Pingdom Check

Ísland - Argentína: Aukasæti til Moskvu - UPPSELT

195.000 kr. á mann í tvíbýli og 255.000 kr. á mann í einbýli

frá195.000 kr.

Uppselt er í þessa ferð. 

Kæru stuðningsmenn,

Sendiráð Íslands í Moskvu stendur fyrir Íslensku Fan Zone í Zaryadye garðinum í miðborg Moskvu fyrir leikinn næstkomandi laugardag. Þar geta áhorfendur hitað upp fyrir leikinn og byggt upp stemningu.

Garðurinn er í miðri borginni, rétt við hliðina á Kreml og Rauða torginu. Í garðinum er frekar stórt „útileikhús“ (amphitheatre) sem tekur hátt í 2000 áhorfendur í sæti. Þar munu Jón Jónsson og Frikki Dór taka nokkur lög með stuðningsmönnum og Tólfan mun stjórna upphitun. Áfengisneysla og reykingar eru bannaðar í garðinum. Þar er hægt að kaupa óáfenga drykki, ís o.fl. ásamt því að þar eru tveir veitingastaðir. Fjöldi veitingastaða er í kringum garðinn. 

Stefnan er að safnast saman í garðinum á milli kl. 11-13. Auðvelt er að komast með metró í garðinn, nær óháð því hvar fólk gistir, þar sem flestar metró-línur borgarinnar stoppa í grennd við hann.

Um klukkan 13.00 þarf fólk að leggja af stað á leikvanginn. Langöruggusta og fljótlegasta leiðin til þess er með metró. Rétt við hliðina á garðinum (5 mín. ganga) er Kitay Gorod metró-stöðin, þaðan getur fólk tekið Metró-línu nr. 7 beint út á Spartak-völlinn og tekur ferðin aðeins 30-40 mín.

Garðurinn á korti. Eins og sést er Kitay Gorod stöðin rétt við hliðina á garðinum.

Texti um garðinn á Wikipedia.



Icelandair býður beint flug til og frá Moskvu í Rússlandi á leik Íslands og Argentínu á HM 2018.

Flogið verður með Boeing 757-þotu Icelandair frá Keflavík til Moskvu. Lagt verður af stað frá Keflavík föstudaginn 15. júní kl. 17:00 og lent kl. 00:25 (eftir miðnætti), að staðartíma, í Moskvu. Flugið heim fer í loftið sunnudaginn 17. júní, kl. 12:30, að staðartíma, og lent í Keflavík kl. 14:25.

Boðið verður uppá 2ja nátta pakkaferð með gistingu. Ferðir til og frá flugvelli í Rússlandi eru innifaldar í pakkanum, ásamt íslenskri fararstjórn. 

Annað hótel var gefið upp sem viðmið í staðfestingu við bókun og verða uppfærðar hótelupplýsingar sendar á það netfang sem gefið var upp við bókun fyrir 15.maí 2018. 

Þegar nær dregur ferð koma farþegar til með að fá tölvupóst með nánari upplýsingum um ferðina, hótelupplýsingar, ferðalýsing, fararstjórn og fleira. 

2ja nátta ferð, 15.-17. júní 2018.

195.000 kr. á mann í tvíbýli og 255.000 kr. á mann í einbýli.

Hægt er að kaupa breiðari sæti í fremstu sætaröðum vélarinnar. Saga Class-þjónusta er EKKI í boði. Verð er 14.900 kr, fyrir aðra leiðina. Takmarkað framboð. 

Innifalið: Flug til og frá Moskvu, gisting í tvær nætur, ferðir til og frá flugvelli í Rússlandi, íslensk fararstjórn.

Athugið að miðar á leikinn eru ekki hluti af pakkanum. 


Áríðandi!

Farþegar þurfa að hafa vegabréf sem gildir fram í febrúar 2019, sem er a.m.k 6 mánuðum lengur en lokadagur HM 2018.

Allir sem ætla að sækja leiki í Rússlandi verða að skrá sig fyrir FAN-ID sem er skírteini sem heimilar viðkomandi stuðningsmanni að ferðast til Rússlands að uppfylltum ákveðnum skilyrðum, m.a. að vera búin/n að kaupa miða á a.m.k. einn leik. Á þeim tíma sem skráning fyrir FAN-ID fer fram þurfa þeir sem skrá sig að hafa vegabréf með réttum gildistíma. Það þýðir að ekki er nóg að hafa FAN-ID ef vegabréf er endurnýjað eftir að FAN-ID er útgefið. Það verður að vera samræmi í upplýsingunum í FAN-ID og í vegabréfi. Þeir sem eru með þetta í ólagi fá ekki að fara inná leikvang.



Vildarpunktar fást fyrir flugið. Fyrir pakkabókun til Moskvu fást 4.200 Vildarpunktar.

Nánari ferðaáætlun verður send til farþega með tölvupósti og sett hér inn á síðuna þegar nær dregur. 
Takmarkað sætaframboð er í boði!

 

Varstu ekki að leita að þessu?

Athugaðu hvort þessar pakkaferðir í svipuðum dúr eigi betur við þig!