Flug til Kulusuk með Icelandair - verð frá 129.474 kr.*

Verið velkomin til austur Grænlands!

Icelandair flýgur beint til fjögurra áfangastaða á Grænlandi. Flugtíminn til frá Keflavíkurflugvelli (KEF) til Kulusuk (KUS) er aðeins um 2 klukkutímar. Kulusuk er þorp sem staðsett er á samnefndri eyju á austur Grænlandi.

Bæði flugvöllurinn og þorpið eru í smærri kantinum, en þar búa um 240 manns og því er þjónusta þar takmörkuð, en þó er boðið upp á gistingu í þorpinu. Þessi áfangastaður er tilvalinn sem upphafspunktur í ferð um austur Grænland. Náttúra svæðisins er mögnuð og ferðalangar geta hér upplifað hana ásamt sterkri menningu innfæddra.

Hvað er fyrir utan Kulusuk?

Kulusuk er veiðiþorp með áberandi, litríkum húsum. Íbúar þorpsins leggja mikla áherslu á þjóðhætti sína og fornar hefðir.

Það tekur 15 mínútur með þyrlu að ferðast frá flugvellinum í Kulusuk til Tasiilaq, stærsta bæjar austur Grænlands. Þar búa um 2000 manns, og því er þar boðið upp á meira úrval þjónustu og upplifana.

Austur Grænland er ævintýralegur áfangastaður. Á svæðinu eru ferðastofur og leiðsögumenn sem hægt er að hafa samband við til þess að aðstoða við skipulag ferðarinnar.

Menning og list

Á austur Grænlandi eru heimamenn stoltir af sögu sinni og hefðum. Sagnahefðin er þar rík, listamenn bjóða upp á vörur í hefðbundnum stíl og kvenfólk í þjóðbúningum dansa inúíska trommudansa. Einnig er rík inúísk hefð fyrir útskurði í bein, og hægt er að heimsækja vinnustofur þar sem hún er iðkuð. Á austur Grænlandi gefst ferðalöngum sannarlega færi á að komast í návígi við forna inúíska siði.

Í Tasiilaq er Ammassalik safnið til húsa nálægt höfninni í gamalli kirkju, sem er sú fyrsta sem þar var byggð. Þar er hægt að kynna sér í smáatriðum ríkulega þjóðhætti Grænlendinga.

Upplifanir um sumar og vetur

Helstu upplifanirnar sem standa til boða frá júní til september eru bátsferðir, gönguferðir, kajakferðir og hvalaskoðun. Frá febrúar til apríl eru norðurljósin oft á himni, og boðið er upp á hundasleðaferðir, snjósleðaferðir, ísfiskveiði og snjóskógöngur.

Einnig er hægt að taka því rólega í austur Grænlandi, en ýmsar bátsferðir eru í boði sem koma ferðalöngum í návígi við jökla í Ammassalik firðinum, hafís í Sermilik ísfirðinum, auk smærri byggða og yfirgefinna herstöðva úr seinni heimsstyrjöldinni.

Icelandair flýgur til Kulusuk frá mars til og með september. Skoðið flugáætlun okkar fyrir frekari upplýsingar.