Air Iceland Connect býður beint innanlandsflug milli Reykjavíkurflugvallar og Akureyrar. Flugið tekur 45 mínútur og er flogið daglega nokkrum sinnum á dag.
Farþegar Icelandair sem koma frá Evrópu eða Norður Ameríku lenda á Keflavíkurflugvöll (KEF) og skulu taka flug til Akureyrar frá Reykjavíkurflugvelli (RVK). Upplýsingar um rútuferðir til Reykjavíkurflugvallar má finna hér.
Nánari upplýsingar um áfangastaði Air Iceland Connect má finna hér.
Akureyri er næststærsta byggðarlag á Íslandi á eftir höfuðborgarsvæðinu, og er heildarfólksfjöldi um 17.500 manns. Bærinn er fallega staðsettur við einn lengsta fjörð landsins, Eyjafjörð. Veðurfar er nokkuð milt, þó vetur geta verið snjóþungir, og sumarhitinn nær oft upp í um 25°C.
Akureyri býður upp á fullkomna blöndu af menningu, náttúru og ævintýrum. Þú getur varið tíma þínum röltandi á milli skemmtilegra verslana og kaffihúsa og síðan skellt þér í veiðiferð, fjallgöngu eða jafnvel á skíði – allt sama á sama degi. Þegar fer að kvölda er svo tilvalið að skella sér í sund eða golf í miðnætursólinni. Veitingastaðir í bænum eru margir og fjölbreyttir og sérhæfa sig í sjávarréttum, íslensku lambakjöti og fleiru.
Akureyri ert tilvalin áningarstaður og miðstöð fyrir þá sem hafa hug á að ferðast um og skoða einhver af frægustu náttúruundrum Íslands. Mývatn er ekki langt undan, en náttúrurufegurð Mývatnssveitar og Þingeyjarsýslu allrar er löngu rómuð. Í nágrenninu er líka Jökulsárgljúfur og Húsavík – þaðan sem hægt er að skella sér í hvalaskoðun á Skjálfanda. Frá Akureyri má einnig ná flugi til Grímseyjar og færa sig yfir norðurheimskautsbauginn.
