Pingdom Check

Flug til Helsinki

Af öllum höfuðborgum norrænu þjóðanna fer líklega minnst fyrir Helsinki. Ekki láta þessa hljóðlátu borg fram hjá þér fara, hún á eftir að ná til margra vegna skemmtilegra skringilegheita, gufubaða og áhugaverðra staða. Þar er líka framúrskarandi hönnun í bland við fallega náttúru rétt handan borgarmarkanna.

Icelandair býður ódýr flug daglega til Helsinki, allan ársins hring. Í Finnlandi er ljúft að draga andann djúpt og njóta þess sem koma skal – allt frá löngum sumardögum í ferðalagi um Þúsundvatnalandið eða í vetrarheimsókn í þorp finnska jólasveinsins.

Helsinki

Finland
Fólksfjöldi: 1,21 milljón (2016)Svæði: 184,5 km²Samgöngur: Um allt Helsinki og nærsvæði er viðamikið net almenningssamgangna. Hægt er að nota HSL til ferðast með strætisvögnum, Metro, lestum og ferjunni til Suomenlinna.Gjaldmiðill: EvraSpennandi hverfi: Designkortteli - Kauppatori - Kampii - Töölö - Kallio

Eyjahopp og gufuböð

Helsinki er einstakur suðupottur byggingarstíla en þar finnast leifar af sænskum og rússneskum arkítektúr í bland við dass af Art Nouveau. Nálægt torginu Senaatintori fer fram táknrænt einvígi á milli lúthersku dómkirkjunnar og réttrúnaðarkirkjunnar. Temppeliaukio Kirkko (steinkirkjan) myndar skemmtilega andstæðu við kirkjurnar tvær, en hún er byggð inn í granítstein og hefur því skemmtilega jarðneska ásýnd.

Við hafnarsvæðið er Kauppatori (markaðstorgið) og þar er hægt að kaupa minjagripi, markaðsafurðir og fara í bátsferðir. Til að upplifa Helsinki í hnotskurn skaltu grípa með þér lautarferðarkörfu og taka 15 mínútna ferju til Suomenlinna. Þar er hafnarvirki sem nær yfir 6 litlar eyjar. Ekkert er betra en að enda finnska daginn með eimbaði. Nútímaleg sauna er í hinni fallega staðsettu Allas Sea Pool en það er líka gaman að fara í gamaldags eimbað í Kotiharju Sauna. Það er kynt upp með eldivið og var byggt árið 1928.

Njóttu breytileika árstíðanna

Nýnorræna matargerðin hefur líka náð fótfestu í Finnlandi og Helsinki er heimastaður margra sælkeraveitingastaða. Þar fá afurðir af landi, hvort sem það er kjöt eða jarðsprottið, gjarnan að njóta sín. Renndu yfir matseðlana sem samanstanda af nýjum fiski og villibráð á borð við hreindýr, elg og stundum bjarnarkjöti! Villtir sveppir eru týndir þegar hægt er og ber eru eftirsótt þegar tíðin er rétt. Það er vinsælt að tína múltuber, en það eru fallega gulbrún og eftirsótt ljúfmeti.

Ef þú vilt borða eins og og heimamenn, skaltu halda til Kauppahalli (markaðshúsið). Vanha Kauppahalli hefur selt matvörur síðan 1888 og finnskt góðgæti, eins og reyktur fiskur, kanilsnúðar, rúgbrauð og árstíðabundin uppskera er hér til sölu í glæsilegri umgerð. Ef þú vilt drekka eins og heimamenn drekka skaltu fá þér kaffi og svo aðeins meira kaffi. Vissir þú að Finnar drekka meira kaffi en nokkur önnur þjóð?

Hönnunarvörur

Markaðshúsin bjóða það besta fyrir æta sælkeraminjagripi (múltuberjasulta eða saltur lakkrís). Ekki láta þó þar við sitja, því finnsk hönnun á sér gott orðspor – innblásturinn fyrir lögun og mynstri hönnunarinnar á sér djúpar rætur í náttúru landsins. Ef þú vilt komast að hvar sköpunargáfa borgarinnar býr ættir þú að heimsækja hverfið Punavuori en það er hjarta hönnunarhverfis Helsinki. Svæðið er fullt af sérviskulegum búðum, vintage-verslunum, galleríum og vinnustofum ungra hönnuða.

Stærri hönnuðir Finnlands: Marimekko er þekkt fyrir björt og skemmtileg efni sem notuð eru í fatnað og til að klæða húsgögn. Iittala gerir fallega muni úr gleri og postulíni fyrir heimilið. Áhugafólk um hönnun þekkja líklegast finnsku meistarana Alvar Aalto og Eero Saarinen en þeirra nöfn eru stór heimi hönnunar og byggingarlistar.