Beint flug til Billund
Bókaðu ferð með fjölskyldunni til Billund og þú áttu möguleika á að vinna miða fyrir alla fjölskylduna í Lególand. Þú þarft að bóka miðann fyrir lok júní og fara í ferðalagið í júlí eða ágúst. Vinningshafar verða valdir af handahófi þann 4. júlí.
Nafn þessa litla bæjar á Jótlandi sker sig kannski ekkert svakalega frá öllum hinum dönsku litlu bæjunum en Billund spilar líklega stórt hlutverk í ástælustu minningunum frá barnæsku margra. Af hverju? Billund er nefnilega staðurinn þar sem Legóið varð til, árið 1932.
Icelandair býður ódýr flug reglulega til Billund þar sem fjölskyldan öll getur notið sín og leikið sér með allt það Legó sem hugurinn girnist. Í Billund ráða börnin ferðinni! Kíktu í heimsókn og gerðu börnin þín (og barnið innra með þér! ) yfir sig hamingjusöm.
Billund
DanmörkFólksfjöldi: 6.194 (2014)Svæði: 536,5 km²Samgöngur: Flugvöllurinn í Billund, Billund Lufthavn/Billund Airport (BLL), er rétt utan við bæinn og steinsnar frá Legoland. Frá flugvellinum ganga fastar áætlunarferðir með rútum til fjölmargra staða í Danmörku, nær og fjær, og flugvallarrúta er með reglulegar ferðir í bæinn.Gjaldmiðill: Dönsk krónaSpennandi hverfi: LegolandBærinn sem Lego byggði
Billund er iðnaðarbær sem byggðist upp vegna vinsælda eins vörumerkis. Þér gæti þótt það hljóma óspennandi og of viðskiptalegt en það er það ekki – sérstaklega ef stjörnuvörumerkið er Legó. Sérfræðingar hafa sagt það vera leikfang aldarinnar og hví ættum við að þræta við þá?
Börn eru í fyrirrúmi í þessum bæ. Fyrsti áfangastaður er þemagarðurinn Legoland, þar sem helsta aðdráttaraflið eru plastkubbarnir litlu, í formi sædýrasafns, sjóræningjaskips eða draugahúss. Svo er það Lalandia, stór afþreyingarmiðstöð fyrir fjölskyldur þar sem finna má vatnagarð, leiksvæði, minigolf og margt fleira. Nýjasta viðbótin er hið fallega Lego House. Þetta gagnvirka menningarhús er snilldarlega hannað til að líkja eftir legóhúsi og er með falleg leiksvæði og sýningar þar sem fikta má í sýningargripum.
Hlaðborð, bakarí og barnvænir bitar
Veitingastaðirnir í Billund eru önnum kafnir við að þjóna fjölskyldum í fríi og því er boðið upp á mörg barnvæn hlaðborð og skyndibita (pizzur, franskar, ís, þú veist hvað við meinum). Dönsku réttirnir standa þó alltaf fyrir sínu: gómsætu, dönsku sætabrauðin (namm), seðjandi smørrebrød, danske pølser og hellingur af fiski.
Ef þig langar í tilbreytingu við hlaðborð, frikadeller og franskar þá bjóða nærliggjandi borgir upp á meira úrval af veitingastöðum, þar með taldar Fredericia, Vejle og Esbjerg. Fyrir utan Kaupmannahöfn eru Árósar besti staðurinn til að smakka á ljúffengum dönskum réttum (bæði klassískum og nýnorrænum) en borgin er í um 96 km fjarlægð frá Billund.
Brunað úr bænum
Billund er staðsett á miðju Jótlandi og er gáttin að Danmörku sem er áföst meginlandi Evrópu. Þegar þreyta á legói er komin í liðið (er það samt hægt?) er hægt að fara í ferð til Árósa, næst stærstu borgar Danmerkur. Þar eru mörg frábær söfn, flott hönnun og flottir veitingastaðir, jafnvel Michelin-stjörnuveitingastaðir.
Í stuttri akstursfjarlægð frá Billund er hægt að kanna hinn fallega varðveitta bæ Ribe, elsta bæ Danmerkur, eða villtu vesturströndina sem er stútfull af sumardvalarstöðum og sjávarveitingastöðum ásamt krúttlegum litlum eyjum. Ótrúlegt en satt – hér eru einnig þrír staðir sem eru á heimsminjaskrá Unesco: Jelling er heimastaður fornra Víkingamenja, Christiansfeld skartar einstökum trúarlegum arkítektúr og Vadehavet-þjóðgarðurinn er einstakt svæði sem samanstendur af leirum og margskrúðugu fuglalífi, selum og tækifærum á að veiða ostrur.