Þú flýgur betur með Icelandair til Krítar | Icelandair
Pingdom Check

Flug til Krítar með Icelandair

Krít er syðsta eyja Grikklands og tekur vel á móti ferðalöngum með fallegri náttúru, sólríkum ströndum og ljúffengum mat. Þessi fjallaeyja hefur einstakan karakter sem skilur engan eftir ósnortinn.

Icelandair býður upp á flug frá Keflavík til vinsælu borgarinnar Chania á norðvesturhluta Krítar. Krít er þekkt fyrir notalega veðráttu, ævafornu sögu sem og merkilegar fornminjar. Bókaðu fríið þitt á Krít og njóttu alls þess sem þessi paradísaeyja hefur upp á að bjóða.

Icelandair flýgur á föstudögum til Krítar, frá 26. maí til 29. september 2023.

Krít

Fólksfjöldi: Chania: 88.526 - Krít: 617.360Svæði: 351,3 km²Samgöngur: Frá Chania flugvelli gengur KTEL flugrútan til Chania. Bílaleigubílar og leigubílar eru einnig við flugvöllinn. Það er auðvelt að kanna Chania á fæti, þröngu strætin og litrík hverfin. Rútur fara reglulega milli Chania og sögulegu bæjanna Rethymno og Heraklíon.Gjaldmiðill: EvraSpennandi hverfi: Gamli bærinn – Splantzia – Kastelli – Nea Hora – Koum Kapi – Halepa

Síbreytilegur menningarheimur

Í gegnum aldirnar hafa margar þjóðir kallað Krít heimili sitt og sú þekktasta er vafalaust mínóíska siðmenningin, frá 3500 fyrir Krist. Margar minjar standa enn uppi frá þessum tíma, frægust er Knossos-höllin sem er staðsett nálægt Heraklíon, stærstu borg Krítar.

Á tímum mínóísku siðmenningarinnar blómstraði Chania, þá kölluð Kydonia, þökk sé náttúrulegu höfninni við borgina. Árþúsundum síðar laðaði höfnin einnig að feneyska kaupmenn, sem settu þann evrópska svip á Chania sem hún er enn þekkt fyrir.

Chania dagsins í dag býður upp á töfraheim fyrir ferðalanga sem vilja ráfa um þröng strætin, fá sér grískt kaffi við sjávarsíðuna og kanna kristaltæran sjóinn sem og heillandi strendurnar. Það jafnast ekkert á við að draga djúpt að sér krítverska andann.

Nærandi upplifun

Það kemur ekki á óvart að heimspekin eigi rætur sínar að rekja til Grikklands. Þessi matarkista gerir landið að paradís fyrir gott líf og djúpþenkjandi hugsanir. Hér færðu ólífur, fíkjur, hunang, ferskjur, tómata, vatnsmelónur, eggaldin, gúrkur, kaktusávexti, óreganó og mintu – þetta er veisla fyrir líkama og sál.

Krít er þekkt fyrir sína einstöku matargerð sem er seðjandi og óhefluð. Leitaðu að taverna og smakkaðu dakos: tvíbaka úr byggi sem er toppuð með ferskum tómötum, feta og ólífum, og nóg af úrvals ólífuolíu. Saganaki er ostur frá Krít sem svipar til halloumi, bestur grillaður þar til hann er gullinn og borðaður með mjúkri, pítu og glasi af ouzo. Gómsætt grískt salat er tilvalið ef þig langar í eitthvað aðeins léttara í magann.

Ef hungrið kallar frekar á eitthvað sætt gæti galaktoboureko uppfyllt óskina. Þetta er sætur búðingur bakaður milli laga af blaðdeigi, sem er svo drekkt í sítrus og kanilsírópi um leið og það kemur úr ofninum.

Hvað er hægt að gera á Krít?

Þjóðvegirnir á eyjunni fögru kalla á góðan rúnt um sveitir Krítar. Við suðurstrandlengjuna eru skemmtileg lítil þorp og óteljandi víkur og vogar þar sem hægt er að stinga sér til sunds. Gullna ströndin á Chrissi-eyju er talin vera ein besta strönd Evrópu og ef þú vilt sækja hana heim fara bátar frá borginni Ierapetra, sem þekkt er fyrir ávaxta- og grænmetisræktun.

Svæðið í kringum Chania býður líka upp á marga spennandi kosti. Stundaðu köfun og kannaðu Chania undir sjávarmáli. Bátar fara frá höfn Chania ef sigling er það sem heillar. Það er einnig gaman að ganga að feneyska vitanum sem byggður var á 16. öld. Balos-ströndin vinsæla er í 90 mínútna akstursfjarlægð vestur af Chania og fyrir göngufólk er 16 km Samaria-gljúfrið á Suður-Krít alveg einstakt.

Fjölda þemagarða er að finna nálægt Heraklíon sem er í 2 tíma fjarlægð frá Chania með bíl eða rútu. Limnoupolis-vatnsgarðurinn er staðsettur nálægt Chania og er vinsæll meðal barna á öllum aldri.

Aðrir áfangastaðir

Bókaðu ferðalagið í dag

Við hlökkum til að sjá þig um borð!