Air Iceland Connect er orðið að Icelandair

Já, bókanir sem gerðar voru hjá Air Iceland Connect færast sjálfvirkt yfir til Icelandair og þú færð sendan nýjan miða á netfangið sem skráð er í bókuninni.

Athugaðu að ef e-miðinn þinn berst af einhverjum ástæðum ekki til þín fyrir flugið, gerist þess ekki þörf að hafa samband, bókunin þín er enn til staðar. Þú getur hinsvegar í þessu tilfelli ekki innritað þig í flugið fyrr en við komu á flugvöllinn.

Viðskiptavinir sem bókuðu flug hjá Air Iceland Connect, fá eftirfarandi fargjöld hjá Icelandair:

• Þeir sem keyptu Létt færast yfir á Economy Standard.
• Þeir sem keyptu Klassískt færast yfir á Economy Standard.
• Þeir sem keyptu Fríðindi færast yfir á Economy Flex. 
• Flugfrelsi færast yfir á Economy Standard.

Við bjóðum þér að afbóka ferðina og sækja um ferðainneignarnótu sem gildir í 3 ár.

Allar bókanir sem gerðar voru hjá Air Iceland Connect út 15. mars, er hægt að nálgast á síðunni Bókunin mín. Til að fá bókunina upp þarf að slá inn eftirnafn og nýtt bókunarnúmer, sem þú færð sent með tölvupósti.

Á þeirri síðu er þó einungis hægt að skoða stöðu bókunarinnar. Ef þú þarft að gera breytingar á bókuninni, biðjum við þig vinsamlegast að hafa samband við þjónustuver Icelandair. Þetta á einnig við um bókanir sem greiddar voru með Fluginneignum (Flugfrelsi, Flugfélögum og Flugköppum).

Leyfileg þyngd á innrituðum farangri í innanlandsflugi, hefur aukist úr 20 kg í 23 kg. Handfarangursheimildin er óbreytt, hún verður áfram 6 kg.

Því miður verður ekki hægt að bóka flug til áfangastaða Norlandair gegnum vefsíðu Icelandair. Allar flugbókanir til áfangastaða Norlandair verða færðar í bókunarkerfi Norlandair við samþættingu Air Iceland Connect og Icelandair. Farþegum er bent á að hafa samband við Norlandair ef breyta þarf flugbókunum eða fyrir aðrar fyrirspurnir varðandi bókaða flugleggi á flugleiðum Norlandair. 

Félögin munu þó áfram vinna þétt saman og engin breyting verður á þjónustu við farþega frá Akureyrarflugvelli né Reykjavíkurflugvelli.

Já, enn er hægt er að nota þær fluginneignir sem keyptar voru fyrir samþættingu Air Iceland Connect og Icelandair. Vörurnar Flugkappar og Flugfélagar verða áfram á boðstólnum, en sölu Flugfrelsis hefur verið hætt.

Þeir viðskiptavinir sem keyptu fluginneign fyrir 16. mars geta áfram bókað flug undir þeim skilmálum sem voru í gildi við kaupin. Þann 16. mars gengu nýjir skilmálar um Fluginneignir í gildi sem fræðast má nánar um á sérstakri upplýsingasíðu.

Því miður er ekki lengur hægt að nota fluginneign þegar bókað er á netinu. Til að nota fluginneign við bókun, þurfa viðskiptavinir að hafa samband við þjónustuver Icelandair. 

Við þökkum viðskiptavinum fyrir skilninginn og þolinmæðina, en bókun á fluginneign í gegnum síma getur tekið talsverðan tíma. Við erum öll í sama liði og gerum okkar besta til að greiða úr þeim vandamálum sem geta skapast meðan þetta millibilsástand varir.

Unnið er að þróun nýrra lausna fyrir viðskiptavini Icelandair í innanlandsflugi, sem við munum upplýsa um fljótlega.

Sölu Flugfrelsis hefur verið hætt og breytingar hafa orðið á skilmálum og þjónustu Flugkappa og Flugfélaga, sem verða áfram í sölu á vef Icelandair.

Lesa nánar um nýja skilmála og þjónustu

Já. Handhöfum Flugkappa, Flugfélaga og Flugfrelsis býðst að breyta þessum vörum í gjafabréf hjá Icelandair. Virði gjafabréfsins hjá Icelandair miðast við virði flugleggjanna sem þú áttir inni.

Dæmi: Ef keyptur var Flugkappa pakki, en það eru 10 flugleggir á 62.300 kr., er virði hvers flugleggs 6.230 kr.

Icelandair mun svo gefa 2500 kr. aukalega fyrir hvern fluglegg sem þú átt inni. Ef þú átt t.a.m. þrjá flugleggi eftir í fluginneign, bætast 7500 kr. við inneignina þína hjá Icelandair.

Gjafabréfið gildir sem peningagreiðsla upp í öll flug sem hægt er að bóka á vefnum okkar, bæði í innanlands- og millilandaflug. Það gildir í 2 ár frá útgáfudegi og fæst ekki endurgreitt.

Auðvelt er að breyta inneign á Flugkappa/Flugfélaga/Flugfrelsi í gjafabréf hjá Icelandair. Þú þarft aðeins að skrá þig inn á fluginneignarsíðuna þína og smella á Breyta í Icelandair gjafabréf. Ef innskráning mistekst, er hægt að hafa samband við þjónustuverið okkar.

Nei, búið er að loka Flugkortunum sem voru í notkun hjá Air Iceland Connect. Við höfum sent tölvupóst á alla notendur Flugkorta sem og á öll þau fyrirtæki sem hafa verið með Flugkort hjá okkur, til að láta vita af því að notkun þeirra hafi verið hætt og deila upplýsingum um nýtt fyrirkomulag. 

