Stuðningur Icelandair við tónlist felst í því að flytja íslenska listamenn á erlenda grund og jafnframt að gera erlendum tónlistarunnendum kleift að koma til Íslands og upplifa hér tónleika og tónlistarhátíðir. Í því augnamiði styrkir Icelandair Iceland Airwaves, Músiktilraunir og Reykjavík Loftbrú.

Iceland Airwaves

Icelandair hefur verið helsti bakhjarl tónlistarhátíðarinnar Iceland Airwaves frá upphafi, tónlistarviðburðar sem efnt var til fyrsta skipti árið 1999 og hafði þá að megintilgangi að kynna íslenskt tónlistarfólk fyrir fulltrúum erlendra hljómplötuútgefenda. Síðan þá hefur tónlistarhátíðin Iceland Airwaves vaxið að umfangi, blómstr­að og dafnað og er nú gildur þáttur í menningarlífi Reykjavíkur þar sem meira en 150 tónlistarmenn koma fram á ýmsum stöðum í borginni. Vinnan og fyrirhöfnin, sem farið hafa í undirbúning og framkvæmd tón­listarhátíðarinnar, hafa borið góðan ávöxt og nú hafa margir íslenskir tónlist­armenn öðlast viðurkenningu á alþjóða­vettvangi.

Breyttu Vildarpunktunum þínum í tónlistarupplifun.

Músíktilraunir

Við hjá Icelandair erum stolt af að veita ungu og hæfileikaríku tón­listarfólki stuðning í gegnum Músíktilraunir. Músíktilraunir er tónlistarviðburður þar sem unga fólkið kemur fram í fyrsta skipti opinberlega og fær tækifæri til að standa í sviðsljósinu og spila tónlist.

Icelandair verðlaunar þá sem vinna Músík­tilraunir með því gefa þeim færi á að spila á hinni árlegu tónlistarhátíð Iceland Airwaves.

Reykjavík Loftbrú

Icelandair styður framsækið íslenskt tónlistarfólk sem vill hasla sér völl erlendis, í samstarfi við Reykjavíkurborg og íslenskt tónlistarfólk í verkefninu Reykjavík Loftbrú.

Umsókn þarf að berast fyrir síðasta dag hvers mánaðar og má brottför ekki vera innan 4 vikna frá þeirri dagsetningu. Ekki er veitt úr sjóði Loftbrúar í júlímánuði.

Nánar um styrktarstefnu Icelandair.