Samstarfsflugfélög

Við störfum með flugfélögum sem deila ástríðu okkar og gildum gagnvart viðskiptavinum og upplifun þeirra. Við erum stolt af ört vaxandi leiðakerfi okkar sem gerir okkur kleift að færa heiminn nær Íslandi.

Sammerkt flug

Við eigum í sérstöku samstarfi við nokkur flugfélög sem gerir okkur kleift að bæta flugnúmeri Icelandair (FI) við flug á vegum þessara flugfélaga. Þannig geta viðskipavinir okkar bókað ferð á einum miða, þar sem annar flugleggurinn er á vegum Icelandair og hinn á vegum samstarfsfélags okkar.

Einn flugmiði, ein innritun og engar áhyggjur í sammerktu flugi!

Það er ávallt nægur tími gefinn til millilendingar, en ef bæði flugin þín eru á Icelandair miða og fyrra fluginu þínu seinkar verulega, berum við ábyrgð á seinkuninni og endurbókum þig endurgjaldslaust.

Þú innritar þig aðeins einu sinni í flug og þú getur innritað farangurinn alla leið á lokaáfangastað. Í Bandaríkjunum þurfa farþegar þó að ná í töskurnar við millilendingu, fara með þær gegnum tollskoðun og skila þeim á sérstakt töskubelti fyrir tengiflug. Á leið frá Bandaríkjunum er farangurinn innritaður alla leið á lokaáfangastað.

Samstarf okkar við Turkish Airlines veitir viðskiptavinum okkar aðgang að betri tengingum og eykur ferðamöguleika. Farþegar Icelandair í Norður-Ameríku og á Íslandi geta með samstarfinu flogið áfram inn í leiðarkerfi Turkish Airlines til Istanbúl í gegnum fjölmarga áfangastaði Icelandair í Evrópu. Farþegar Turkish Airlines frá öllum heimshornum hafa þægilegri aðgang að leiðarkerfi Icelandair og geta þannig nýtt samstarfið til þess að ferðast til Íslands og Kanada.

Air Baltic styrkir leiðakerfi Icelandair með flugtengingum til Eystrasaltslandanna og Austur-Evrópu. Viðskiptavinir okkar geta því flogið milli Norður-Ameríku og Eystrasaltslandanna með leiðakerfi sem fer í gegnum Ísland og Skandinavíu.

Samstarf okkar við Alaska Airlines útvíkkar leiðakerfið til vesturstrandar Bandaríkjanna og Kanada. Flugvellirnir sem við fljúgum til í Seattle og Portland tengja okkur við bæði stórar og smáar borgir á vesturströndinni, innan leiðakerfis Alaska Airlines. Að auki geta meðlimir Saga Club og Mileage Plan safnað Vildarpunktum og notað þá um borð í vélum beggja flugfélaga.

Tvíhliða samkomulag okkar við Finnair um sammerkt flug gefur viðskiptavinum okkar aðgang að fjölda áfangastaða í Evrópu, með tengiflugi í Helsinki. Viðskiptavinir frá Asíu á leið til Íslands geta svo nýtt sér samstarf félaganna og ferðast til landsins gegnum Helsinki.

Samkomulag okkar við JetBlue veitir viðskiptavinum aðgang að leiðakerfi flugfélagsins í Norður-Ameríku gegnum New York, Boston og Orlando. Einnig má nefna að meðlimir Saga Club og TrueBlue geta safnað punktum með vildarklúbbum beggja flugfélaga.

Skandinavíski samstarfsaðilinn okkar veitir farþegum aðgang að öflugu leiðakerfi SAS milli Norðurlandanna og lengra út í heim. Hið sammerkta flugnúmer stækkar leiðakerfi Icelandair með tengingu við flug frá skandinavísku höfuðborgunum Kaupmannahöfn, Osló og Stokkhólmi.

