Flug til Minneapolis

Tvíburaborgir Minnesota sameina hið gamla og nýja á einstaka vegu. Á öðrum árbakka Mississippi stendur Minneapolis, nútímaleg og lífleg borg. Á hinum árbakkanum er St. Paul sem er minni og hljóðlátari og er með sterkari taugar til fortíðarinnar. Það eru nokkur athyglisverð söfn þar sem eru efni í skoðunarferð – Weisman Art Museum er í ótrúlega magnaðri byggingu sem hönnuð er af Frank Gehry. Í Minneapolis Sculpture Garden er einnig gjörið tækifæri til að draga upp myndavélina fyrir minningar úr ferðinni.

Háskólalóð Minnesota University er ein sú stærsta í Bandaríkjunum og þar búa um 50.000 nemendur. Það blæs lífi í borgina en næturlífið og lífleg tónlistarsenan er ómissandi. Þetta er nú einu sinni heimabær Prince. Paisley Park, heimili og upptökustúdíó Prince er staðsett í jaðri borgarinnar og er opið fyrir heimsóknum.

Mall of America er líklega æðsta stig verslunarbrjálæðis. Þetta er stærsta samansafn verslana undir einu þaki í Bandaríkjunum. Hún er staðsett í úthverfinu Bloomington í um 16 km fjarlægð frá miðbæ Minneapolis. Þetta er þó meira en bara verslunarmiðstöð: Þar er skemmtigarður (meðal annars rússíbanar), Lego Imagination Center, stórt sædýrasafn og lítil brúðkaupskapella. Að auki eru þar kvikmyndahús, 50 veitingastaðir og minigolf. Fyrir þá sem eru í kauphugleiðingum þá mun þetta gleðja: Það eru 520 verslanir í Mall of America.

Ef það er of mikið fyrir þinn smekk þá er gaman að rölta um hverfin í miðbæ Minneapolis og skoða verslanir, bari og gallerí. Listahverfið í norðaustri og efra hverfið í miðbænum ættu svo sannarlega að svala þörfinni. Í St. Paul hinum megin við ána er Grand Avenue og það er einnig gaman að ganga þar um.