Vorið 2016 bætti Icelandair tveimur Boeing 767-300 vélum við flugflotann. Þessar vélar eru stærri en 757-vélarnar, þær rúma fleiri farþega og hafa meiri flugdrægni og henta því eins og best verður á kosið á löngum flugleiðum án millilendingar.
Boeing 767 eru miðlungsstórar og stórar tveggja hreyfla vélar með tveimur göngum á milli sætaraða og voru upphaflega hugsaðar sem kostur á móti eldri og stærri gerðum af Boeing farþegavélum eins og 747. 767 var fyrsta tveggja þotuhreyfla flugvélin sem heimilt var að nota á lengri flugleiðum yfir hafið. Mikil flugdrægni þessarar vélar hefur gert flugfélögum kleift að bjóða mun víðtækari þjónustu á alþjóðlegum flugleiðum. 767 vélarnar eru framleiddar í þremur lengdum og Boeing 767-300 ER er 6,43 metrum lengri en upprunalega gerðin af þessum vélum.
Í 767 vélum Icelandair eru 262 sæti og hver sætaröð skipuð 2-3-2 sætum á Economy. Á Saga Premium er hver sætaröð skipuð 2-1-2 sætum.
Flughraði vélarinnar er 851 km/klst og flugdrægni allt að 7890 km. Vélin er því tilvalin í lengri flug. Auk afþreyingarkerfisins, þráðlausu Wi-Fi um borð og ókeypis drykkjarvara, býðst farþegum Icelandair að skrá sig í vildarklúbbinn Saga Club og njóta aukinna fríðinda.