Starfssamningur við easyJet

Samstarf okkar við bókunarþjónustuna Worldwide by easyJet gerir viðskiptavinum okkar kleift að ferðast með viðamiklu leiðakerfi easyJet innan Evrópu. Einnig tengir það farþega easyJet við leiðakerfi Icelandair í Norður-Ameríku, með Keflavíkurflugvöll sem miðpunkt ferðalagsins.

Aðrir samstarfsaðilar

Icelandair er stoltur samstarfsaðili 50 flugfélaga sem færa heiminn þér nær með flugleiðum Icelandair. Við vinnum náið með samstarfsaðilum okkar og tryggjum þar með að Icelandair veiti viðskiptavinum sínum óteljandi möguleika á ferðalögum út í heim.

Algengar spurningar um flug með samstarfsflugfélögum

Hér finnur þú svörin sem þú leitar að um tengiflug með samstarfsaðilunum okkar.

Inniheldur flugmiðinn minn alla flugleggi flugsins, líka flug með samstarfsaðilum?

Já, flugmiðinn ætti að útlista alla flugleggi, hvort sem þú flýgur aðra leið eða báðar leiðir.

Get ég flogið á hvaða farrými sem er?

Hægt er að bóka sæti á Saga Premium og Economy farrými fyrir Icelandair flugið, fyrir utan fargjaldaflokkinn Economy Light þar sem strangari skilmálar eiga við um það fargjald.

Í flestum tilvikum færðu sæti í samsvarandi farrými í tengifluginu. Eina undantekningin er þegar flugvél hins flugfélagsins er ekki búin samsvarandi farrými.

Hvaða reglur eru í gildi um afbókun/endurbókun á flugi?

Við bjóðum upp á fargjöld sem eru ólík varðandi þjónustustig og sveigjanleika. Vinsamlega kynntu þér fargjöldin okkar og hvaða reglur gilda um afbókanir og endurbókanir í hverju tilfelli fyrir sig.

Get ég safnað og notað Vildarpunkta í flugi með Icelandair og öðrum flugfélögum?

Já. Saga Club félagar geta safnað og notað Vildarpunkta í flugi með Icelandair. Það er líka hægt að safna og nota Vildarpunkta með ákveðnum flugfélögum sem við erum í sérstöku samstarfi við.

Hvernig virkar fylgdarþjónusta fyrir börn þegar flogið er með fleiri en einu flugfélagi?

Það er ekki hægt að bóka fylgdarþjónustu fyrir önnur flugfélög í gegnum Icelandair, ef ferðin felur í sér tengiflug með öðru flugfélagi. Þetta á við um öll tengiflug samstarfsaðila. Þú þarft að kynna þér reglurnar hjá hverju flugfélagi fyrir sig þegar þú bókar fylgdarþjónustu fyrir barn. Ef barnið er 12 ára eða eldra og þarf ekki á fylgdarþjónustunni að halda, þurfa þau að hafa meðferðis viðeigandi skjöl til framvísunar á flugvöllum.

Við mælum einnig með að þú athugir reglur þess lands sem ferðast er í gegnum, þar sem reglur fyrir börn í fylgd gætu verið breytilegar milli landa.

Get ég bókað aukaþjónustu?

Já, en aðeins fyrir Icelandair flug. Þú getur til dæmis óskað eftir sæti sem hentar þér, pantað mat fyrir flugið eða boðið í sæti hjá okkur með Class Up. Þú getur einnig bætt við aukatösku við innritun í flugið.

Til að bóka aukaþjónustu fyrir tengiflugið þarftu að hafa samband við viðeigandi flugfélag.

Get ég bókað séraðstoð fyrir flugið mitt?

Já, þú getur haft samband með því að fylla út form fyrir séraðstoð vefnum okkar.

Fyrir tengiflugið er öruggast að hafa samband við hitt flugfélagið sem þú flýgur með til staðfesta séraðstoð sem þú óskar eftir.

