Nýjustu upplýsingar
Gátlisti fyrir flug
Er allt klárt fyrir flugið? Við núverandi aðstæður eru ferðalög með öðru sniði en vanalega og við viljum benda á nokkur atriði sem mikilvægt er að hafa í huga áður en lagt er af stað:
- Fyrir komu til Íslands þarf að fylla út sérstakt eyðublað.
- Gakktu úr skugga um að við höfum réttar samskiptaupplýsingar, ef við skyldum þurfa að ná í þig.
- Kynntu þér ferðatakmarkanir og sóttvarnir á áfangastaðnum þínum.
- Taktu með andlitsgrímu.
- Kynntu þér takmarkanir á handfarangri.
- Upplýsingar um flugstöð / terminal má nálgast á vefsíðum flugvallanna.
- Taktu með nesti (kauptu drykki til að hafa með í flugið eftir öryggisleit á flugvelli).
- Taktu með heyrnartól.
- Náðu í appið okkar.
- Þeir sem eru veikir ættu ekki að ferðast.
- Kynntu þér þær ráðstafanir sem við höfum gert til að lágmarka smithættu.
Algengar spurningar varðandi COVID-19 og flug með Icelandair
Það er skiljanlegt að þú leitir svara við ýmsum spurningum sem koma upp á þessum síbreytilegu tímum. Við viljum fullvissa þig um að starfsfólk okkar leggur hart að sér til að svara þeim öllum. Við uppfærum flugáætlunina okkar með 7 daga fyrirvara. Þú getur skoðað flugáætlunina hér á síðunni.
Eftirfarandi eru algengustu spurningarnar sem okkur hafa borist, ásamt leiðbeiningum um þá kosti sem standa til boða ef röskun verður á flugi þínu.
Gátlisti: Við höfum tekið saman nokkur mikilvæg atriði í gátlista (hér fyrir ofan) sem er gott að fara yfir fyrir flug.
Skráning: Fyrir komu til Íslands er öllum skylt að fylla út sérstakt eyðublað, þar sem m.a. koma fram samskiptaupplýsingar, upplýsingar um dvalarstaði og upplýsingar um heilsufar.
Þó á því séu nokkrar undantekningar * (sjá neðar), þurfa flestir þeir sem koma til landsins að velja milli tveggja kosta:
- Að fara í sýnatöku vegna Covid-19 á landamærunum, og mögulega fara í aðra sýnatöku**.
- Íslenskir ríkisborgarar og einstaklingar með fasta búsetu á Íslandi þurfa að fara aftur í sýnatöku 4-6 dögum eftir komu til landsins og viðhafa það sem kallast heimkomusmitgát þar til niðurstaða seinni sýnatökunnar liggur fyrir.
- Frá og með 31. júlí, þurfa ferðalangar sem hyggjast dvelja á Íslandi í 10 daga eða lengur einnig að viðhafa sérstaka smitgát og fara í aðra sýnatöku (frekari upplýsingar hér fyrir neðan).
- Að fara í 14 daga sóttkví.
Komufarþegar borga 9.000 krónur fyrir hvert Covid-próf ef greitt er við forskráningu, ekki síðar en 1 degi fyrir komu, en 11.000 krónur ef greitt er við komu til landsins. Þó greiðir hver einstaklingur aldrei meira en 22.000 krónur á hverju 30 daga tímabili. Nánari upplýsingar um ferðalög á Íslandi.
Fyrir komu til Íslands þurfa allir farþegar að fylla út sérstakt eyðublað.
*Undanþágur frá sóttkví og sýnatöku
Flugáhafnir og áhafnir flutningaskipa þurfa ekki að fara í sóttkví.
Farþegar frá Danmörku, Finnlandi, Færeyjum, Grænlandi, Noregi og Þýskalandi þurfa ekki að fara í sóttkví eða gangast undir sýnatöku við komu til landsins, ef þeir hafa dvalið í þessum löndum í 14 daga eða meira fyrir komuna til Íslands. Farþegar frá þessum löndum þurfa engu að síður að fylla út sérstakt eyðublað fyrir komu til landsins.
Vinsamlegast athugið að skimun fyrir COVID-19 er ekki í boði á Keflavíkurflugvelli fyrir komufarþega frá löndum sem hafa verið fjarlægð af lista yfir áhættulönd.
