PragHið gullna hjarta Evrópu

Fljúgðu beint til Prag með Icelandair

Langar þig að hverfa á vit ævintýra í Mið-Evrópu og vafra um hellulögð stræti og töfrandi miðaldabyggingar? Hér er líkt og tíminn hafi staðið í stað, fornir kastalar og torg hafa óteljandi sögur að segja, og mögulega heyrir þú eina slíka á einni af þeim fjölmörgu krám eða kaffihúsum sem Prag býður upp á.

Bókaðu beint flug til Prag með Icelandair, þessarar ótrúlegu borgar sem engan svíkur. Prag er tilvalinn áfangastaður fyrir borgarferð, enda með fegurri og skemmtilegri borgum Evrópu.

Icelandair flýgur til Prag frá 1. júní til 29. október 2023.

Prag

Tékkland

Fólksfjöldi: 1.3 milljónSvæði: 496 km2Samgöngur: Almenningssamgöngur í Prag eru bæði þægilegar og ódýrar. Þú getur notað einn og sama miðann fyrir neðanjarðarlest, sporvagn, rútu og bát. Miðaverð er breytilegt eftir tímalengd (þú getur keypt miða fyrir 30 mínútur, 90 mínútur, sólarhring, 3 daga o.s.frv.) Neðanjarðarlestin er algengasti ferðamátinn, og þrjár lestarlínur þvera borgina sem gerir hana auðvelda yfirferðar.Gjaldmiðill: Tékknesk krónaSpennandi hverfi: Staré Město (gamli bærinn) - Nové Město (nýi bærinn) - Malá Strana (brúarhverfið) - Hradčany (kastalahæðin) - Vinohrady

Borgarlandslag Prag

Prag er þekkt sem „borg hinna 100 turna“ og er heitið skiljanlegt þegar litið er yfir borgarlandslagið. Þetta er borg sem teygir sig upp til himna og hægt er að dást að henni frá nokkrum útsýnispunktum, þar á meðal frá ráðhúsi borgarinnar, Letná-garði, Petrin-turni og turninum við Karlsbrúna í gamla bænum.

Karlsbrúin er einnig eitt helsta tákn borgarinnar og eitt mest heimsótta kennileiti Prag. Steinbyggðu bogarnir voru byggðir á 15. öld og gönguferð yfir brúna leiðir þig í gegnum samansafn af barrokkstyttum og fallegum ljósastaurum. Á næturnar og í dögun er best að upplifa töfrana sem liggja í loftinu við brúna.

Meðal fleiri kennileita eru 600 ára gamla bæjartorgið, stjarnfræðiklukkan frá árinu 1410, Týnský-kirkjan og gotneska dómkirkjan St. Vitus, sem hefur staðið á Kastalahæð Prag frá 10. öld.

Gott að borða í Prag

Hefðbundin kaffihús og krár eru ómissandi hluti af heimsókn til Prag. Þar ríkir mikil kaffimenning og flott kaffihús á hverju strái, sem voru eitt sinn athvarf lista- og fræðafólks. Staldraðu við á Café Imperial, Café Louvre eða Café Savoy og upplifðu anda liðinna ára.

Tékknesk matargerð snýst mikið um kjöt, og ef þig langar að smakka hefðbundna tékkneska rétti (fullkomnir með tékkneskum bjór), skaltu leita að réttum á borð við svíčková, hægeldað naut með soðnum brauð-dumplings og rjómalagaðri sósu; vepřo knedlo zelo, glóðað svínakjöt með súrkáli og brauð-dumplings og steiktur ostur eða smažený sýr. Réttir frá nágrannalöndum eru einnig vinsælir, eins og gúllas frá Ungverjalandi og þýskt/austurrískt schnitzel.

Í sólinni og í ljósaskiptunum heldur heimafólk að árbakka Náplavka fyrir drykk. Þar liggja prammar sem selja alls konar snarl, pylsur, bjóra og kokteila. Bændamarkaður er á svæðinu á hverjum laugardegi sem gaman er að skima og fylgjast með mannlífinu.

Verslun í Prag

Það er nóg um verslanir og flóamarkaði í Prag sem gera borgina áhugaverðan áfangastað fyrir verslunarleiðangur. Vinsælir minjagripir eru bóhemskur kristall, munir úr granatsteini og handunnin viðarleikföng og brúður – að ógleymdum tékkneska bjórnum, eins og Budvar og Pilsner Urquell, og absinthe, en passaðu þig á „græna álfinum“ sem fylgir þessum margslungna drykk!

Fyrir hátískuvörur er allt sem hugurinn girnist á Pařížská-stræti sem liggur norður af torginu í gamla bænum. Við Na Příkopě-breiðgötuna eru fjölmargar verslanir, en hún er staðsett við Václavské naméstí-torg (Wenceslas-torg). Ef markaðstorg er meira það sem þú leitar að er flóamarkaðurinn Elektry-stræti góður áningarstaður og einn sá stærsti í Evrópu. Hann er opinn um helgar og er staðsettur fyrir utan miðbæinn, en það eru auðvelt að nálgast markaðinn með sporvagni eða neðanjarðarlest.

Aðrir áfangastaðir

Slide 1 of 53

Bókaðu ferðalagið í dag

Við hlökkum til að sjá þig um borð!