Réttindi farþega

Þú gætir átt rétt á þjónustu ef þér var neitað um far. Undir þjónustu falla máltíðir og hressingar, gisting, samgöngur og aðgangur að samskiptamáta. Þetta á ekki við ef það orsakar frekari töf á ferðalaginu að veita þjónustuna.

Máltíðir og hressingar, í samræmi við biðtíma.

Gisting og samgöngur, ef ekki er hægt að endurbóka þig í flug samdægurs og þú getur ekki snúið aftur heim eða á tímabundinn dvalarstað.

Samskiptamáti, ef þú þarft stað til að hringja eða senda tölvupóst tengdan neituninni.

Stundum getum við ekki gefið út inneignarnótur vegna fjölda farþega sem verða fyrir áhrifum. Í slíkum tilfellum biðjum við farþega að koma sjálfir í kring þjónustu og leggja inn upprunalegar kvittanir til endurgreiðslu við lok ferðarinnar í gegnum vefinn okkar.

Ef við getum ekki veitt þá þjónustu sem reglugerðin tiltekur geturðu skipulagt hana og fengið endurgreiðslu á kostnaði innan sanngirnismarka:

Máltíðir og hressing: Í samræmi við biðtíma. Athugaðu að við endurgreiðum ekki kaup á áfengi.

Gisting: Ef nauðsynlegt verður að bíða eina eða fleiri nætur eftir flugi eða lengur en farþegi hafði gert ráð fyrir. Sanngjarnt verð fyrir næturgistingu er mismunandi eftir staðsetningu, sjá lista hér að neðan.

Samgöngur: Almenningssamgöngur eða flugrúta milli gististaðar og flugvallar.

Samskiptamáti: Kostnaður vegna tveggja símtala, tölvupósta, faxa eða símskeyta.

Allur kostnaður verður að tengjast röskuninni beint, ekki er greitt fyrir þjónustu sem hafði áður verið skipulögð. 

Sanngjarn gistikosntaður verður metinn í hverju tilviki fyrir sig fyrir áfangastaði sem ekki eru taldir upp hér að ofan, að hámarki 180 evrur á nótt. Hliðsjón verður höfð af markaðsaðstæðum og framboði á þeim tíma sem röskun verður.

Sanngjarn gistikosntaður verður metinn í hverju tilviki fyrir sig fyrir áfangastaði sem ekki eru taldir upp hér að ofan, að hámarki 180 evrur á nótt. Hliðsjón verður höfð af markaðsaðstæðum og framboði á þeim tíma sem röskun verður.

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.

Þú gætir átt rétt á endurbókun eða endurgreiðslu ef þér var neitað um far.

Endurbókun

Þegar því verður við komið endurbókum við sjálfkrafa alla farþega sem verða fyrir röskun. Við sendum upplýsingar og uppfærða ferðaáætun á netfangið sem skráð er í bókunina svo mikilvægt er að ganga úr skugga um að það sé rétt skráð. Þú getur athugað það í Bókunin mín eða Icelandair appinu. Stundum sjáum við okkur ekki fært að endurbóka alla farþega sjálfkrafa vegna fjölda farþega sem verða fyrir áhrifum. Í slíkum tilfellum geta farþegar haft samband og óskað eftir endurbókun á loka áfangastað með næsta Icelandair flugi undir sæmbærilegum ferðaskilyrðum.

Endurgreiðsla

Þú getur valið að ferðast ekki og fá þá ónotaða hluta miðans endurgreidda fyrir alla farþega í bókuninni. Þú getur aflýst eða breytt bókuninni þinni í Bókunin mín og óskað eftir endurgreiðslu hér.

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.

Ef þér er neitað um flugfar gætir þú átt rétt á bótum. Upphæð bótanna fer eftir fjarlægð flugsins og seinkun komu á áfangastað.

Öll flug sem eru 1500 km eða styttri.

• 125 evrur ef þér var boðin endurbókun í flug sem kom á áfangastað innan 2 klst frá áætluðum komutíma aflýsta flugsins.
• 250 evrur ef þú komst á áfangastað meira en 2 klst eftir áætlaðan komutíma aflýsta flugsins.

Öll flug innan Bandalagsins* lengri en 1500 km og fyrir öll önnur flug á bilinu 1500 til 3500 km.

• 200 evrur ef þér var boðin endurbókun í flug sem kom á áfangastað innan 3 klst frá áætluðum komutíma aflýsta flugsins.
• 400 evrur ef þú komst á áfangastað meira en 3 klst eftir áætlaðan komutíma aflýsta flugsins.

Öll flug sem falla ekki undir ofangreint.

• 300 evrur ef þér var boðin endurbókun í flug sem kom á áfangastað innan 4 klst frá áætluðum komutíma aflýsta flugsins.
• 600 evrur ef þú komst á áfangastað meira en 4 klst eftir áætlaðan komutíma aflýsta flugsins.

Hvenær áttu ekki rétt á bótum?

Farþegar eiga ekki rétt á bótum ef:

• Þeir buðust til að ferðast með öðru flugi samkvæmt samkomulagi við flugfélagið.
• Þeim er neitað um far vegna eigin hegðunar eða skorts á ferðagögnum.

Upplýsingar um þær eftirlitsstofnanir sem falið er að hafa eftirlit með réttindum flugfarþega er hægt að nálgast á Europa.eu.

_{*Innan Bandalagsins á við um flug innan Evrópusambandsins (ESB) og EFTA löndin (Ísland, Lichtenstein og Noreg). Flug frá þessum löndum eða milli þeirra falla undir evrópureglugerð 261/2004 sem og flug með flugrekanda sem er skráður innan þessara landa.}

Evrópureglugerð 261/2004 á við um ferðalög til Evrópusambandsríkja, Noregs, Sviss og Íslands ef ferðast er með flugfélagi sem er skráð í þeim ríkjum. Hún á einnig við um ferðalög frá þessum ríkjum óháð flugfélagi. Reglugerðin á ekki við um ferðalög sem bæði hefjast og enda utan þessara ríkja, t.d. ferð sem hefst í Bandaríkjunum eða Kanada og endar í Færeyjum eða Grænlandi, jafnvel þó það sé millilent á Íslandi.