Skilyrði fyrir heimkomu án sóttkvíar/sýnatöku: Meginreglan er sú að til þess að fá undanþágu frá sýnatöku og sóttkví/heimasmitgát, mega farþegar ekki hafa verið á áhættusvæði (svæði utan Danmerkur, Finnlands, Færeyja, Grænlands, Noregs og Þýskalands) í 14 dag fyrir komu sína til Íslands.
Þetta þýðir að þeir sem ferðast frá Íslandi til ofangreindra landa fá undanþágu frá sóttkví og sýnatöku við heimkomu, svo lengi sem þeir fara ekki út fyrir þessi landsvæði á ferðalaginu. Það gildir einu hvort dvölin erlendis er lengri eða skemmri en 14 dagar, ef aldrei er farið inn á áhættusvæði.
Sumir ferðalangar geta fengið undanþágu frá sóttkví eða sótt um aðlagaða sóttkví. Frekari upplýsingar um það hver getur sótt um aðlagaða sóttkví, má finna á vef Landlæknisembættisins.
Frekari upplýsingar um aðgerðir stjórnvalda má nálgast á vef ríkisstjórnarinnar.
**Tvöföld sýnataka - nýjar reglur frá og með 31. júlí
Frá og með 31. júlí, þurfa ferðalangar sem hyggjast dvelja á Íslandi í 10 daga eða lengur að fara í tvær sýnatökur. Sú fyrri fer fram við komu til landsins og sú síðari á heilsugæslustöð 4-6 dögum síðar. Þar til niðurstaða seinni sýnatökunnar er orðin ljós, þurfa ferðalangar að vera sérstaklega varkárir. Síðari sýnatakan er ókeypis og stendur til boða á heilsugæslustöðvum um land allt.
Einstaklingum með íslenskan ríkisborgararétt eða fasta búsetu á Íslandi, og öðrum sem hafa stórt tengslanet hér á landi, ber skylda til þess að fara í tvær sýnatökur, óháð lengd dvalarinnar á Íslandi. Börn fædd 2005 eða síðar eru undanskilin bæði sýnatökunum og sóttkvínni.
Farþegar sem koma frá Danmörku, Noregi, Finnlandi og Þýskalandi, auk Færeyja og Grænlands, eru undanþegnir kröfum um sýnatöku og sóttkví sem almennt eru í gildi fyrir þá sem ferðast til Íslands, hafi þeir dvalið í ofangreindum löndum í að minnsta kosti 14 daga fyrir komu til landsins.
Ef þeir farþegar sem þessar nýju reglur ná til vilja gera breytingar á bókun sinni (til dæmis stytta dvöl sína á Íslandi), má gera þær breytingar á vefsíðunni okkar.
- Ef fluginu þínu hefur verið aflýst, færðu sendan tölvupóst með öllum mikilvægum upplýsingum er snúa að endurbókun, ferðainneign og endurgreiðslu. Við mælum með því að þú notir hlekkinn í tölvupóstinum frá okkur til þess að gera umsóknina. Ef þú hefur ekki fengið póst frá okkur, getur þú óskað eftir ferðainneign eða endurgreiðslu hér á vefsíðunni okkar.
- Ef fluginu þínu hefur ekki verið aflýst, en þú vilt afbóka flugið, hefurðu kost á að afbóka og sækja um ferðainneignarnótu. Frekari upplýsingar má finna á síðu okkar um afbókanir. Ef ferðainneignarnótan hentar þér ekki, getur þú kannað hvort þú átt rétt á endurgreiðslu. Athugaðu að upphæð endurgreiðslunnar veltur á tegund fargjaldsins. Ef þú vilt fá endurgreiðslu, getur þú óskað eftir henni með því að fylla út þetta eyðublað.
- Við reynum að afgreiða allar endurgreiðslur innan skamms tíma frá því að viðskiptavinir hafa látið okkur hafa allar helstu upplýsingar. En í ljósi núverandi aðstæðna og þess mikla fjölda fyrirspurna sem okkur hefur borist, má búast við verulegum töfum á afgreiðslu þessara mála. Því er sennilegt að þú fáir endurgreiðsluna síðar en myndi alla jafna vera raunin. Við þökkum viðskiptavinum fyrir að sýna okkur skilning og þolinmæði.
