Flug til Nuuk með Icelandair - verð frá 69.965 kr.*

Verið velkomin til Nuuk!

Nuuk er höfuðborg Grænlands, þar mætast verslun og menning fersku lofti og mikilfenglegu landslagi. Nuuk er ein af minnstu höfuðborgum í heimi, en þar búa um 20.000 manns. Borgin er staðsett yst í stórum firði í suðvestur Grænlandi. Fræga Sermitsiaq fjallið er staðsett á eyju í firðinum og sést nær alls staðar í borginni.

Í Nuuk er að finna hugguleg kaffihús og veitingastaði, söfn, verslunarmiðstöð og hótel. Saga borgarinnar er merkileg og menningin þar er rík, og stutt er í náttúruna fyrir ævintýraþyrsta.

Upplifanir í Nuuk

Nafn borgarinnar Nuuk þýðir "tangi" á grænlensku, en hún er nefnd svo vegna legu sinnar á tanga tveggja djúpra fjarða sem skerast inn í landið. Því er tilvalið að halda frá borginni í ýmsa leiðangra. Ferðir um fjörðinn eru vinsælar, og einnig hvalaskoðanir þar sem ferðalangar komast á sumrin í návígi við hnúfubaka og hrefnur. Einnig er farið í veiðiferðir sem enda á afskekktum veitingastað þar sem ferðalöngum er boðið upp á að láta elda aflann.

Þyrluferðir eru vinsælar um ísilagt umhverfið og upp að rústum forna byggða norræna manna. Þá er líka boðið upp á bátsferðir að þessum fornu byggðum.

Menning og list í Nuuk

Listasafnið í Nuuk geymir ýmiss merk verk, bæði gömul og ný. Þar eru líka til sýnis skurðverk úr tálgustein, beinum, viði og vígtönnum. Safnið býður upp á listagöngu þar sem farið er um stræti borgarinnar og gert grein fyrir útiverkum sem þar er að finna á milli safnsins og gömlu nýlenduhafnarinnar.

Margar búðir bjóða upp á gullfalleg handverk heimamanna, og ýmsar merkilegar sýningar eru haldnar í menningarmiðstöðinni "Katuaq".

Söfn og menning

Við mælum með því að gera sér ferð í þjóðminjasafn Grænlands. Safnið er að finna í gamla bænum og veitir gestum heildstæðan skilning á fornleifum landsins, sögu, íbúum, list og iðnaði síðastliðin 4500 ár. Í nágrenni við þjóðminjasafnið er listasafnið í Nuuk (Nuutoqaq), en þar eru haldnar sýningar sem beina kastljósinu að list heimamanna, auk sögu og iðnar.

Til þess að kynnast sögu svæðisins enn frekar er hægt að fara í bátsferð til yfirgefinna byggða í Qoornoq og Kagneq. Qoornoq er lítil falleg eyja í nágrenni Nuuk í firðinum. Þar var eitt sinn blómleg byggð sem var svo yfirgefin á sjöunda áratugi síðustu aldar þegar íbúar hennar fluttust til höfuðborgarinnar. Fyrrum íbúar byggðarinnar nota enn húsin þar sem sumarbústaði.

Nuuk á sumrin

Það er enginn slæmur tími til þess að heimsækja Nuuk. Hins vegar er vinsælast að ferðast til borgarinnar á sumrin (júní til september). Þá er veðrið best og mest um að vera.

Á sumrin hækkar hitastigið og dýralífið lætur oftar sjá sig. Einnig er þá besti tíminn til þess að ferðast um fjörðinn, fara á kajaka og veiða.

Hins vegar er ekki heldur slæmt að ferðast til borgarinnar á vorin eða haustin. Þá er minna af ferðamönnum og verð á flugi og gistingum er oft hagstæðara.

Nuuk á veturna

Þrátt fyrir það að hitastigið sé oft undir frostmörkum á veturna er í rauninni jafn vinsælt að heimsækja borgina að vetri til og um sumar. Á veturna eru norðurljósin aðal aðdráttaraflið, og títt er hægt að sjá þau frá september til apríl.

Vinsælt er að fara á skíði eða í gönguferðir á veturna. Sisorarfiit skíðalyftan býður upp á spennandi brekkur, en einnig er nóg af fáfarnari svæðum þar sem hægt er að renna sér.

Þrátt fyrir hitastigið er Nuuk ekki jafn köld og maður myndi búast við, en það er vegna lágs loftraka. VIð bjóðum upp á flug til Nuuk allan ársins hring, og því býðst viðskiptavinum okkar að ferðast til borgarinnar hvenær sem þeim sýnist.

Ferðast fótgangandi

Nuuk er ein minnsta höfuðborg í heimi þegar litið er til höfðatölu, og auðvelt er að komast á milli staða fótgangandi í miðbænum. Miðbærinn er heldur sléttur og því ekki krefjandi til göngu, en þegar komið er út fyrir hann þarf að ganga upp fleiri brekkur.

Skemmtilegt er að ganga um sjávarbakkann við gömlu nýlenduhöfnina Kolonihavn og stræti gamla bæjarins en þar er að finna litrík norræn hús. Í Myggedalen er helsta útsýnið af borginni og sjónum, í mikilfenglegu umhverfi sínu.

Samgöngur í Nuuk

Vinsælt er að ferðast með strætó í Nuuk. Strætókerfi borgarinnar heitir Nuup Bussii, en með strætisvögnum er hægt að komast um nær alla borgina á lágu verði. Hægt er að borga með reiðufé um borð fyrir staka ferð, eða kaupa 10 skipta kort á netinu, í sjálfsafgreiðsluvélum eða um borð. Hægt er að nálgast tímatöflu í hverju strætóskýli eða á netinu.

Það eru leigubílar í Nuuk, en þeir eru dýrasti valkosturinn. Einnig er hægt að fara um borð í almenningsbáta sem bjóða upp á gott útsýni af firðinum.