Flug til Egilsstaða með Icelandair, verð frá

Ferðalag til Egilsstaða

Flugtíminn frá Reykjavík er aðeins 60 mínútur. Í góðu skyggni fá farþegar tilkomumikinn útsýnistúr í kaupbæti.

Þar sem allt innanlandsflug fer frá Reykjavíkurflugvelli (RKV) þurfa þeir farþegar sem fljúga með Icelandair frá Evrópu eða Norður-Ameríku til Egilsstaða, að ferðast frá Keflavíkurflugvelli til Reykjavíkurflugvallar.

Skoðaðu einnig pakkaferðirnar okkar þar sem við bjóðum upp á pakka á sérstöku verði.

Höfuðstaður Austurlands

Egilsstaði má kalla höfuðstað Austurlands og héðan er stutt að sækja náttúruperlur Austfjarða. Þar að auki tekur ekki nema tvo tíma að keyra til Mývatns, á Seyðisfjörð eða Djúpavog. 

Um Fljótsdalshérað liggja ótal fallegar gönguleiðir fyrir þá sem vilja kanna fjöll, gljúfur og fossa svæðisins.

Á myndinni má sjá hinar nýopnuðu náttúrulaugar Vök Baths við Urriðavatn, skammt fyrir utan bæinn.

Náttúruperlur

Á Austurlandi gefur að líta fjölbreytileika íslenskrar náttúru og hafa ferðalangar úr nógu að velja. Þar má nefna Hengifoss, gönguleiðirnar um Hallormsstaðaskóg, varpbyggðir lundans á Borgarfirði Eystri yfir sumartímann og tilkomumiklar stuðlabergsmyndanir í Stuðlagili.