- Við viljum minna viðskiptavini á að það tekur okkur mun styttri tíma að afgreiða ferðainneignir, ef að þeir kjósa að sækja um þær í stað endurgreiðslu.
Ef þú hefur óskað eftir endurgreiðslu en hefur ekki fengið hana greidda út, biðjum við þig að sýna okkur þolinmæði. Vegna mikils álags þessi misserin, tekur það okkur mun lengri tíma en vanalega að vinna úr málum. Þú þarft ekki að hafa samband við okkur aftur, við getum fullvissað þig um að málið þitt er í farvegi og að við reynum að vinna úr því eins hratt og mögulegt er.
- Fylgstu með stöðu flugsins á síðunni Ferðin mín.
- Gakktu úr skugga um að samskiptaupplýsingarnar sem þú gefur upp séu réttar, á síðunni Ferðin mín.
- Ef fluginu þínu er aflýst, færðu sendan tölvupóst með öllum mikilvægum upplýsingum.
- Ef þú þarft að endurbóka flugið á lokaáfangastað þinn, vinsamlegast hafðu samband símleiðis.
- Skoðaðu gátlistann okkar.
Þú getur gert það á sérstakri síðu um breytingar á bókunum á vefsíðunni okkar.
Þú getur afbókað ferðina og sótt um ferðainneignarnótu. Frekari upplýsingar má finna á síðu okkar um afbókun flugs.
Ef ferðainneignarnótan hentar þér ekki, getur þú líka kannað hvort þú átt rétt á endurgreiðslu, sem má svo nálgast með því að fylla út þetta eyðublað. Upphæð endurgreiðslunnar veltur á tegund fargjalds.
Allar nánari upplýsingar um ferðainneignarnótuna má finna á sérstakri síðu með algengum spurningum um notkun ferðainneignarnótunnar.
Við mælum með því að þú fylgist vel með nýjustu upplýsingum á vefsíðunni okkar, þar sem við uppfærum flugáætlunina reglulega og auk þess kunnum við að gera breytingar á skilmálum okkar um endurbókun.
Ef þú vilt breyta eða afbóka flug sem fellur ekki undir skilmálum okkar um endurbókun, veltur upphæð endurgreiðslunnar á tegund fargjaldsins.
Þú getur sjálf/ur breytt bókun þinni á netinu, á síðunni Ferðin mín.
- Ef fluginu þínu er aflýst, færðu sendan tölvupóst með öllum mikilvægum upplýsingum.
- Ef þú þarft að endurbóka flugið á lokaáfangastað þinn, vinsamlegast hafðu samband símleiðis.
Ef fluginu þínu hefur verið aflýst og þú hyggst ekki ferðast, getur þú annað hvort fengið ferðainneignarnótu eða endurgreiðslu. Við mælum með því að þú notir hlekkinn í tölvupóstinum frá okkur til þess að gera umsóknina. Ef þú hefur ekki fengið póst frá okkur, getur þú óskað eftir ferðainneign eða endurgreiðslu hér á vefsíðunni okkar.
Ef ferðainneignarnótan hentar þér ekki, getur þú kannað hvort þú átt rétt á endurgreiðslu. Athugaðu að upphæð endurgreiðslunnar veltur á tegund fargjaldsins. Ef þú vilt fá endurgreiðslu, getur þú óskað eftir henni með því að fylla út þetta eyðublað.
Þetta eru miklir óvissutímar, en við viljum gera viðskiptavinum okkar kleift að leggja drög að ferðum. Ef þú ert að velta því fyrir þér að bóka flugmiða, bjóðum við þér upp á að breyta fluginu síðar. Nánari upplýsingar um hvernig þú getur bókað núna og breytt síðar.
Þú getur notað ferðainneignarnótuna þegar þú gerir nýja bókun á vefsíðunni okkar. Eftir að þú hefur skráð upplýsingar um farþega og valið þjónustu um borð, fylgir síða þar sem þú fyllir inn greiðsluupplýsingar og þar má bæta við númeri inneignarnótunnar. Frekari upplýsingar má finna í skilmálum Icelandair um ferðainneignarnótur.
