Flug til Chicago

Það er alltaf gott tækifæri til að njóta frítímans við vatnsbakka Lake Michigan og Navy Pier er kennileiti sem laðar að þúsundir ferðamanna til að skemmta sér í leiktækjum og til að fara á veitingastaði. Sumrinu er fagnað með látum tvisvar í viku þegar flugeldar lýsa upp himininn.

Skýjakljúfarnir teygja sig einnig í átt til stjarnanna: Willis Tower er 108 hæðir og var hæsta bygging í heiminum í 25 ár. Ef þú þorir getur þú komið við í Skydeck á 103. hæð turnsins en hafðu í huga að gólfið er úr gleri! Á jörðu niðri er hægt að dást að listinni í almenningsrýmum borgarinnar, sérstaklega í Millennium Park. Þar virðist baunin glansandi (sem opinberlega heitir Cloud Gate) vera silkimjúkur og rennisléttur skúlptúr sem allir vilja taka mynd af. Ekki stoppa þó þar, í nágrenninu er Art Institute of Chicago sem er annað stærsta listasafn í Bandaríkjunum og er þekkt fyrir safn sitt af impressjónistaverkum.

Hver getur staðist svæði sem kallast Magnificent Mile? Svæðið er vinsælt og nær yfir næstum allt Michigan Avenue, allt að 13 húsaraðir frá Chicago River til Oak Street. Þar er að finna úrval af öllu: verslunarmiðstöðvar, tískuvöruverslanir, gallerí, kaffihús og veitingastaðir sem fylla borgina af lífi og sérstökum stíl. Hér eru nokkrar tölur til að aðstoða þig við að áætla kostnað ferðarinnar: 460 verslanir eru við Magnificent Mile, 275 veitingastaðir og 60 hótel. Það kallar á sannkallað verslunarbrjálæði!

Ef Magnificent Mile er of glysgjörn fyrir þinn smekk þá eru aðrir hæglátari markaðir og verslunarsvæði í borginni. Haltu beint í átt að Randolph Street Market sem minnir um margt á Portobello Market í London. Þar er hægt að fá antíkmuni, öðruvísi og notaðan fatnað en skemmtilegast er þó að fylgjast með mannlífinu þar.