innritun ef pláss leyfir en annars er óskað eftir uppfærslunni við brottfararhlið.
• Matarþjónustan getur verið frábrugðin hefðbundinni matarþjónustu viðkomandi farrýmis.
• Þeir skilmálar sem gilda um fargjaldið sem greitt var upphaflega fyrir haldast óbreyttir. Punktasöfnun, farangursheimild og aðrir fargjaldaskilmálar miðast við upprunalegt fargjald.
• Vinsamlegast athugið að Saga Gold fríðindi eiga eingöngu við þegar ferðast er með áætlunarflugi Icelandair á FI flugnúmeri, ekki ef ferðast er á SK, AY eða B6 flugnúmerum í áætlunarflugi Icelandair.
• Uppfærslur eru ekki réttindi heldur fríðindi sem Icelandair reynir eftir besta megni að veita Saga Gold félögum. Í einhverjum tilfellum getum við þurft að draga uppfærslur tilbaka á flugvelli en þó aðeins í undantekningartilfellum. Það gæti til dæmis átt við þegar um vélarskipti er að ræða, vegna sölu á Saga Premium sætum eða aðrar ástæður. 
• Ekki er hægt að uppfæra á sæti sem bjóða upp á Aukið fótarými á Economy.
• Ekki er hægt að nota Saga Gold uppfærslu ef ferðast er Economy Light fargjaldi eftir 1. febrúar 2020. 
• Athugið að uppfærslur með börn undir 2 ára aldri sem eru í fangi foreldris eru í boði, en ef barnið er eldra eða í sínu eigin sæti þá er ekki í boði að uppfæra bæði sætin í uppfærslunni. 

Saga Silver félagar

Aðalkorthöfum Saga Silver kortsins býðst endurgjaldslaus uppfærsla á sæti og þjónustu yfir á Saga Premium þegar því verður við komið einu sinni á gildistíma kortsins. Hægt er að óska eftir uppfærslu í gegnum Þjónustuver Icelandair í fyrsta lagi tveimur mánuðum fyrir brottför og eigi síðar en 24 klst. fyrir brottför. Það er ekki hægt að óska eftir uppfærslu á flugvellinum. Korthafi getur valið um að uppfæra bókun báðar leiðir eða skipt uppfærslunni niður í tvær annarra leiða uppfærslur. Aðalkorthafi má nota uppfærsluna sína, það er einn fluglegg, fyrir ferðafélaga, svo lengi sem aðalkorthafi ferðast með.

Mikilvægt að hafa í huga

• Ekki er hægt að nota Saga Silfuruppfærsluna ef ferðast er á Economy Light fargjaldi.
• Matarþjónustan getur verið frábrugðin hefðbundinni matarþjónustu viðkomandi farrýmis.
• Þeir skilmálar sem gilda um fargjaldið sem greitt var upphaflega fyrir haldast óbreyttir og punktasöfnun miðast einnig við það fargjald.
• Vinsamlegast athugið að Saga Silver fríðindi eiga eingöngu við þegar ferðast er með áætlunarflugi Icelandair á FI flugnúmeri og með bókunarnúmeri sem hefst á 108. Fríðindin eiga ekki við um ferðir á SK, AY eða B6 flugnúmerum í áætlunarflugi Icelandair.

Saga Gold félagar

Til þess að nýta sér hraðleið þarf að framvísa brottfaraspjaldi og því er mikilvægt að Saga Gold félagar skrái Sagakortsnúmerið sitt í bókun áður en ferð hefst.

Eftirtaldir flugvellir bjóða upp á hraðleið í gegnum öryggisleit:

Internet aðgangur án endurgjalds

Félagar í Saga Gold fá aðgang að þráðlausu Interneti um borð án endurgjalds í þeim vélum þar sem Internettenging er í boði og geta félagar tengt tvö tæki við internetið.

Svona tengist þú Internetinu

1. Settu símann eða tölvuna á flugstillingu og veldu þráðlaust internet
2. Þar velur þú "Icelandair Internet Access" 
3. Opnaðu Internet vafrann og veldu þar Connect Surf Wi-Fi sem er fyrir miðju á síðunni
4. Þar velur þú Saga Gold member undir Complimentary Wi-Fi
5. Þar setur þú inn bókunarnúmer og Sagakortsnúmerið þitt
6. Njóttu Internetsins án endurgjalds! 

Saga Gold félagar

Gullkorthafar hafa aðgang að skammtíma brottfararbílastæðum við Leifsstöð (P1) án endurgjalds í 7 daga gegn framvísun Saga Gold kortsins síns. 

Svona notar þú stæðin:

• Við komu er hliðið opnað með því að setja Saga Gold kortið í miðalesara sem merktur er Saga Gold kort og er númeramyndavél við hliðið sem tengir bílnúmerið við Saga Gold kortið á meðan bíllinn er á stæðinu. 
• Við brottför skannar myndavélin bílnúmerið og við það opnast hliði án þess að Saga Gold kortið sé sett í raufina, það gerist þó aðeins ef bíllinn hefur verið á stæðinu í 7 daga eða skemur. 
• Ef bíllinn hefur verið lengur en 7 daga á stæðinu þá kemur sjálkrafa krafa í miðalesarann sem ber að greiða með greiðslukorti.
• Ef númeramyndavélin virkar ekki, þá getur viðkomandi korthafi sett Saga Gold kortið sitt í raufina til þess að komast út líkt og áður. Það gæti til dæmis komið fyrir ef að viðkomandi er ekki með númeraplötu að framan eða hún óhrein. 