Það er mikið álag á þjónustuverinu okkar í augnablikinu.
Þetta hefur leitt til þess að viðskiptavinir hafa þurft að bíða lengi eftir svari frá þjónustuverinu. Eins og stendur, setjum við svör við fyrirspurnum um flug sem fara í loftið á næstu 48 klukkustundum í forgang.
Ef þú þarft á aðstoð að halda, vinsamlegast fylltu út þetta eyðublað eða hafðu samband símleiðis.
Við sendum sjálfvirkt svar með tölvupósti til allra sem fylla út eyðublaðið. Eins og stendur, setjum við svör við fyrirspurnum um flug sem fara í loftið á næstu 48 klukkustundum í forgang. Við uppfærum flugáætlunina okkar 7 daga fram í tímann. Þú getur skoðað flugáætlunina hér á síðunni. Við verðum í sambandi við þig eins fljótt og völ er á.
Við biðjum farþega að halda sem mest kyrru fyrir í því sæti sem þeim hefur verið úthlutað á meðan á fluginu stendur. Þannig má lágmarka samskipti milli farþega og þar með smithættu.
Þar að auki eru upplýsingar um sætaskipan lykilatriði, ef svo ólíklega vildi til að íslensk stjórnvöld þyrftu að rekja samskiptasögu einstaklings sem greinist með Covid-19.
Já. Frá og með 11. júní 2020 hafa reglur um handfarangur breyst. Farþegar mega hafa með sér um borð einn lítinn hlut sem þarf að komast fyrir undir sætinu fyrir framan þá. Handfarangurstöskuna þarf að setja með innrituðum farangri, annaðhvort við innritun eða við hlið (ekkert aukagjald fyrir innritunina). Leyfilegt er að taka með sér um borð tollfrjálsar vörur sem keyptar eru á flugvellinum ásamt einum hlut.
Leyfilegt verður að hafa lækningatæki með um borð auk viðkvæms búnaðar sem rúmast innan farangursheimildar. Dæmi um slíkt eru hljóðfæri eða farangur sem tengist börnum. Við munum meta þetta hverju sinni í samráði við farþegann.
Til að lágmarka líkur á smiti um borð, höfum við gripið til fyrirbyggjandi aðgerða á flugleiðum okkar.
Við hvetjum farþega til að kynna sér reglur sem gilda á þeim flugvöllum sem þeir fara í gegnum. Mörg önnur flugfélög hafa takmarkað farangursheimildir og á flugvöllum verður aðeins leyfilegt að fara með einn hlut í gegnum öryggisleitina.
Já. Til að lágmarka heilsufarsáhættu farþega og starfsfólks okkar, höfum við gripið til eftirfarandi fyrirbyggjandi aðgerða á flugleiðum okkar frá og með 20. mars.
Breytingar á matar- og drykkjarþjónustu um borð
Farþegum er velkomið að koma með eigin mat um borð, en við bendum á að það er óleyfilegt að hafa með sér áfenga drykki í vélina.
Við mælum með því að þú kaupir drykki til að hafa með í flugið eftir að þú ert komin/n gegnum öryggisleit, vegna reglna um hámarksmagn vökva í handfarangri.
Milli Evrópu og Íslands:
- Á Economy farrými fá farþegar vatnsflösku þegar gengið er um borð. Öllum börnum á aldrinum 2 til 11 ára verður boðið upp á mat. Önnur matarþjónusta verður ekki í boði. Því miður getum við ekki afgreitt fyrirfram greiddar máltíðir; sækja má um endurgreiðslu fyrir fyrirfram greiddar máltíðir gegnum vefsíðuna okkar.
- Á Saga Premium farrými fá farþegar matarpakka í sætið sitt sem inniheldur vatnsflösku, salat og létt snakk. Farþegar fá líka ferðaveski sem inniheldur svefngrímu, sokka, eyrnatappa o.s.frv.
Milli Norður-Ameríku og Íslands:
- Á Economy farrými fá farþegar vatnsflösku og samloku þegar gengið er um borð. Öllum börnum á aldrinum 2 til 11 ára verður boðið upp á mat. Því miður getum við ekki afgreitt fyrirfram greiddar máltíðir; sækja má um endurgreiðslu fyrir fyrirfram greiddar máltíðir gegnum vefsíðuna okkar.
