Ódýr flug og miðar til Narsarsuaq (UAK) | Icelandair
Pingdom Check

Flug til Narsarsuaq

Flugið frá Reykjavíkurflugvelli (RKV) til Narsarsuaq (UAK) á Suður-Grænlandi tekur 2 klst. og 45 mín. 

Á Suður-Grænlandi er margt sem vekur áhuga. Hér má fræðast um sögu Inuíta og norrænna manna og lifnaðarhætti fólksins á harðgerðu en jafnframt búsældarlegu svæði, sem fer langt með að réttlæta græna litinn í nafni landsins.

Frekari upplýsingar um flug til Grænlands.

Narsarsuaq

Grænland
Fólksfjöldi: 123 (2020)Svæði: km²Samgöngur: 26 km malarvegur er á milli Qassiarsuk og Narsarsuaq meðfram firðinum.Gjaldmiðill: Dönsk króna

Landsvæði andstæðnanna

Í landslagi Suður-Grænlands gætir mikilla andstæðna. Hér má finna blómum skrýddar sléttur og frjósama dali, firði þar sem krökkt er af hafís, fjölda jökla og fjallasvæði sem auðugt er að jarðefnum. Á svæðinu er stundaður háþróaður landbúnaður og víðáttumikil beitarsvæði eru lögð undir fé og hross. 

Hér má jafnframt finna einhverjar best varðveittu mannvistarleifar norrænna manna, sem byggðu svæðið frá tíundu öld fram á þá fimmtándu. Eiríkur rauði byggði bú sitt í Qassiarsuk (sem hann kallaði sjálfur Bröttuhlíð).

Ferðir af ýmsu tagi

Fyrir gesti sem þyrstir í að kynnast menningu og náttúru svæðisins, er sérstaklega hentugt að byrja á heimsókn til bæjanna Narsaq, Qaqortoq, Nanortalik sem og höfuðstaðarins Narsarsuaq.

Heimsókn til einhvers hinna minni bæja sem myndast hafa kringum fjárbúskap, bæja á borð við Qassiarsuk, Igaliku og Alluitsup Paa, bætir annarri vídd við ferðalagið.

Skoðunarferðir af ýmsu tagi standa til boða á Suður-Grænlandi: gönguferðir, veiðiferðir, skoðunarferðir að leifum norrænna kirkna og bæja, kajakferðir um firðina, klettaklifur og áfram mætti telja. 

Bókaðu ferðalagið í dag

Við hlökkum til að sjá þig um borð!