Flug til Reykjavíkur með Icelandair, verð frá

Ferðalag til Reykjavíkur

The rainbow street in Reykjavík, Skólavörðustígur, pictured here with Hallgrímskirkja church in the background and shops on either side

Höfuðborgin í hnotskurn

Við erum kannski örlítið hlutdræg, en fyrir okkur er Reykjavík ein svalasta borg í heimi.

Við sem þekkjum borgina könnumst öll við stemninguna – hún liggur á einhverjum ógreinilegum mörkum milli stórborgar og sjávarþorps. Reykjavík er ekki fjölmenn á alþjóðlegan mælikvarða en hún býr svo sannarlega yfir stórborgarbrag.

Og í Reykjavík er alltaf nóg um að vera – sérstaklega er framboðið á lifandi tónlist til prýði. Sívaxandi fjöldi ferðamanna hefur svo lagt grunninn að fjölbreyttara úrvali veitingastaða og ýmis konar annarrar afþreyingar en nokkru sinni fyrr.

Miðbærinn

Laugaveg þarf ekki að kynna en með auknum ferðamannastraumi til landsins hefur mannlífið við götuna umbreyst. Hún minnir nú að mörgu leyti á verslunargötu stórborgar og breytingar eru nokkuð örar.

Um helgar er engin ferð niður Laugaveginn fullkomnuð án viðkomu í Kolaportinu, hvort sem þú ert í leit að gamalli bók, nýjum fiski eða lakkríspakka í yfirstærð!

Engin ástæða er til að einskorða sig við Kvosina og Laugaveg. Mikil uppbygging hefur átt sér úti á Granda undanfarin ár og segja má að miðbærinn teygi sig nú langleiðina út í Örfirisey!

Two people pictured as silhouettes in the distance while the Northern Lights light up the sky overhead
A birds eye view of Reykjavík in the summer months, with Hallgrímskirkja church at the center of the picture

Þjóðminjasafnið

Sum söfn er hægt að heimsækja endurtekið og gera nýjar uppgötvanir í hverri ferð. Þjóðminjasafnið við Suðurgötu er safn af þessu tagi. Bæði er grunnsýning safnsins afar yfirgripsmikil og svo er reglulega skipt út sýningum í myndasal og Bogasal.

Hér er öll Íslandssagan undir, allt frá landnámi til dagsins í dag. Á safninu má sjá dýrgripi á borð við Þórslíkneskið víðfræga, Valþjófsstaðahurðina, hökul Jóns Arasonar og biblíu Guðbrands biskups Þorlákssonar.

Nánari upplýsingar má finna á vefsíðu Þjóðminjasafnsins.

Borgarsögusafn Reykjavíkur

Sögu lands og þjóðar til sjávar og sveita eru gerð góð skil á sýningarstöðum Borgarsögusafns: Árbæjarsafni, Ljósmyndasafni Reykjavíkur, Sjóminjasafninu í Reykjavík, Landnámssýningunni við Aðalstræti og Viðey.

Nóg er við að vera á safninu fyrir unga sem aldna og hvernig sem viðrar. Í sól og sumaryl er kjörið að heimsækja Árbæjarsafnið og öðlast innsýn í lifnaðarhætti fyrri kynslóða.

Menningarkortið veitir aðgang að öllum sýningarstöðunum sem tilheyra Borgarsögusafni, auk Listasafns Reykjavíkur og Borgarbókasafns Reykjavíkur.

Two people carrying musical instruments walk into a blue house on a very snowy street in Reykjavík

Fleiri flugleiðir