- Á Saga Premium farrými fá farþegar matarpakka í sætið sitt sem inniheldur vatnsflösku, salat og létt snakk. Farþegar fá líka ferðaveski sem inniheldur svefngrímu, sokka, eyrnatappa o.s.frv.
Við minnum á að ekki er hægt að greiða með reiðufé um borð. Við tökum vel á móti debet- og kreditkortum og Vildarpunktum, en ekki við reiðufé í neinum gjaldmiðli.
Breytingar á tollfrjálsri verslun
Saga Shop er tímabundið ekki í boði á neinum flugleiðum.
Já. Matar- og drykkjarþjónusta hefur verið takmörkuð í setustofunni, til þess að gæta öryggis farþega okkar og starfsfólks.
Fersk matvæli eru ekki lengur á boðstólum en úrval drykkja er óbreytt. Í boði verður snarl, sem við mælum með að farþegar grípi með sér úr Saga Lounge þegar þeir ganga um borð í flugið.
Farþegar mega búast við því að breytingar hafi verið gerðar á þjónustu í betri stofum þeirra flugvalla sem við fljúgum til. Sumar þeirra eru lokaðar og aðrar bjóða aðeins upp á takmarkaða þjónustu.
Á tímabilinu frá mars til september 2020 ætlum við að gefa öllum Saga Club félögum auka Fríðindastig. Sá fjöldi Fríðindastiga sem Saga Club félagar fá í sinn hlut, jafngildir meðalfjölda þeirra Fríðindastiga sem hver og einn félagi hefur safnað fyrir flug með Icelandair á síðastliðnum 12 mánuðum fyrir mars 2020. Hafið í huga að Fríðindastig segja til um hvort Saga Club félagar eigi rétt á Saga Silver eða Saga Gold aðild og að þau safnast fyrir áætlunarflug með Icelandair. Ef þú hefur fleiri spurningar, er líklegt að svörin sé að finna hér fyrir neðan.
Hvaða Saga Club félagar fá auka Fríðindastig?
Allir Saga Club félagar sem söfnuðu Fríðindastigum fyrir áætlunarflug Icelandair á síðustu tólf mánuðunum fyrir mars 2020, fá auka Fríðindastig inn á Saga Club reikninginn sinn.
Hversu mörg auka Fríðindastig mun ég fá sem Saga Club félagi?
Sá fjöldi Fríðindastiga sem þú færð sem Saga Club félagi er meðalfjöldi þeirra Fríðindastiga sem þú hefur safnað fyrir áætlunarflug Icelandair á síðastliðnum 12 mánuðum fyrir mars 2020.
Hvenær fæ ég auka Fríðindastigin lögð inn á reikninginn minn?
Auka Fríðindastigin fyrir tímabilið mars til september verða lögð inn á Saga Club reikninginn þinn á síðasta degi mánaðarins.
Ef að þú misstir af fluginu þínu vegna ferðatakmarkana, vinsamlegast fylltu út þetta eyðublað (jafnvel þó að þú hafir áður haft samband gegnum samfélagsmiðla).
Já. Hjá Icelandair er öryggi ávallt forgangsatriði númer eitt – bæði fyrir viðskiptavini okkar og starfsmenn. Rannsóknir hafa sýnt að hætta á að smitsjúkdómar berist milli manna um borð í flugvél séu í lágmarki. Hreinsunarferlar okkar eru öflugir og sótthreinsirinn sem við notum hefur reynst árangursríkur gegn veirum.
Áætlanir flugfélaga breytast hratt um þessar mundir, svo við mælum með því að ferðalangar skoði vefsíður flugvalla til að finna nýjustu upplýsingar um flughafnir / terminal, ásamt öðrum upplýsingum um starfsemina.
Vegna tíðra breytinga á ferðatakmörkunum mælum við með því að athuga upplýsingar um ferðatakmarkanir og sóttvarnarkröfur á áfangastað þínum. Við höfum tekið saman upplýsingar um takmarkanir á ferðalögum til þeirra landa sem við fljúgum til á þessari síðu.