Beint flug til Billund

Billund er iðnaðarbær sem byggðist upp vegna vinsælda eins vörumerkis. Þér gæti þótt það hljóma óspennandi og of viðskiptalegt en það er það ekki – sérstaklega ef stjörnuvörumerkið er Legó. Sérfræðingar hafa sagt það vera leikfang aldarinnar og hví ættum við að þræta við þá?

Börn eru í fyrirrúmi í þessum bæ. Fyrsti áfangastaður er þemagarðurinn Legoland, þar sem helsta aðdráttaraflið eru plastkubbarnir litlu, í formi sædýrasafns, sjóræningjaskips eða draugahúss. Svo er það Lalandia, stór afþreyingarmiðstöð fyrir fjölskyldur þar sem finna má vatnagarð, leiksvæði, minigolf og margt fleira. Nýjasta viðbótin er hið fallega Lego House. Þetta gagnvirka menningarhús er snilldarlega hannað til að líkja eftir legóhúsi og er með falleg leiksvæði og sýningar þar sem fikta má í sýningargripum

Sumarferð til Billund er ekki aðeins fyrir yngsta aldurshópinn. Billund er líka kjörinn útgangspunktur fyrir ferðalög um Jótland sem hægt er að fara á degi eða dagsparti. Það er ekki vitlaust að leigja ökutæki og heimsækja nágrannabyggðir strandanna milli.

Billund er staðsett á miðju Jótlandi og er gáttin að Danmörku. Þegar þreyta á legói er komin í liðið (er það samt hægt?) er hægt að fara í ferð til Árósa, næst stærstu borgar Danmerkur. Þar eru mörg frábær söfn, flott hönnun og flottir veitingastaðir, jafnvel Michelin-stjörnuveitingastaðir. Hér má rölta um gamla bæinn og garða konungshallarinnar Marselisborg, heimsækja sögu-, lista- og menningarsöfn og Árbæjarsafn Danmerkur: Den Gamle By. Tilvalið er að ferðast um bæinn á hjóli.

Í stuttri akstursfjarlægð frá Billund er hægt að kanna hinn vel varðveitta bæ Ribe, elsta bæ Danmerkur, eða villtu vesturströndina sem er stútfull af sumardvalarstöðum og sjávarveitingastöðum ásamt krúttlegum litlum eyjum. Ótrúlegt en satt – hér eru einnig þrír staðir sem eru á heimsminjaskrá Unesco: Jelling er heimastaður fornra Víkingamenja, Christiansfeld skartar einstökum trúarlegum arkítektúr og Vadehavet-þjóðgarðurinn er einstakt svæði sem samanstendur af leirum og margskrúðugu fuglalífi, selum og tækifærum á að veiða ostrur.