Flug til Ilulissat með Icelandair

Verið velkomin til Ilulissat!

Ilulissat er einn helsti ferðamannastaðurinn á Grænlandi, í mögnuðu umhverfi sem einkennist af jöklum og hafís. Bærinn er á vestur Grænlandi, 350 kílómetrum norður af norðurheimskautsbaugnum.

Ilulissat-ísfjörðurinn og Diskóflói bjóða upp á magnað sjónarspil sem einkennist af mikilfenglegum ísjökum sem fljóta frá jöklinum allan ársins hring. Ilulissat ber nafn með réttu, en orðið þýðir einmitt hafís á tungumáli innfæddra vestur Grænlands.

Náttúruperlur Ilulissat

Svæðið í kringum Ilulissat einkennist af borgarísjökum sem brotnað hafa af skriðjöklinum Sermeq Kujalleq. Ísfjörðurinn byrjar við Grænlandsjökul og liggur út í Diskóflóann. Ísjakarnir fljóta út 55 kílómetra fjörðinn og þaðan til sjávar.

Flugútsýnisferðir eru vinsælar á svæðinu, og einnig bátsferðir og kajakferðir þar sem ferðalangar fá að fljóta meðan borgarísjakanna. Það verður engin ráðgáta fyrir þá sem gera sér ferð til Ilulissat að átta sig á því hvers vegna ísfjörðurinn er á lista UNESCO yfir heimsminjar.

Áhugavert í Ilulissat

Ein skemmtilegast staðurinn til þess að heimsækja á svæðinu er suður af bænum og nefnist Sermermiut, fyrrverandi Inúítabyggð sem er staðsett í dal við enda Ilulissat-ísfjarðarins. Þar er staðsett upphaf ýmissa gönguleiða sem ganga með fram strandlengjunni og upp á magnaða útsýnisstaði. Búið er að leggja gönguplanka á hluta leiðanna, en á köflum geta þær verið torfærar svo mikilvægt er að klæðast góðum gönguskóm áður en farið er af stað.

Þar er einnig að finna Ísfjarðarmiðstöðina við Ilulissat (e. Icefjord Centre), þar sem haldnar eru fróðlegar sýningar um svæðið. Miðstöðin opnaði árið 2021 og hefur hönnun hússins, sem er innblásin af útliti snjóuglna, fengið lof víða um heiminn. Á þaki hennar er einnig útsýnispallur sem býður gestum upp á magnað sjónarspil.

Spennandi á svæðinu

Ýmsir túrar eru farnir frá Ilulissat sem færa ferðalanga á spennandi slóðir. Í bænum eru starfræktar ferðaskrifstofur sem bjóða upp á útilegu- og jöklaferðir, og dagsferðir til þorpa á svæðinu.

Hægt er að gista í skála uppi á Equip Serma jöklinum, og heimsækja þorp innfæddra, Oqaatsut, eða eina elstu byggð Grænlands, Ilimanaq.

Heimamenn á svæðinu eru um 5000 talsins, en einnig búa þar um 3000 sleðahundar. Hundasleðar eru nýttir bæði sem ferðamáti en einnig til afþreyingar. Það er vinsæl upplifun fyrir ferðamenn að prófa að fara á slíka sleða þegar svæðið er heimsótt.

Sumar í Ilulissat

Icelandair býður upp á flug til Ilulissat frá júní til og með september. Á sumrin er tilvalið að heimsækja svæðið, þar sem bjart er allan sólarhringinn og veðrið er milt. Sumarið er vinsælt meðal ferðamanna, og því er hollráð að bóka gistingu og flug með góðum fyrirvara.

Vinsælt er að fara í gönguferðir á sumrin, hvalaskoðun, eða sigla á bát eða kajak meðal ísjakanna; mikið sjávarlíf er í Ilulissat-ísfirðinum.

Hverju má búast við

Um 5000 manns búa í Ilulissat, og bærinn er vel undirbúinn fyrir það að taka á móti ferðamönnum. Þar er að finna góð hótel með útsýni yfir ísfjörðinn, og spennandi matargerð í grænlenskum stíl.

Bærinn er myndrænn, þar sem litrík húsin standa með mikilfenglega náttúru í bakgrunni, og hundasleðar eru víða. Í byggðasafn bæjarins er hægt að kynnast sögu heimskautsfarans Knud Rasmussen. Þá er í bænum að finna elstu kirkju Grænlands, Zion kirkjuna sem var byggð árið 1779.