Pingdom Check
HamborgHeimili sögulegra markaða

Flug til Hamborgar

Það velkist enginn í vafa um mikilvægi Hamborgar og legu hennar við hafið. Borgin byggir ríkidæmi sitt á höfninni og er næst stærsta stórborgarsvæði Þýskalands. Vatnið hefur áhrif á allt, frá risastórum vörugeymslum við hafnarbakkann til sjávarfangsins á matseðlum veitingahúsa. Forvitnileg staðreynd: Í Hamborg eru fleiri brýr en nokkurri annarri borg.

Icelandair býður ódýr flug til Hamborgar þar sem hægt er að fara á slóðir Bítlanna, smakka á ljúffengum fiskisamlokum og taka ljósmyndir af brúnum.pu.

Hamborg

Þýskaland
Fólksfjöldi: 1,7 milljónir (2016)Svæði: 755,2 km²Samgöngur: Flugvöllur Hamburg-Fuhlsbüttel flugvöllur er um 8 km norður af miðborginni. Akstur með leigubíl tekur 20-30 mín. Með flugvallarrútu, sem ekur til borgarinnar á 20 mínútna fresti, tekur ferðin um 20-25 mín.Gjaldmiðill: EvraSpennandi hverfi: Neustadt - Speicherstadt - St Pauli - HafenCity - Sternschanze - St Georg

Stórskemmtileg byggingarlist

Rathaus, rauða hverfið við Reeperbahn, fiskmarkaðurinn, flóamarkaðurinn, skoðunarferðir um höfnina og HafenCity – það er af nægu að taka í Hamborg. Gott er að byrja ferðina við hið glæsilega Rathaus. Það var byggt í kringum 1890 þegar viðskiptalíf borgarinnar blómstraði við höfnina. Í dag er ráðhúsið skemmtilegt andsvar við hrífandi og yfirmáta nútímalegu kennileiti borgarinnar, tónleikahöllinni Elbphilarmonie, en toppur byggingarinnar líkir eftir öldugangi.

Í vöruhúsahverfinu Speicherstadt eru fleiri áhugaverðar byggingar. Þessar risastóru, múrsteinsrauðu samstæður hafa hlotið náð fyrir augum Unesco og gaman er að fara í bátsferð til að dást af þeim við vatnið. Í Hamborg ræður lögmálið „því stærra því betra“ ekki ríkjum, því Miniatur Wunderland er ótrúlega vinsæll ferðamannastaður. Þar má sjá eftirgerð af járnbrautakerfi og er þetta töfrandi heimur þar sem hvert smáatriði fær að njóta sín.

Morgunstund gefur gull í mund

Það er erfitt að komast hjá arfleifð Hamborgar sem borg sæfara, en upplifunin nær hámarki á hinum hávaðasama Fischmarkt á St. Pauli sem hefur verið starfandi frá 1703. Þú þarft að fara snemma af stað (markaðurinn opnar klukkan 5 að morgni). Fáðu þér steikta fiskisamloku ef þú vilt smakka á hinum eina sanna rétti Hamborgar. Hún er seld úti um allt – þó sérstaklega við höfnina.

Nálægt Speicherstadt liggur hið hellulagða stræti, Deichstrasse, en þar er gott að leita uppi kvöldverð. Ef þú vilt fara á nýrri og flottari staði skaltu færa þig yfir í Sternschanze-hverfið (kallast einnig Schanzenviertel). Í sumarsólinni er erfitt að standast góða lautarferð við blómabreiðuna í Planten un Blomen-garðinum. Ef þig vantar veitingar fyrir lautarferðina finnur þú þær á Isemarkt í Eppendorf. Hann fer fram tvisvar í viku og það er líka ótrúlega gaman að rölta um markaðinn, sem er einn stærsti bændamarkaður Evrópu – 200 básar sem ná næstum einum kílómetra að lengd!

Flóamarkaðir og fínar verslanir

Einn besti staðurinn til að versla er Flohschanze, flóamarkaður sem haldinn er á laugardögum við Neuer Kamp-strætið í Karolineviertel, suður af Sternschanze. Gefðu þér tíma til að ganga um svæði og þú átt eftir að uppgötva skemmtilegar verslanir og öðruvísi kaffihús.

Ef þú vilt skoða eitthvað allt annað (og jafnvel eitthvað sem hefur örlítil áhrif á þyngd pyngjunnar) er hægt að þræða tískuvöruverslanirnar við Jungfernstieg-göngusvæðið. Það er tengt aðalverslunargötu borgarinnar, Mönkebergstrasse, með risastóru verslunarmiðstöðinni Europa Passage. Það er ómissandi að fara til Neuer Wall til að sjá velgengni Hamborgar með eigin augum, en verslunargatan samanstendur næstum eingöngu af lúxusvörumerkjum. Ef þú vilt skoða fallega hönnun og handverk frá Hamborgarbúum eru verslanirnar við Lange Reihe nálægt aðallestarstöðinni með eitthvað fyrir þig.