IlulissatBær ísjaka

Flug til Ilulissat

Flug frá Keflavíkurflugvelli (KEF) til Ilulissat (JAV) tekur 3 klst. og 20 mín. – flug yfir í veröld á Vestur-Grænlandi sem er afar frábrugðin borgarlífinu á Fróni.

Ilulissat (Jakobshavn) í Vestur-Grænlandi er orðinn einn helsti áfangastaður ferðamanna þar í landi. Landslagið er tilkomumikið og hljóðin magnþrungin þegar jökullinn brotnar og ísjakar steypast í hafið.

Þessi fallegi bær liggur 350 km norður af heimskautsbaug, í námunda við stærstu íshettu norðursins. Útsýnið yfir Diskó-flóann lætur engan ósnortinn.

Frekari upplýsingar um flug Icelandair til Grænlands.

Icelandair flýgur frá Keflavíkurflugvelli (KEF) til Ilulissat. Þetta á bæði við um komur og brottfarir. Flug verður ekki lengur í boði frá Reykjavíkurflugvelli (RKV).

Ilulissat

Grænland

Fólksfjöldi: 4,670 (2020)Svæði: 11.25 km²Samgöngur: Ferjan Umiaq tengir Ilulissat við Sisimiut, Nuuk og aðra bæi og byggðir á vestur- og suðvesturströnd Grænlands.Gjaldmiðill: Dönsk króna

Ís svo langt sem augað eygir

Hinn 56 km langa Ilulissat ísfjörð prýða feiknarstórir borgarísjakar. Þeir eru runnir undan rifjum afkastamesta skriðjökuls á norðurhveli jarðar: Sermeq Kujalleq. Skriðjökullinn er staðsettur í miðjum Diskó-flóanum og hefur verið tekinn inn á heimsminjaskrá UNESCO.

Stuttar ferðir frá Ilulissat

Nokkrar ferðaskrifstofur bjóða upp á skipulagðar ferðir frá Ilulissat til ýmissa forvitinlegra svæða: til byggðanna í Oqaatsut/Rodebay, að jöklinum Eqi, og til einnar elstu byggðar á Grænlandi, Ilimanaq, suður af Ilulissat ísfirðinum.

Ilulissat er stundum kallaður Sleðahundabærinn, vegna þess hve fjöldi hunda í bænum fer nærri fjölda mannfólksins. Íbúarnir eru 4.500 en sleðahundarnir 3.500. Ferðir með sleðahundum hafa löngum notið vinsælda meðal ferðamanna sem eiga leið um svæðið.

Einstök vetrarupplifun

Ef þú vilt lifa þig inn í heimskautaumhverfið af fullri alvöru, er kannski ekki úr vegi að dvelja eins og eina nótt í snjóhúsi. Gististaðurinn Igloo Lodge býður upp á gistingu í fyrsta flokks íshíbýlum. Gestir fá þar að auki máltíð að hætti heimamanna áður en haldið er inn í draumalandið.

Aðrir áfangastaðir

Slide 1 of 53

Bókaðu ferðalagið í dag

Við hlökkum til að sjá þig um borð!