Fyrirtækjunum hefur verið boðinn nýr samningur sem mun leysa Flugkortin af hólmi. Því biðjum við alla korthafa að heyra í sínu fyrirtæki varðandi bókanir á innanlandsflugi (sennilega er best að tala við fjármálastjóra eða annan sambærilegan aðila). Fyrirtækin þurfa að gera nýjan samning fyrir alla sína Flugkortshafa.

Ef að samningur hefur ekki verið undirritaður, þarf fyrirtækið að senda fyrirspurn beint á [email protected] til að fá frekari upplýsingar og til að óska eftir samningi.

Economy-fargjöld Icelandair taka við af fargjöldum Air Iceland Connect, Létt/Klassískt/Fríðindi.

• Létt verður Economy Light.
• Klassískt verður Economy Standard.
• Fríðindi verður Economy Flex.

• Sætisval er innifalið á Economy Standard og Economy Flex. 
• Farangursheimild fyrir Economy Standard og Economy Flex hefur aukist úr 20 kg í 23 kg í innanlandsflugi .
• Bókanir á Economy Light fást ekki endurgreiddar og ekki er hægt að gera breytingar á þessum bókunum.
• Nafnabreytingar eru ekki leyfðar.

Já, ef þú uppfyllir skilyrði Loftbrúar áttu rétt á 40% afslætti af heildarfargjaldi fyrir áætlunarflug innanlands, til og frá höfuðborgarsvæðinu. 

Þú getur notað Loftbrúarkóðann í bókunarferli Icelandair. Ef valið er flug milli Reykjavíkur og annarra áfangastaða á Íslandi, býður bókunarvélin þér að haka við Loftbrú. 

Nánar um Loftbrú

Sama bókunarvél er notuð til að bóka innanlandsflug og millilandaflug á vef Icelandair.

Já, nú er hægt að gera slíka bókun á vef Icelandair. Við minnum á að farþegar þurfa að ná í farangurinn úr innanlandsfluginu, ferðast milli flugvalla og innrita farangurinn í millilandaflugið.

Færeyska flugfélagið Atlantic Airways hefur boðið flug frá Keflavíkurflugvelli til Færeyja, og hægt hefur verið að bóka í gegnum vef Air Iceland Connect. 

Því miður verður ekki hægt að bóka beint flug til Færeyja gegnum vef Icelandair að svo stöddu, en hægt verður að bóka tengiflug til Færeyja. Viðskiptavinir geta bókað beint flug frá Íslandi til Færeyja í gegnum vef Atlantic Airways.

Því miður er ekki hægt að bóka flug til áfangastaða Norlandair gegnum vefsíðu Icelandair. Allar flugbókanir til áfangastaða Norlandair hafa verið færðar í bókunarkerfi Norlandair við samþættingu Air Iceland Connect og Icelandair. Farþegum er bent á að hafa samband við Norlandair ef breyta þarf flugbókunum eða fyrir aðrar fyrirspurnir varðandi bókaða flugleggi á flugleiðum Norlandair. 

Félögin munu þó áfram vinna þétt saman og engin breyting verður á þjónustu við farþega frá Akureyrarflugvelli né Reykjavíkurflugvelli.

Já, þú getur notað gjafabréfið þitt á vef Icelandair fyrir öll flug, jafnt innanlands sem utan.

Já, þú getur notað gjafabréf Icelandair til að bóka öll flug sem standa til boða í bókunarvélinni, jafnt innanlands sem utan.

Já, þú getur notað ferðainneignarnótu Icelandair sem greiðslu fyrir öll flug sem standa til boða í bókunarvélinni, jafnt innanlands sem utan.

Handfarangursheimild verður áfram 6 kg í innanlandsflugi og flugi til Grænlands.

Já, það er hægt að bæta aukatöskum við bókunina. 

Sömu stærðartakmarkanir gilda fyrir aukatöskur og fyrir þær töskur sem eru innifaldar í bókuninni, bæði í millilandaflugi og innanlandsflugi. Heildarumfang þeirra má ekki vera meira en 158 cm, að meðtöldu handfangi og hjólum.

Leyfileg þyngd innritaðrar tösku í innanlandsflugi eykst úr 20 kg í 23 kg, en verður áfram 20 kg í flugi til Grænlands.

Já, það er hægt að gera slíka bókun fyrir öll börn á aldrinum 5 til 11 ára gegnum vef Icelandair eða með því að hafa samband við þjónustuver Icelandair. Börn fá 50% afslátt af öllum almennum fargjöldum innanlands.

Já, afram verður veittur 50% afsláttur af miðum fyrir börn í innanlandsflugi og 90% afsláttur fyrir ungbörn. 

Já, áfram er hægt að greiða með Punktum og peningum bæði á vefnum og í Icelandair appinu. 

Þó eru bókanir þar sem börn ferðast ein undanskildar. Ekki er hægt að greiða fyrir þær með Vildarpunktum í gegnum vef, en hægt er að nýta Vildarpunktana ef bókað er beint í gegnum þjónustuver Icelandair.

Söfnun Vildarpunkta og Fríðindastiga breytist við samþættingu félaganna, í samræmi við töflurnar hér fyrir neðan. Nú safna farþegar fleiri Vildarpunktum en áður.

Já, hægt er að skrá Vildarpunkta fyrir flug allt að 12 mánuði aftur í tímann. Vinsamlegast hafðu samband við þjónustuver Icelandair.

Saga Silver og Gold félagar njóta aukinna farangursfríðinda í innanlandsflugi, eins og í millilandaflugi. Þeir fá forgang á biðlista og þar að auki fá Saga Silver félagar 10% álag ofan á Fríðindastigin og Saga Gold félagar 20% álag.