Get ég innritað mig á netinu fyrir bæði Icelandair flugið mitt eða tengiflugið?

Já, fyrir sammerkt flug og samstarfsflug. Þegar innritun er hafin fyrir tengiflugið, getur þú innritað þig fyrir alla ferðina á Bókunin mín á vefnum eða með appinu okkar.

Fyrir easyJet tengiflug þarftu að innrita þig á tengiflugvellinum.

Fæ ég brottfararspjald fyrir alla ferðina?

Í flestum tilvikum færðu brottfararspjald fyrir alla ferðina, en það fer eftir samstarfsflugfélagi.

Þegar þú átt áframhaldandi flug með sammerktu flugi, geturðu fengið brottfararspjöld á lokaáfangastað.

Flest af flugfélögunum sem við erum í samstarfi við (interline) bjóða uppá brottfararspjald á lokaáfangastað, en einhverjar undantekningar eru til staðar. Flest samstarfsflugfélög bjóða einnig upp á að senda farangur á lokaáfangastað, þó svo að brottfararspjald þurfi að vera sótt í netinnritun hjá viðkomandi flugfélagi eða á þjónustuborði á tengiflugvelli.

Þegar flogið er með easyJet, þarftu að innrita bæði farangur og fá brottfararspjald á tengiflugvelli.

Athugaðu: að ef þú óskar eftir sérstakri þjónustu eða þarft á séraðstoð að halda, gætir þú þurft að fá brottfararspjald frá hinu flugfélaginu sem þú flýgur með.

Er gert ráð fyrir nægum tíma á milli fyrsta flugs og tengiflugsins?

Við bjóðum þér aðeins flug þar sem nægur tími er fyrir þig til að koma þér úr fyrra fluginu í tengiflugið.

Hvenær þarf ég að fara í gegnum tollskoðun/öryggisleit í Bandaríkjunum?

Þú þarft að fara í gegnum tollskoðun/öryggisleit á fyrsta flugvellinum sem þú lendir á í Bandaríkjunum. Í staðinn þarftu ekki að fara í gegnum tollskoðun á lokaáfangastað.

Á heimleið þarftu aðeins að fara í gegnum tollskoðun/öryggisleit á lokaáfangastað.

Hvað gerist ef ég missi af tengifluginu mínu?

Þú þarft að hafa samband við okkur eða ef þú ert á flugvellinum, haft samband við fulltrúa okkar þar til að endurbóka tengiflugið.

Hef ég aðgang að betri stofu á ferðalaginu?

Saga Premium farþegar, Saga Gold og Silver félagar, og farþegar sem eiga Icelandair kreditkort með betri stofu fríðindum, fá aðgang að Saga Lounge þegar flogið er til og frá Keflavíkurflugvelli. Upplýsingar um betri stofu á tengiflugvöllum má finna hér.

Þarf ég að innrita farangurinn minn tvisvar sinnum?

Á leiðinni til Norður-Ameríku þurfa farþegar að ná í töskurnar við millilendingu, fara með þær gegnum tollskoðun og skila þeim á sérstakt töskubelti fyrir tengiflug.

Á flestum tengiflugvöllum í Evrópu, geta farþegar farið beint að brottfararhliði án þess að hafa áhyggjur af farangri. Undantekningar eru til staðar þegar flogið er í innanlandsflugi í Noregi, eða þegar tengiflug er á öðru flugnúmeri þegar flogið er í gegnum London Heathrow og Manchester flugvöll.

Þegar flogið er með easyJet, þarftu að innrita bæði farangur og fá brottfararspjald á tengiflugvelli.

Þegar ferðast er heim frá Norður-Ameríku og Evrópu, geta farþegar innritað töskurnar sínar alla leið á lokaáfangastað. Farþegar geta því farið beint að brottfararhliði á tengiflugvellinum, án þess að hafa áhyggjur af farangri.