NuukLitríkasta borg norðurskautsins

Flug til Nuuk

Flogið er frá Keflavíkurflugvelli (KEF) til Nuuk (GOH) allt árið um kring. Flugtíminn er 3 klst. og 45 mín. Nuuk er miðstöð viðskipta og menningar og elsti bær á Grænlandi, en trúboðinn Hans Egede stofnaði borgina árið 1728. Nuuk merkir höfðinn og liggur yst á stórum skaga í mynni risavaxins fjarðaklasa.

Frekari upplýsingar um flug til Grænlands.

Icelandair flýgur frá Keflavíkurflugvelli (KEF) til Nuuk. Þetta á bæði við um komur og brottfarir. Flug verður ekki lengur í boði frá Reykjavíkurflugvelli (RKV).

Nuuk

Grænland

Fólksfjöldi: 17,635 (2017)Svæði: 690 km²Gjaldmiðill: Dönsk króna

Höfuðborg norðurheimskautsins

Nuuk mætti kalla höfuðborg norðurheimskautsins. Í bænum eru hugguleg kaffihús og veitingastaðir, bíó, verslunarmistöð og hótel. Öll þessi hefðbundnu mótíf borgarlífsins geta hæglega leitt hugann frá þeirri staðreynd að þessi bær er staðsettur ekki ýkja fjarri norðurheimskautsbaugnum.

Náttúrufegurðin er engu lík. Til að fá sem besta yfirsýn er ferðalöngum ráðlagt að fara upp í útsýnisturninn í Kolonihavn.

Söfn og menning

Við mælum eindregið með heimsókn á Þjóðminjasafn Grænlands. Safnið er staðsett í elsta hluta bæjarins og veitir gestum innsýn í fornleifar svæðisins, sögu fólksins, og listir og handverk á Grænlandi síðustu 4.500 árin.

Ekki gleyma að líta við í menningarmiðstöðinni Katuaq, sem hýsir listasýningar, tónleika, ráðstefnur og kvikmyndasýningar, né heldur Listasafni Nuuk, sem meðal annars býður upp á skoðunarferð um listaverk í almannarýminu.

Út í náttúruna

Frá því snemma sumars og fram á haustið, geta ferðalangar komist í návígi við hnúfubaka og hrefnur í þar til gerðum hvalaskoðunarferðum, en þessar tegundir hvala hafast gjarnan við inni á hafsvæðinu rétt utan við bæinn.

Auk þess er boðið upp á þyrluferðir út á hafísbreiðuna og til hinna sögulegu búsvæða norrænna manna. Einnig standa til boða bátsferðir til ýmissa smábyggða.

Aðrir áfangastaðir

Slide 1 of 53

Bókaðu ferðalagið í dag

Við hlökkum til að sjá þig um borð!