NiceLjúfa lífið við Frönsku Rivíeruna

Fljúgðu til Nice með Icelandair

Nice liggur í hjarta Frönsku Rivíerunnar. Hér er létt andrúmsloft og góð vín og veitingastaðir sem framreiða ljúffengt sjávarfang á hverju strái.

Njóttu lífsins í Suður-Frakklandi, fáðu þér göngutúr meðfram ströndinni, heimsæktu hreinræktaða franska sveitamarkaði.

Icelandair býður upp á flug til Nice frá Keflavíkurflugvelli í sumar. Er ekki tilvalið að breyta til, dýfa tánni í fagurblátt vatnið við Miðjarðarhafið og kynnast hinum töfrandi menningarheimi Frönsku Rivíerunannar?

Ferðatímabil 2023: 8. júní - 4. september, flogið tvisvar í viku á fimmtudögum og mánudögum.

Nice

Frakkland

Fólksfjöldi: 343.000 (2015)Svæði: 71,92 km²Samgöngur: Kannaðu borgina fótgangandi eða fylgdu fordæmi heimafólks og nýttu þér sporvagna og strætó. Einnig getur þú kallað á leigubíl sem fer með þig beint á áfangastað.Gjaldmiðill: EvraSpennandi hverfi: Gamli bærinn - Jean-Médecin - Le Port

Afþreying í Nice, Frakklandi

Það er margt að sjá og gera í Nice. Notalegt er að ganga meðfram strönd borgarinnar, kanna gamla bæinn eða ganga upp kastalahæðina til að sjá rústir gamla kastalans.

Listunnendur ættu að líta við á Musée Matisse eða Villa Masséna Musée og skoða safn franskra listaverka frá 19. og 20. öld. Rómversk-kaþólska basilíkan Notre-Dame de Nice, sem er fagurlega staðsett innan um kýprusvið og pálmatré, gefur svo innsýn í ríka trúarhefð borgarinnar.

Ævintýragjarni ferðalangurinn gæti viljað halda út fyrir borgarmörkin og sjá lofnarblómaakrana í Valensole, eða bregða sér í siglingu út frá höfninni.

Hér eru ófá tækifærin til að upplifa þessa gleði andans eða joie de vivre sem Frakkar eru þekktir fyrir.

Matarupplifun við frönsku rivíeruna í Nice

Matagerð í Nice er einstök en sækir þó innblástur til nágranna við Miðjarðarhafið og ítölsku Alpanna. Matseldin samanstendur að miklu leyti af afurðum sem finnast í nágrenni borgarinnar, á borð við ólífur, möndlur, tómata og sardínur.

Sælkerar ættu ekki að láta salade nicoise fram hjá sér fara, og svo er tilvalið að ljúka máltíðinni með socca (flatbrauði sem er svipað og pönnukaka. búið til úr kjúklingabaunahveiti og ólífuolíu) í eftirrétt. Grænmetisrétturinn ratatouille á sér ófáa unnendur, þetta er staðgóður sveitamatur eins og hann gerist bestur.

Á hverju götuhorni í Nice eru veitingastaðir, barir og kaffihús sem bíða heimsóknar ferðalanga. Þú finnur fjölbreytt úrval matsölustaða nálægt hinu sögufræga torgi Place Masséna og einnig er kjörið að fara í vínsmökkun og dreypa á framleiðslu héraðsins.

Sjávarfang er með því allra besta sem býðst í Suður-Frakklandi og því ættu matargöt ekki láta Nice fram hjá sér fara.

Verslanir í Nice

Nice er sannkölluð paradís fyrir verslunarleiðangra en í borginni eru um 6000 búðir!

Svæðið Carré d'Or (eða gullna torgið) er þekkt fyrir lúxusverslanir þar sem nóg er af frægum vörumerkjum og hátískufatnaði. Við verslunargöturnar standa laufskrúðug tré og notaleg lítil kaffihús bjóða upp á tilvalið athvarf milli verslunartarna.

Ef þú vilt frekar kíkja í tískuvöruverslanir og hönnunarbúðir skaltu halda í gamla bæ Nice, Vieux Nice, fyrir fágætari muni.

Markaðir Nice eru eitt af því sem gera borgina ómótstæðilega – hér finnur þú blómasala, matarvagna, flóamarkaði, antíkmarkaði, matarmarkaði sem bjóða suður-franskt lostæti og ótal margt fleira.

Aðrir áfangastaðir

Slide 1 of 56

Bókaðu ferðalagið í dag

Við hlökkum til að sjá þig um borð!