Fljúgðu með Icelandair til Grænlands

Icelandair flug til Grænlands

Icelandair býður upp á flug til Grænlands frá Íslandi. Flogið er til Grænlands frá Keflavíkurflugvelli.

Með Icelandair er hægt að bóka miða til nokkurra áfangastaða á Grænlandi:

• Flug til Nuuk (Suðvestur Grænland) Flug frá Íslandi til höfuðborgar Grænlands tekur um 3 klukkutíma. Flogið er allan ársins hring.
• Flug til Ilulissat (Vestur Grænland) Flogið er beint til þessa vinsæla áfangastaðs á Grænlands frá júní til og með september. Flugið frá Íslandi tekur um 3 og hálfan klukkutíma.
• Flug til Qarqortoq (Suður Grænland) Flug frá Íslandi til suður Grænlands tekur um 3 klukkutíma. Flugvöllurinn í Qaqortoq (JJU) opnar í apríl 2026, og kemur í stað Narsarsuaq flugvallarins (UAK). Icelandair flýgur til suður Grænlands frá júní til og með september. .
• Flug til Kulusuk (Austur Grænland) Stysta flug okkar til Grænlands er til Kulusuk á austur Grænlandi, og tekur um 2 klukkutíma. Flogið er frá mars til og með september.

Frekari upplýsingar um flugáætlun okkar til Grænlands er að finna hér: Flugáætlun.

Flugvélar okkar sem fljúga til Grænlands

Það er auðvelt að komast í návígi við stórfengleika Grænlands með Icelandair. Nú þegar nýr flugvöllur hefur opnað í Nuuk (GOH), fljúgum við 160 sæta Boeing MAX 8 vélunum okkar til Grænlands allan ársins hring.

Aðrir flugvellir en sá sem er í Nuuk eru smærri, með stuttum flugbrautum. Til þeirra flugvalla fljúgum við því De Havilland Canada (DHC) Dash 400 og 200 vélunum okkar. Dash vélarnar eru smærri, og því er þjónustan um borð frábrugðin þeirri sem við getum boðið upp á í Boeing og Airbus vélunum okkar. Einnig geta reglur um farangur verið frábrugðnar í smærri vélunum.

Flogið til Grænlands að sumri til

Þær árstíðir sem laða flesta ferðamenn til Grænlands eru sumar- og vetrarmánuðirnir.

Að sumri eru dagarnir langir og þá gefst besta færið til þess að virða fyrir sér stórfenglega náttúru Grænlands. Við fljúgum til Nuuk, Ilulissat, Kulusuk og Qaqortoq á sumrin.

Veðurfar er milt á sumrin á Grænlandi, en þá er boðið upp á ýmsar ógleymanlegar upplifanir á borð við göngu- og bátaferðir. Þá er hægt að fylgjast með hafísnum sigla inn firðina í bjarma miðnætursólarinnar og komast í návígi við dýralífið, en á Grænlandi er að finna hvali, sauðnaut og margt fleira. Grænland hefur upp á margt að bjóða fyrir ferðalanga á sumrin.

Ráð fyrir vetrarheimsókn til Grænlands

Á Grænlandi varir veturinn venjulegt frá október til mars. Þá kólnar veðrið og umhverfið verður snæviþakið; en eins og sagt er, það er ekkert veður slæmt ef maður klæðir sig rétt.

Margt ef því sem við erum vön á veturna hér heima á einnig við á Grænlandi, næturnar verða lengri og norðurljósin láta oft á sér kræla.

Hins vegar eru ýmsir landshlutar Grænlands á veturna sem eru aðeins aðgengilegir á hundasleðum, bátum eða snjósleðum. Þeir sem heimsækja Grænlands í vetrarríki geta átt von á ógleymanlegri ferð.

Pakkaferðir til Nuuk

Grænland er bæði stórt og að miklum hluta ótamið, svo það getur verið erfitt að vita hvernig eigi byrja að skipuleggja ferð þangað. Engar áhyggjur, við getum aðstoðað.

Icelandair býður upp á pakkaferðir sem gera ferðina til Grænlands áreynslulausa. Ferðalangar geta þá keypt í einum pakka flug og gistingu, í höfuðborginni, bæði í Nuuk og á fleiri stöðum á Grænlandi. Boðið er upp á ýmissa valmöguleika, og því ættu allir að geta fundið gistingu við sitt hæfi. Þegar þú kaupir pakkaferð frá Icelandair VITA býðst þér einnig að bæta upplifunum við ferðina.

Ferðast um Grænland

Á Grænlandi eru engar lestir né vegir á milli flestra byggða, þar sem vegalengdin á milli þeirra getur verið gríðarleg. Aðal samgöngumátarnir eru flugvélar, bátar, þyrlur og hundasleðar. Ódýrasti valkosturinn er sjávarleiðin með ferju, og einnig er boðið upp á skemmtiferðaskip sem ferðast með farþega um allt landið.

Einnig er vinsælt að nýta flugsamgöngur til þess að komast á milli staða, bæði vegna þeirra þæginda og hraða sem þær bjóða upp á, og líka útsýnisins sem sá ferðamáti býður upp á af landinu. Þyrluferðir bjóða upp á mikið sjónarspil þegar flogið er yfir snæviþakið landið. Þá er ógleymanleg upplifun að ferðast á hundasleða með leiðsögumanni.