Gott að hafa í huga:

• Til að nota stæðin þarf viðkomandi að vera að ferðast með áætlunarflugi Icelandair.
• Félagar geta verið með bíl sinn endurgjaldslaust í 7 daga á skammtímastæði.
• Airport Parking rukkar 2.650 krónur fyrir hvern dag umfram 7 dagana.
• Icelandair tryggir bílinn fyrir tjóni sem hugsanlega hlýst af þeirra völdum en ekki fyrir þjófnaði eða tjóni sem aðrir valda.
• Ef félagi lendir í vandræðum við að komast inn á stæðið með því að nota Saga Gold kortið sitt ráðleggjum við viðkomandi að taka miða. Við komu til landsins aftur er nauðsynlegt að félagi hafi samband við þjónustuborð Airport Parking áður en farið er í bílinn. Þjónustuborðið er staðsett til vinstri eftir að komið er út úr komusal. Símanúmer þeirra er 425-6400.

Saga Gold félagar

Saga Gold félagar fá akstur til og frá Keflavíkurflugvelli í tengslum við áætlunarflug Icelandair þegar ferðast er á Saga Premium fargjaldi. Verð fyrir aksturþjónustuna er 7.500 krónur hvora leið. 

Þetta er það sem þú þarft að vita

1. Akstursfríðindin eru í boði fyrir Saga Gold félaga sem ferðast á Saga Premium fargjaldi. 
2. Greitt er 7.500 krónur fyrir akstur hvora leið. Þegar maki ferðast einn greiðir hann sömu upphæð. Þegar maki ferðast með aðalkorthafa greiðir hann aðeins 2.500 krónur. Ef aðal- og makakorthafi ferðast saman þurfa þau að vera að ferðast til og frá sama heimilisfangi.
3. Börn yngri en 12 ára ferðast frítt með. Börn tólf ára og eldri greiða sama gjald og maki eða 2.500 krónur.
4. Akstursþjónusta er pöntuð í síma 420-1212 eða 520-1212 í síðasta lagi kvöldið fyrir brottför, bæði til og frá Keflavíkurflugvelli.
5. A-Stöðin annast akstursþjónustu fyrir Icelandair. Afgreiðslutíminn er allan sólarhringinn. A-Stöðin lætur vita u.þ.b 30 mín. fyrir komu bíls.
6. Um er að ræða akstur innan höfuðborgarsvæðisins.

Ef tveir Saga Gold farþegar ferðast saman greiða þeir samtals 15.000 krónur fyrir aksturinn hvora leið. Akstursþjónusta gildir eingöngu fyrir Saga Gold korthafa og óheimilt er að taka aðra gesti með í bílinn sem ekki eru Saga Gold korthafar. Nauðsynlegt er að framvísa gildu Saga Gold korti til að njóta afsláttarins.

Ef áætlaður brottfarartími breytist eru félagar látnir vita eins fjótt og mögulegt er.
Nánari upplýsingar um A-Stöðina eru á www.airporttaxi.is

Saga Silver félagar

Frá og með 1. ágúst, 2019 verður akstur til og frá Keflavík ekki lengur í boði fyrir Saga Silver félaga. 

Saga Gold og Saga Silver félagar

Félagar í Saga Gold og Saga Silver geta ávallt ferðast með eina innritaða tösku, hvort sem ferðast til eða frá Íslandi, Evrópu eða Norður Ameríku, og miðast þyngd töskunnar við það farrými sem ferðast er á. Saga Gold og Saga Silver félagar geta því haft með sér allt að þrjár töskur þegar þeir ferðast með Icelandair. Til þess að nýta farangursfríðindin er nauðsynlegt er að framvísa gildu Saga Gold eða Saga Silver korti og taka fram að óskað sé eftir aukinni farangursheimild við innritun í flug.

Hér er yfirlit yfir þá heildarfarangursheimild sem þú nýtur sem Saga Gold og Saga Silver félagi.

Innritaður farangur
Economy Light: 1x23 kg
Economy Standard: 2x23 kg
Economy Flex: 2x23 kg
Saga Premium: 3x32 kg

Handfarangur
Economy Light: 1x10 kg
Economy Standard: 1x10 kg
Economy Flex: 1x10 kg
Saga Premium: 2x10 kg

Vinsamlegast athugið að farangursheimild er einungis í gildi á þeim hluta leiðarinnar sem flogið er með Icelandair. Saga Gold og Saga Silver fríðindi eiga eingöngu við þegar ferðast er með áætlunarflugi Icelandair eða leiguflugi á FI flugnúmeri, ekki ef ferðast er á AS, SK, AY eða B6 flugnúmerum í áætlunarflugi Icelandair. Fríðindin eiga enn fremur ekki við um flug á vegum samstarfsflugfélags okkar.